لأ اطمن مفيش مشكلة
انا كنت فاكر ان العربية بالنظام القديم بتاخد وقت شوية على ما المحرك فعليا يسخن انما سألت المهندس عبد الجليل دلوقتي قال لي لأ عادي هو فعلا اول لما تدور المؤشر بيروح للنص علطول
عرض للطباعة
استاذ طارق كان عندى سؤال بعد ازنك انا معايا لانسر ا1600 خليجى موديل 2006 وكنت عايز اسأل على البنزين انا بستعمل 92 ومفيش اى مشاكل بس انا قريت انت كاتب الخليجى لازم 95 ممكن اعرف ايه الاضرار لو حطيط 92
هو تعليمات شركة ميتسوبيشي ان اللانسر 1600 الخليجي تستخدم بنزين 95 وده حتى مكتوب على استيكر على تنك البنزين بس غالبا معارض البيع بتشيله
انما كل مالكي العربية هنا في المنتدى (ودول كتير) اجمعوا انهم بيحطوا بنزين 92 بدون اي مشاكل انما مش بيدي كامل الباور للعربية 122 حصان ولما بيحطوا بنزين 95 بيكون أداء العربية افضل يعني بكامل الباور 122 حصان
استاذ طارق كان عندى سؤال بعد ازنك انا معايا لانسر ا1600 خليجى موديل 2006 وكنت عايز اسأل على البنزين انا بستعمل 92 ومفيش اى مشاكل بس انا قريت انت كاتب الخليجى لازم 95 ممكن اعرف ايه الاضرار لو حطيط
استاذ طارق كان عندى سؤال بعد ازنك انا معايا لانسر 1600 خليجى سبورت موديل 2006 وكنت عايز اسأل على البنزين انا بستعمل 92 ومفيش اى مشاكل بس انا قريت انت كاتب الخليجى لازم 95 ممكن اعرف ايه الاضرار لو حطيط
طيب ممكن سؤال انا حاسس ان عربتى بتاكل بنزين جامد ممكن اعرف ممكن يكون السبب من ايه انا بصراحه مس حسبتلها لاكن انا حاسس انى بفول وقبل الربع الاخير بكون مشيت حواى 180 كيلو بس واعتقد كدا كتير وشكرا بخصوص البنزين
طيب ممكن سؤال انا حاسس ان عربتى بتاكل بنزين جامد ممكن اعرف ممكن يكون السبب من ايه انا بصراحه مس حسبتلها لاكن انا حاسس انى بفول وقبل الربع الاخير بكون مشيت حواى 180 كيلو بس واعتقد كدا كتير وشكرا بخصوص استفسار البنزين 95
طالما العربية موديل 2006 فممكن تكون محتاجة ظبط محرك لو كان استهلاك البنزين عالي وده بيتم في أي مركز خدمة معتمد
انا معايا لانسر 2004 العربية بترعش لو انا واقف في اشارة و على ال d و الرعشة دي تزيد قوي لو انا مشغل التكييف .........
أرجو الأفادة أية هوا العيب دا ........
و العلاج أية ...........
و لو حبيت اعملها في التوكيل تتكلف كام ..............
وشكراً جداً.............
شكرا على مجهودك الرائع باشمهندس / طارق
ممكن اعرف من سيادتكم هو غطاء الموتور بينزل فى الشارك Gls الفئة الثانية اللى فيها فتحة سقف و 2 ايرباج و Abs و تحكم طارة ؟؟؟
و لو ممكن اعرف ثمن غطاء الموتور كام من فضلك
ولكم جزيل الشكر
غطاء المحرك بينزل في موديلات GLS سواء العادية او الهاف سبورت او السبورت الكاملة اللي حضرتك ذكرتها
سعره 440 جنيه
وعلى فكرة حتى موديلات GLX ممكن يركب لها نفس الغطاء لأن مكان التثبيت موجود في جميع العربيات الشارك
نفسى اعرف اية الفرق الصح بين الاردنى والخليجى انا دورت كتير وعرفت ان الفرق فى horse power بس و ان الأردنى هى نفسها بتاعة الوكيل بس بدون abs و عتب واكر نيكل هل الكلام دة صح ولا فية فروقات تانية ارجو الإفادة
تم عرض المشكلة على المهندس عبد الجليل مدير الاستقبال بمركز الخدمة الرئيسي بالتوكيل ورد بالآتي :
اعتقد ان السائل يقصد ان الرعشة تحدث وهو واقف في اشارة وعصا الفتيس على N
عامة أسباب رعشة محرك السيارة كثيرة جدا ولا يمكن تحديدها الا بالكشف على السيارة ومنها الآتي :
- لو عداد RPM عالي عن اللازم فالمحرك يحتاج الى ضبط
- او وجود عيب في قواعد المحرك فيمكن الكشف عليها وتحديد التالف وتغييره
