تم الرد في الموضوع الأصلي الخاص بك حتى يكون الموضوع متكامل
http://www.nilemotors.net/Nile/showthread.php?t=58740&page=3
عرض للطباعة
تم الرد في الموضوع الأصلي الخاص بك حتى يكون الموضوع متكامل
http://www.nilemotors.net/Nile/showthread.php?t=58740&page=3
السلام عليكم
اخبارك يا باشا ؟؟؟
انا عندي سؤال بالنسبة للانسر فيها دائره من قدام ودائره من وره
هدي ايش ؟؟ حساسات ؟؟ ولا ايش
سيارتي لانسر جي ال اس 2009
دي طبه (يعني قطعة بلاستك مجرد غطاء) يخفي وراءه مكان جر أو شد العربية (اذا ما اقتضت الحاجه لذلك)
السؤال ده ممكن يكون اتكرار لكن ياريت حد يبعتلى جدول الصيانه و قطع الغيار الوجب تغيرها كل 10000كيلو و شكرا على المساعده
السلام عليكم
ازيك يا بشمهندس طارق انا عندى سؤال هل تغير فلتر هواء السياره يحسن من اداء المكيف علما بان سيارتى موديل 2005 ولا يوجد بها فلتر تكييف وانا مستحرم افك الطبلوه على شان انظف ثلاجه التكييف وشكرا
دي اسعار الصيانات الدورية في التوكيل ومكوناتها
http://www.nilemotors.net/Nile/showthread.php?t=46165
لأ ..هو فلتر هواء السيارة ده خاص بالهواء الداخل للمحرك مش للتكييف
انا معايا لنسر 98 أتومتك سقت فيها موتور 1.5 cc 2cam doch 16 v أتوماتيك كنت عايز أعرف الهورس باور بتاع الموتور دة كام
إستاذى العزيز المهندس طارق أرجو من حضرتك معرفة إستهلاك البنزين فى عربية شارك 2008 وما هى الاكسسوارات للانسر الشارك 2008 فى التوكيل وما هى الأسعار وشكرا كثيرا
حضرتك شوف رقم المحرك كام (مثلا 4G18) ودور على تفاصيله على النت
استهلاك البنزين في اللانسر مش موجود في كتالوجات العربية العادية فلازم اسأل مهندسي الصيانة للوصول للمعلومة دي
بخصوص اكسسوارات الشارك 2008 فباذن الله انزل لها موضوع منفصل
من فضلك مهندس طارق فى نفس موضوع زيت ال cvt .
أستاذ mohamedway مقتنع تماما ان اى زيت غير بتاع ال cvt يؤدى الى دمار شامل للفتيس . وحضرتك قلت ان استخدام زيت موبيل مفيش منه اى ضرر وكمان التوكيل بيستخدمه .
هل فعلا فيه ضرر ام ان زيت ال cvt يحسن من الأداء فقط ؟
يا ريت يكون الرد قاطع عشان ده موضوع مهم جدا .
انا لم أشكك فى صحه كلام البشمهندس طارق و لكن قلت انه أكيد الزيت الموبيل المقصود يكون بردو مخصص لل CVT وليس الموبيل المخصص للأتوماتك العادى و قولت مش مهم الماركه موبيل أو شيل أو أى حاجه ولكنى فعلا مقتنع تماما جدا و بناء على بحث فى النت و بناء على فهمى لنظريه عمل الCVT ميكانيكيا ان له زيت مواصفاته تختلف عن زيت الأتوماتك العادى وإلا شركات انتاج الزيت مكانوش كلفوا نفسهم و عملوا نوعيه مخصوصه من الزيت و عملولها علب مخصوص و كتبوا عليها CVT Fluid ودوروا على النت و شوفوا بنفسكم...
ايه يا استاذ محمد انا مقلتش انك بتشكك فى كلام مهندس طارق ولا حاجة . انا قلت انك مقتنع بحاجة معينة بالرغم ان التوكيل بيناقد كلامك . وعلى فكرة مفيش زيت موبيل لل cvt وجرب تعمل بحث فى موقع موبيل . عرفنا ان لل cvt زيت مخصوص وشكرا على المعلومة لكن اللى بنتكلم فيه دلوقتى هو الزيت العادى لما نستخدمه مع ال cvt .
وكلام مهندس طارق كان واضح ومش محتاج تفسير ان فى التوكيل بيستخدموا زيت موبيل العادى عند نفاذ الزيت اللى بيستوردوه بكميات محدودة ... يعنى بكلام حضرتك يبقى مركز الصيانة الرئيسى ومركز الصيانة فى اسكندرية مبيفهموش حاجة اذا كانوا بيستخدموا زيت مش مخصص لل cvt (و بالشكل ده كل العربيات ال 1600 cc كانت غيرت الفتيس بتاعها بسبب استخدام الزيت الخاطىء ) .
