ايوة لأن وحدة الكمبيوتر ECU والايمويليزر Immobilizer (تشفير المفتاح) ووحدة الايتاك ETAC ووحدة الكونتاكت بالمفاتيح لابد أن تتعرف كلها على بعض بشفرة واحدة
عرض للطباعة
ايوة لأن وحدة الكمبيوتر ECU والايمويليزر Immobilizer (تشفير المفتاح) ووحدة الايتاك ETAC ووحدة الكونتاكت بالمفاتيح لابد أن تتعرف كلها على بعض بشفرة واحدة
كل سنه و انت طيب يا طارق باشا
انا فيه عندى مشكله فى سماعه باظت فى العربيه لوحدها و العربيه 2008 مصرى و عملت صيانه ال 1000كم فى التوكيل و ان شاء الله ال 10000كم قريب ان شاء الله هو مش المفروض الضمان على السماعات كمان ؟؟؟؟؟ و هل استنى مع الصيانه ولا اروح التوكيل دلوفتى ؟؟؟؟؟؟؟؟؟؟
أهلا يا استاذ اسلام وكل سنة وانت طيب
ايوة .. السماعات مغطاه بالضمان
طالما صيانة العشرة آلاف قربت يبقى خليها في مشوار واحد باذن الله . وفي انتظارك
هل فتيس اللانسر الشارك تيترونك و لا عادي؟
ايه الفرق بين الهاف سبورت خليجي و مصري ؟
للأسف كل الشارك (Lancer EX) اللي بينزل مصر يعني اللي بمحرك 1500 سي سي مفيش فيه لا CVT ولا سبورت مود (تيبترونيك)
الخاصيتين موجودين في الشارك بمحرك 2000 سي سي يعني اللي مينفعش ينزل مصر علشان الجمارك المرتفعة جدا
كلمة هاف سبورت معناها مجموعة كماليات اختارها الوكيل (وكيل ميتسوبيشي في بلد معين) بمعرفته وطلب اضافتها على العربيات اللي بيستوردها من اليابان.
وبالتالي فكل وكيل بيختار مجموعة كماليات ممكن تختلف عن الوكيل التاني وبالتالي كماليات الهاف سبورت اللي جاية من السعودية تختلف عن الكويت عن سلطنة عمان عن الامارات وباقي دول الخليج
انما بشكل عام من واقع الخبرات السابقة فالعربية الكويتي هي اعلى كماليات
اما كماليات الهاف سبورت المصري 2009 فهي مذكورة في الموضوع ده
http://www.nilemotors.net/Nile/showthread.php?t=37885
في منظومة الـ CVT يكون الكيك داون غير محسوس ، ولا يسبب صدمة خفيفة عند تغيير السرعات مثل الفتيس العادي.
ولتفادي سيارة أخرى باستخدام فتيس CVT يتم ذلك بزيادة الضغط تدريجيا على بدال الاكسلاتير ثم التخفيف قليلا على البدال ثم زيادة تدريجية مرة أخرى.
مع ملاحظة انه في حالة الضغط الكامل على بدال الاكسلاتير (مثل ما يتم في الفتيس العادي) يرتفع الـ RPM ويظل في ارتفاع حتى يخف الضغط على بدال الاكسلاتير حيث أن الكمبيوتر لا يقوم بتغيير نسبة السرعة في حالة التسارع الا بعد احساسه بثبات أو تناقص الضغط على بدال الاكسلاتير.
h0wa se3r el teel bet3 colt 2008 kam??we hal momken amawenha 92 mosh 95 3shan dah 3amely moshkela??