- أو ان بوابة الخانق تحتاج تنظيف
- أو ان ماتور مروحة التبريد الخاص بالمحرك أو التكييف به عيب أو بوش بحث يسبب رعشة اثناء التشغيل
- او وجود عيب داخلي في المحرك بحيث ان الصمامات لا ترتكز جيدا على قواعدها مما يسبب رعشة
وبالطبع لا يمكن تحديد العلاج ثم التكلفة الا بالكشف وتحديد العيب أولا
العربية الأردني هي مواصفات تصدير عام GENERAL EXPORT مثل المصري أما الخليجي فله مواصفات خليجية GCC ولا فرق بينهما في اساسيات العربية الا في محرك السيارة البومة 1600 سي سي حيث يكون المحرك المصري أو الأردني 115 حصان اجمالي ويحتاج بنزين 90 والخليجي 122 حصان اجمالي ويحتاج بنزين 95 (دي تعليمات الشركة المصنعة ميتسوبيشي)
المواصفات الخليجية هي اشتراطات خاصة تطبق على جميع السيارات الداخلة للخليج مثل :
- ضرورة تثبيت رقم الشاسيه بشكل ظاهر على التابلوه شمال السائق
- ضرورة وجود طفاية حريق وشنطة اسعاف ومثلث
- ضرورة وجود صفارة تحذيرية عند الوصول للسرعة القصوى في الطرق الخليجية وهي 120 كلم/ساعة
أما معظم الفروق فهي في الكماليات وهي ما يتحكم فيها الوكيل بطلبها او عدم طلبها ودائما بتكون الأردني اقل كماليات زي ما حضرتك ذكرت
شكرا على اهتمامك باشمهندس / طارق
ممكن اعرف من سيادتكم هو موديلات Gls الشارك سواء العادية او الهاف سبورت او السبورت الكاملة فيها انذار و لا لأ ؟؟؟
و لكم جزيل الشكر
لو سمحت يا استاذ طارق عايز اعرف اية شكل جنوط الشارك 2009سبوت كاملة هل هى الومنيوم 5 اضلاع ولا الومنيوم 10 اضلاع
اول حاجه كل سنه وانت طيب يابشمهندس طارق و جميع اعضاء المنتدى
كونت عايز حضرتك تقولى سعر الاسبيلر بتاع الانسر ex كام و هل هو بالدهان ولا من غيره
وشكرا
م/ ايهاب
اولا كل سنه وانت طيب يا باشمهندس
عندى استفسار بالنسبه للجنوط عربيتى 1300 مانيوال فيها جنوط اندونيسى وكاوتش GT حرف V مقاس 175/65/14
السؤال انا ان شاء الله هاغير الجنط والكاوتش لمقاس 205/50/15 او 205/45/16
ايهما افضل وايه المميزات والعيوب
[IMG]http://www.up7up.com/pics/n/30/1228467234.jpg[/IMG]
الف شكر للرد والإفادة السريعة من المهندس طارق زويل
أنا سألت المهندس عبد الجليل مدير الاستقبال ورد بالآتي :
الحروف والأرقام المدونة على جانب الاطار لها عدة مدلولات فمنها ما يدل على قطر الجنط وعرضه ومنها ما يدل على أقصى سرعة يتحملها الاطار ومنها ما يدل على أقصى حمل يتحمله الاطار ومنها ما يدل على درجة الحرارة وهكذا..
فأفضل مقاس للاطار هو الموصي به من الشركة المصنعة أي نفس الاطار الأصلي ومواصفاته مكتوبة على جانب الاطار
وفي جميع الأحوال لا تقوم باختيار اطار اكبر من الموجود بدعوى أنه سوف يرفع السيارة عن الأرض لأن ذلك سوف يتلف العفشة فلا يجب تعديل مقاس الاطارات
رأيي الشخصي
اللانسر 1600 لما نزلت في 2006 بجنوط 15 بوصة بعد ما كانت 14 بوصة تم تغيير العفشة في العربية واصبحت عفشة العربية اللي بتنزل بجنط 15 غير عفشة العربية اللي بتنزل بجنط 14 زي الـ 1300 الآن ، وده معناه تأكيد ان كل عفشة تتحمل مقاس محدد للجنط
Hi Eng. Tarek,
I'm sorry but my keyboard doesn't support arabic letters.
I have a 97 lancer and my problem is that it takes long time in the morning to warm up and if tried to drive it quickly without this warming its performance becomes less than the usual.
I tried t ask many mechanics about this and i changed the sparking plugs several times but no effect.
Is there anything that can be done for this problem and how much would this cost?