ملحوظة : احنا مش بنتناقش عشان نثبت ان كلام شخص معين صح أو غلط ... ولكن الهدف من المناقشة هى المصلحة العامة للكل ومعرفة الرأى الصائب اللى يعتمد عليه .
استاذ طارق
انا الاكصدام الخلفي محتاج شوية ضبط لانه فيه فرق عن الصاج فكم تكون التكلفة و ياخد وقت اد ايه لاني ممكن انزل اجازة قريب
و شكرا ليك
يا ريت يا بشمهندس طارق تقولى حساس الايدلر او idel air control valve
بتاع لانسر 2006 خليجى
رقم شاسية
JMYSRCS1A6U803908
موجود ولا لا ؟؟ لانى دايخ عليه مش لاقيه و دا الموضوع الاصلى
http://www.nilemotors.net/Nile/showt...560#post655560
شكرا
أشكرك انك ذكرت اسمه بالانجليزى لأنى ماكنتش عارف ايه حساس الأيدلر ده اللى انت بتسأل عليه ولكن لما كتبته بالانجليزى تبين انه ليس حساس و لكن air valve وبكده انا فهمت وظيفته (بيعدى هواء أكتر فى وضع السلانسيه عشان يساعد الانجكشن انه يعلى العربيه لما تكون بارده أو لما تشغل التكييف ....وغيره) وعلى فكره جرب تنضفه ممكن يكون مسدود لأنه ليس إلا صمام صغير بيفتح للهواء أو يقفله عليه.
صباح الخير يابشمهندس طارق
ليه استفسار صغيرلو سمحت انا بستخدم زيت موبيل وهو المفروض يتم تغيره عند 10000كيلو او سته اشهرايهما اقرب حسب ما قال مهندس الصيانه وانا عدى عليه 6 شهور وماشيت 6000 كيلو فقط وبصراحه مش عاوز اغيره الابعد ماامشى بيه 10000 كيلو فهل كده غلط على العربيه وخصوصا انى كشفت على الزيت لسه زى مايكون جديد ...
ولك جزيل الشكر
بالتأكيد غرض الجميع الوصول للمعلومة الصحيحة
زيت موبيل المستخدم بديلا عن زيت CVT هو Mobil ATF 320 Ultimate Performance وبالتأكيد لم يتم استخدامه دون استئذان شركة ميتسوبيشي في ذلك وكذلك هم بينصحوا بالزيت المستورد من اليابان لكن مقالوش اي زيت غيره هيضر الفتيس
هو طبعا تحديد التكلفة تتطلب المعاينة انما لو فرق بسيط يبقى الموضوع بسيط ويتعمل خلال ساعة ولا حاجه - في انتظار حضرتك بعد الوصول بالسلامة
انا اتصلت بالمخزن الرئيسي سألتهم فالمهندس مدير قطع الغيار قال لي ان حضرتك كلمتهم خلاص
هو معظم الناس بتعمل في المتوسط 10 آلاف كيلو في 6 شهور انما طبعا في كتير استهلاكهم اقل من كده وممكن يقعد فترة اطول من كده على ما يمشي 10 آلاف
هو بشكل عام معاك من 8 شهور لسنة كاملة انما لا تزيد عن سنة بأي حال من الأحوال ولازم تغير الزيت قبلها.
