الموضوع: كرولا موديل 2005 - 1300 أتوماتيك

اهلا بيك يا باشا ,,
لو العربية فعلا نظيفة وحالة الماتور كويسة
و عداد سليم هتعمل من 85 الي 90 الف لو ممتازة
ولو فيها حاجة او بعض التعليقات ممكن تنزل كام الف حسب التقدير وقت البيع
مجرد رأي فقط
والله اعلم ..

المشاركة الأصلية كتبت بواسطة s o p h o s

اهلا بيك يا باشا ,,
لو العربية فعلا نظيفة وحالة الماتور كويسة
و عداد سليم هتعمل من 85 الي 90 الف لو ممتازة
ولو فيها حاجة او بعض التعليقات ممكن تنزل كام الف حسب التقدير وقت البيع
مجرد رأي فقط
والله اعلم ..

شكرا . لسرعة رد حضرتك .
وذوق حضرتك ده هيشجعنى اتعبك بأسئلة كتير لو خدت العربية (-: ان شاء الله

اتفضل بأي سؤال يا باشا
وانت قولت رأي لو هتشتري العربية
ومع تقديري لرأي اخواتي لكن 100 الف مع 1300 موديل 2005
معلش يبقي حرام كمل 30 الف كمان واركب سيفيك الجيل الثامن
وهتبقي اسمك راكب عربية موديل 2010 واسمها عربية
فالجري هتلاقيها وفالثبات موجودة والجودة والموديل الاحداث موجودة الــــــخ ّّ ّ
وعارف ان ال 30 الف مبلغ كبير ولكن يعتبر نقلة كبيرة مدام هتشتري بالغالي
مع كامل تقديري للكورولا 2005 لكن طالما هتدفع فلوس كتير فكر في بدائل تاني ولا لا
وانا كلامــي مجرد رأي شخـصي ليس الا وقد يكون خطأ
ومفهوش اي اعتراض علي تقيم الاخوة الي بيقول واقع السوق فعلا
ولكن ده منطق السوق المصري الي معترض عليه
والله اعلم
تحياتي للجميع ..

لو مش راشة برة فعلا و العداد مناسب للحالة 95 الف سعر عادل و العربية دية متسيبهاش

شكرا لكل الاخوة الزملاء الذين شاركوا وتفضلوا بالرد .
ان شاء الله انا خدت العربية وياريت لو حد يقدر يقولى :
- المفروض ايه الصيانة اللى المفروض تتعمل دلوقتى ؟
- لو مركز خدمة كويس ومعتمد قريب من الرماية أو الهرم .
- منين اجيب قطع الغيار الأصلية بتاعتها .
ومعلش اسف على كثرة الأسئلة . التويوتا جديدة عليا لسه
وشكرا مقدما .