Thanks for your care..
المهندس / طارق
كل سنة وانت طيب بمناسبة عيد الاضحي وعيد ميلادك .
انا كنت عايز اعمل صيانة الالف في قليوب
واناعارف ان حضرتك بتكون موجود فيه-وقلت لازم اتعرف عليك واتشرف بمقابلتك
فياترى ايه رأيك في افضل يوم اقدر آجى اعمل الصيانة واقابل حضرتك فيه
لك كل التحية واشكرك جدا على اهتمامك بالرد على كل الاستفسارات
اخيك في الله
المعتز بالله محمد
السلام عليكم ورحمة الله وبركاته
المهندس/ طارق
كل سنة وحضرتك طيب
لو سمحت يا باشمهندس طارق كنت عايز اعرف سعر الاسبويلر بتاع الانسر البومة 2005 ؟ وهل موجود في التوكيل ولا بييجي طلبية؟ وهل مابيحصلش مشاكل بعد التركيب نتيجة التخريم في الشنطة؟ وشكرا
مشكورين علي الموضوع المفيد
بقالي مده مش قصيرة بدور على كريستاله تكون حلوه
الاسعار متباينه اوي ومش عارف ايه الموضوع فيه العالي في السعر وحالته طبعا كويسه وفيه اللي حالته بردو كويسه زيو وسعر ارخص كتير
هيا الكريستاله 99 و 2000 الفول اوبشن تعمل في رينج كام
سواء مانيوال او اوتوماتيك مش هتفرق نفسي ابقى كريستلاوي بقى بس خايف الفلوس تعجز معايا ومبقاش كريستالاوي
سعر الاسبويلر الأصلي حوالي 3000 جنيه وبييجي بالطلب
فيه الموضوع ده عن سبويلر بدون تخريم وسعره 360 جنيه
http://www.nilemotors.net/Nile/showthread.php?t=21719
طب مش ممكن حتى حضرتك تديني رينج تقريبي
استنى لحد امتى طيب لما السوق يستقر انا بعت عربيتي اول ملقيت الاسعار بتنزل كده ومتسوح في المواصلات :dzey:
انا معرفتي فقط بالعربيات الزيرو بحكم عملي في التوكيل انما المستعمل ما اقدرش احدد له اسعار للأسف
السلام عليكم
انا دلوقتي عايز اجيب الانسر الشارك بس مشكلتي في انها ثابته و البنزين يعني ثباتها علي الرض اعلي من البومه ولا ايه لاني سالت في المصريه و في معرض تاني قالولي ان البومه ثابته اكتر منها و برضه عايز اعرف استهلاكها للبنزين عالي ولا ايههه
اخر حاجه بقي انا واحد قالي ان اللانسر الشارك فيها عيب جامد في الفتيس و هي ماشيه علي سرعه الفتيس بينزل لوحده علي ال p وده بيخلي العربيه تقلب الكلام ده صح ولا ايه اصلا لو صح دي تبقي مصيبه
معلش اني متتقل علي حضرتك
انا داخل ارد علي موضوع الفتيس فقط
ياريت بس اللي قال لحضرتك كده قوله لما تعرف تركب اوتوماتيك تبقي تتكلم
حضرتك بالعقل كده ومن غير اي تفكير
الفتيس علشان ينقل علي ال p
وهو علي ال d
لازم يعدي علي n
وبعدها يعدي علي r
وبعدها ييجي علي ال p
تخيل انت بقي العربيه هتعمل ده كله لوحدها والله دي حاجه حلوه خالص وانا عمري اصلا ماشفت حد اشتكي من الشارك في العيب ده
ممكن حضرتك تدور في المنتدي هنا هتلاقي موضوع عن الشارك (مميزات وعيوب) وطبعا كلها تجارب فعليه من الاعضاء اعمل انت بحث بس وهتلاقيه وانا كمان هدورلك عليه حالا
أتفضل ياباشا
دي مجموعة موضوعات جديدة عن اللانسر EX :
Lancer 2008 ex first drive
http://www.nilemotors.net/Nile/showthread.php?t=11 059
the new lancer ex Test drive + pics//from Syria
http://www.nilemotors.net/Nile/showthread.php?t=13 979
*** تقييم لانسر 2008 ***
http://www.nilemotors.net/Nile/showthread.php?t=21 788
ما هى اسعار قطع غيار اللانسر الجديدة؟
http://www.nilemotors.net/Nile/showthread.php?t=26 263
عايز نصيحة ملاك اللانسر الشكل الجديد
http://www.nilemotors.net/Nile/showthread.php?t=29 920
لانسر Ex مميزات و عيوب
http://www.nilemotors.net/Nile/showthread.php?t=30 409