استاذ طارق حضرتك انا شفت اكتر من موضوع وبيحذرو من سرقات ال لانسر بالذات وانها بتم عن طريق مفتاح مصتنع
فا هل المفتاح المشفر الايموبليزر ميخليش العربيه تتسرق خالص عن طريق مفتاح مصتنع؟؟؟؟
وهل كل ال لانسر فيها مقتاح مشفر ولا كماليات وفى عربيات معينه؟
سعر تيل الفرامل الأمامي للكولت 655 ج
محرك الكولت هو نفسه محرك اللانسرEX الشارك ومفيش اي تعليمات من اليابان بتقول ان الشارك محتاجة بنزين 95 ولا حتى الخليجي لأن محرك الخليجي هو محرك المصري (تعليمات اليابان فقط في حالة اللانسر1600 الخليجي)
ولذلك بنزين 92 مناسب جدا للعربية
انا استغربت لما أستاذ أحمد (OldVic) قال انه مكتوب في كتيب العربية انها محتاجة بنزين 95 أعتقد ده لأنهم في أوروبا (بلد المنشأ هولندا) بنزين 95 ده الطبيعي هناك انما الشركة الأم (ميتسوبيشي اليابان) مقالتش كده على نفس المحرك (في الشارك).
الحقيقة موضوع الشفرة والايموبيليزر ده عامل زي موضوع الفيرس والانتي فيرس في الكمبيوتر يعني كل يوم بيطلع فيرس جديد يقوم يتعمل له انتي فيرس وكل ما يطلع نظام سيكيوريتي يتعمل له هاكنج جديد
في فيلم (جائنا البيان التالي) الحرامي اللي عصابته سرقت الشنطة قال : وفي الحادثة رجال الاسعاف كانوا بيقوموا بدورهم ورجال البوليس بيقوموا بدورهم ورجالتي بيقوموا بدورهم :batman:.
بنفس الفكر شركات السيارات (قامت بدورها) عملت كود التشفير بين مفتاح العربية وبين الكونتاكت علشان لو الكود مش موجود في المفتاح المحرك مش هيدور انما طبعا لازم الهاكر (يقوم بدوره) وبالتالي حرامي 2008 حرامي مثقف زي هاكر الكمبيوتر واكيد عنده طرق يتحايل بيها على التشفير ويدور بيها العربية.
المفتاح المشفر Imobilizer ده من الكماليات وبالتالي انا ما اعرفش هو موجود في الخليجي في مين ومش موجود في مين
انما في المصري : كل 1600 فيها مفتاح مشفر انما 1300 مفيهاش وكل اللانسر EX الشارك فيها مفتاح مشفر.
شكررا على رد حضرتك يا استاذ طااارق بس كلام حضرتك يبين انه موضوع انه مشفر مش هو اللى هيحميها من السرقه بس سوال تانى معلش
هو كل موديل ليه شفره معينه
يعنى موديل 2008 شفرته مختلفه عن 2009
كل عربية لها كود يختلف عن العربية التانية
يعني لما عميل يتصل بينا يقول ضاع مفتاح وعايز اطلع واحد جديد وتكون عربيته 1600 بايموبيليزر - بيتم اخذ مفتاح جديد وتشفيره بشفره جديدة تعطى للمفتاح القديم التاني وكذلك بيتم اعطاء الكود الجديد للعربية عن طريق الكمبيوتر ، وبالتالي المفتاح القديم لو حد لقاه ممكن يفتح الباب انما ميدورش الموتور لأن الشفرة اتغيرت
كنت عاوز اسأل حضرتك يا بشمهندس طارق عن الفرش الجلد الأصلى اللى بينزل فو موديلات السام من حيث توفره فى التوكيل و سعره و امكانيه تركيبه بدل الفرش الأصلى القماش و هل بيركب عليه و لا القماش الاصلى بيتشال و ده ممكن يركب مكانه؟ وهل تركيبه بيتم فى التوكيل ولا ممكن احصل عليه و اخلى اى سروجى بره يتصرف فيه وهل لما بيركب بيبقه مزبوط و مكسم زى ما بيكون نازل راكب من بلاده و لا لأ وهل هو (جلد طبيعى فعلا و لا جلد عادى بس خامته نضيفه) مع العلم ان عربيتى Glx و فرشها رمادى؟؟؟؟
معلش طولت على حضرتك بس يا ريت الاقى اجابه وافيه عند حضرتك عن الموضوع ده لانى بفكر فيه جديا لان القماش ما بيستحملش الوساخه و تنضيفه اصعب من الجلد بكتير!!!