شكرا مهندس طارق على الأهتمام
السلام عليكم استاذ طارق..كنت عاوز اعرف من حضرتك هل ممكن اغير الابانوس اللى فالتابلوة واللى فالبيبان فلانسر شارك بلون تانى ؟ وهل بيتم فكة وتركيبة فالتوكيل وسعرة كام ؟ وهل فى منة الوان بتتباع كقطع غيار فالتوكيل ولالا انا بصراحة كنت عاوز اركب السادة اللى بيلمع بدل الابانوس فهل ممكن؟ وشكرا جزيلا
استاذ طارق كان فى بعض الاسئلة بخصوص عربيتى شارك مانيوال 2008
1-كنت عملت صيانة الالف فى قليوب و بعد ما استلمت العربية لقيت مكتوب فى الكمبيوتر اللى فى التابلوة ان الصيانة الجاية بعد 9000 كيلو او 3 شهور فانا مستغرب هو الصيانة مش بعدد الكيلوهات ؟ اية معناها 3 شهور معنى كدة انى بعد 3 شهورلازم اروح الصيانة تانى و لو مش لازم اروح طيب اية معنى اللى مكتوب و اللى اعرفة ان لما عملت 1000 الكيلو الكمبيوتر قعد يدى تحذير بمعنى كدة ان العربية بعد 3 شهور هتدى تحذير ومش مهم عملت كام كيلو
2-البطارية اللى جاية مع العربية بطارية سائلة مش جافة و استغربت جدا لما لقيتها سائلة لانى اعرف ان العربيات الجديدة معظمها بطاريات جافة فكان ليا استفسار مش البطارية السائلة مش بتحتاج صيانة دورية تقريبا كل شهر و دة من خلال خبرتى مع عربيتى القديمة فلو كام بيتعملها صيانة كل 10000 مع باقى الصيانة مش كدة تكون بقالها فترة كبيرة مع العلم انى استهلاكى للعربية قليل و صيانة ال10000 ممكن اعملها بعد تقريبا سنة و نص فهل دة يؤثر على البطارية
3-فى الفترة اللى فاتت قبل 1000 كيلو مكنتش بشغل التكييف بس كنت ملاحظ ان الهوايات اللى فى العربية بتجيب هوا لما بجرى بالعربية يعنى التكييف يكون مقفول و كل لما ازود السرعة قلاقى الهوا بيزيد و لما اهدى او اقف قلاقى الهوى يقف فرحت دايس على الزرار الى فى التكييف اللى الواحد بيدوس علية لما بيكون مشغل التكييف و مش عايز التكييف ياخد هوا من برة فلما دوست علية لقيت الهوايات بطلت تجيب هوا و انا ماشى و قافل التكييف فانا سؤالى هل دة طبيعى و لا المفروض الهوايات متجبش هوا حتى لو الزرار دة شغال و ان الزرار دة بتاع التكييف بس و هل دة معناة ان عندى مشكلة ان العربية المفروض الهوايات متجبش هوا و انا هافل التكييف و لو دة الطبيعى المفروض اقفل الزرار بتاع التهوية الخارجية و انا ماشى
4-كنت عايز اعرف سعر طقم الجنوط السبور بتاعت الشارك و الطقم بيكون 4 ولا 5
5-كنت حضرتك كاتب ان العربية دى برة بتنزل باستبن صغير فكنت عايز اعرف هوا الاستبن دة سعرة كام فى التوكيل و لو مش موجود اشترية منين لان الشنطة شايفها ضيقة جدا
6-لما عملت صيانة الاف خدو منى 280 جنية تغيير زيت الكلام دة كان من شهرين جة واحد صحبى معاة بومة 1300 اوتوماتيك 2009 و دفع 210 جنية ثمن الزيت فانا مش عارف لية فى فرق فى الفلوس مع ان العربيتين محطوطلهم زيت 10000 و حضرتك كنت كاتب فى موضوع عن الصيانة الالف ان سعر الزيت 210
السلام عليكم
كونت عايز اعرف اية الفرق بين لانسر 98 ولانسر 2001
على شان الطلب على الكريستالة اكتر مش عارف لية اختار مين فيهم
[QUOTE=مصراوي جدا;661005][SIZE=4][COLOR=blue]بالتأكيد غرض
هو طبعا تحديد التكلفة تتطلب المعاينة انما لو فرق بسيط يبقى الموضوع بسيط ويتعمل خلال ساعة ولا حاجه - في انتظار حضرتك بعد الوصول بالسلامة
بشمهندس طارق
اشكرك للافادة و اراك قريبا ان شاء الله
السلام عليكم
أخي المهندس طارق أولاً أحب اشكر حضرتك على المجهود الرائع و الخدمات الكبيرة التي تقدمها للمنتدى ، لكن للاسف عندي شكوى من مركز خدمة قليوب وذلك عند عمل صيانة ٨٠ ألف اليوم حيث تم تغير : الزيت و فلتر ،تيل أمامي ، بوجيهات ،زيت الاتوماتيك فقط و ذلك لعدم وجود فلتر الهوا و فلتر البنزين .
لكن بعد عودتي للبيت سمعت صوت بالمتور و وجت السير به قطع .
السؤال لماذا لم يتم تغير السيور الخارجية مع العلم انها من مكونات صيانة ٨٠ ألف ؟
و إذا كانت السيور " الخارجية " لم تفحص فهل العفشة و الكهربا و المتور تم فحصهم مع العلم إن الفاتورة بها ١٤٥ جنيه سرفيس ٨٠ ألف ؟
تحياتي ، شكراً ...
السلام عليكم المهندس طارق
اولا الف شكر علي مجهودكم الرائع في المنتدي
ثانيا لي سؤال في البوما 1600 اوتوماتيك مصري هل هي مجهزة ل(لمبات الشبورة-لمبة حزام الامان)من حيث التوصيلات الداخلية للاسلاك الكهربية في ضفيرة العربة وشكرا
هو اللون المتغير في تابلوه الشارك لونين واحد ابانوس وواحد رمادي لامع وممكن تركيبه في التوكيل انما مش متوفر لأنه لا يطلب لكن ممكن ييجي بالطلب وهيكون مكلف لأن كل قطعة لها سعر منفصل وتعامل كقطعة غيار زي الفرش الجلد في البومة السام مش بييجي طقم وانما كل كرسي لوحده كقطعة غيار وسعره غالي
المهندس عبد الجليل اجاب بالآتي :
1- كمبيوتر الصيانة مبرمج على ان الصيانة كل 10 آلاف كلم او عند عدد معين من الشهور ويحسبها كنسبة وتناسب انما الملزم هو الكيلومتر
2- نوعية البطارية تحددها الشركة المصنعة ولها ضمان ويتم الكشف على البطارية كل 10 آلاف كيلو متر مع الصيانة ، ولو تركت السيارة مدة طويلة فان البطارية تفقد شحنها تلقائيا (يحدث لها تفريغ ذاتي)
3- يوجد زر خاص يعمل على فتح بوابة الهواء الخارجي التي تدخل الهواء من الخارج لداخل السيارة فيمكن غلقه (وهو ما قمت انت به).
4- الجنوط السبور تباع كطقم كامل لدى المعارض اما في قطع الغيار تباع بالجنط الواحد وسعر الواحد 2215 ج + 10%
5- الاستبن الصغير غير موجود في التوكيل ولم يطلب من قبل وبالتالي سعره غير محدد حتى الآن
6- سعة كارتيرة الزيت في اللانسر البومة 3 لتر وتلت مع الفلتر اما في الشارك فسعتها 4 لتر وتلت وده سبب فرق السعر
الكريستالة (من 96 - 2000) اخدت شهرة اوسع بكتير من المكواة (2001-2003) انا لو مكانك وقدامي العربيتين هاختار المكواة لأنها الاحدث بشرط تكون حالتها كويسة
هو فعلا فلتر الهواء وفلتر البنزين كانوا من كام يوم خلصوا والنهارده وصلت قطع الغيار الجديدة وصبحوا موجودين
السيور الخارجية وسير الكاتينة يتم فحصهم وممكن يتم تغييرهم عند صيانة الـ 80 او لو حالتهم جيدة تؤجل الى 90 أو ممكن 100 كمان لكن ليس اكثر من ذلك
المهندس عبد الجليل اجاب بالآتي
بخصوص السيور الخارجية فهي مكشوفة ومعرضة لاحتمال تواجد زلط صغير او خلافه يدخل ما بين السيور والطنبورة ويسبب الصوت او القطع وخاصة السيور الخارجية من النوع المشرشر (التي بها حزوز) فيؤدي الى تلف السير في ثواني بمجرد انحشارها بين السير والطنبورة الحديد
والدليل على ذلك انك لم تسمع نفس الصوت قبل دخولك لعمل الصيانة والا كنت بلغت عنه في الاصلاح
عموما تقدر حضرتك تيجي في اي وقت تغير فلتر الهواء والبنزين والسير التالف
رد المهندس عبد الجليل
بالنسبة للمبات الشبورة فهي تحتاج الى ضفيرة
وبخصوص لمبة الحزام فلكي تعمل لابد من تغيير جزء الحزام الثابت في الكرسي لأنه يكون مجهز بسلك الكهرباء الخاص بلمبة التابلوه
[QUOTE=مصراوي جدا;665962][
بخصوص السيور الخارجية فهي مكشوفة ومعرضة لاحتمال تواجد زلط صغير او خلافه يدخل ما بين السيور والطنبورة ويسبب الصوت او القطع وخاصة السيور الخارجية من النوع المشرشر (التي بها حزوز) فيؤدي الى تلف السير في ثواني بمجرد انحشارها بين السير والطنبورة الحديد
والدليل على ذلك انك لم تسمع نفس الصوت قبل دخولك لعمل الصيانة والا كنت بلغت عنه في الاصلاح
عموما تقدر حضرتك تيجي في اي وقت تغير فلتر الهواء والبنزين والسير التالف
شكراً على الاهتمام إن شاء الله استكمل باقي الصيانة قريباً .
الله يعينك يا باشمهندس
للأسف الموضوع ده قفل الحوار بين الأعضاء فى حل مشاكلهم لإن الناس نسيت ان الموضوع هنا وصلة بيننا وبين التوكيل فى بعض المشاكل ولا يمكن يكون للسؤال عن كل شئ فى كل شئ
تم غلق الموضوع وفتح نسخة (2) منه اولا للتسهيل على الأعضاء في البحث داخله ، وثانيا لوضع قواعد الاشتراك فيه
مشرف القسم