الحقيقة الفرش الجلد اللي بينزل في السام مش بنجيبه كقطع غيار او اكسسوارات نظرا لأن سعره هيكون غالي جدا (كل قطعة لها سعر منفصل) وبالتالي هو يا اما ينزل على بعضه في العربية وبفرق سعر 3000 جنيه عن السبورت والا مينفعش يتم شراؤه لوحده.
هو بيكون جلد طبيعي فعلا.
السلام عليكم,
أولا احب ان اشكرك يا استاذ طارق على المجهود الجبار فى المنتدى.
ثانيا, أحب أن أسأل سؤالين:
1. هل يمكن تركيب الطارة المالتى من التوكيل فى اللانسر الشارك اذا كانت العربية خليجى و فيها طارة عادية؟
2. بالنسبة لل silence grade up system , هل هو من الكماليات الاساسية فى الخليجى؟ و ما هو فائدتة؟ هل يفرق فى صوت الموتور؟ حيث انى لاحظت ان صوت موتور الخليجى اعلى من المصرى؟
كنت عايز أسأل الباشمهندس / طارق عن سعر مروحة تبريد رادياتير لانسر كريستالة موديل 1999 كاربيراتير مانوال و هل موجودة جديدة في التوكيل و يتكلف كام شراؤها و تركيبها في التوكيل و المصنعية تتكلف كام
أهلا يا استاذ ت.منشاوي وشكرا لذوقك.
1- هي طارة الدركسيون المالتي فنكشن في الشارك بيكون فيها زراير الأوديو (التحكم في الراديو سي دي) على الشمال وزراير الكروز كنترول على اليمين.
زراير الكروز كنترول مبتنزلش الا مع الـ 2000 سي سي فقط وبالتالي مش ممكن وجودها مع المحرك 1500 سي سي وبالتالي العربيات اللي فيها طارة مالتي بتكون زراير تحكم الردايو سي دي فقط
لكن في التوكيل لا يتم استبدال الطارة العادية بطارة مالتي (بشكل عام أي تعديلات في العربية لا تتم في التوكيل)
2- نظام عازل الصوت ده من الكماليات اللي نازلة في المصري في GLS و GLS Sport انما انا مش عارف نازل اساسي في الخليجي ولا لأ
فائدته انه حل لمشكلة الصوت العالي (شكوى بعض الناس في البومة) فهو نظام عازل لصوت المحرك عن كابينة الركاب
شكرا يا استاذ طارق على الرد السريع .طيب هل يوجد طريقة لمعرفة اذا كان ال Silence grade up system موجود ولا لأ فى العربية؟ هل هو وحدة يتم تركيبها فى الموتور و لو كده ممكن الواحد يركبها؟
ياريت سعر لانسر الجديده القرش الخليجي والمصري
مزطارق انا بجد عايز اشكرك علي مجهودك اللي فوق العاده و ردك علي كل واحد بيسأل في المنتدي بجد شكرا لك
تصحيح خطأ ( م.طارق) بدلا من مزطارق
الزين جت بدل النقطه اسف
عفوا يا باشا الله يخليك
وبالمناسبة .. بعد حضرتك ما تكتب موضوع في المنتدى أو تضع رد على أحد المواضيع وتكتشف فيه خطأ لغوي معاك حوالي 6 دقائق تكتشف فيهم الخطأ وتصلحه
حيث يظهر أيكون (تعديلedit) قبل (اقتباس Quote - متعدد Multi- رد سريع Quick) وبالتالي لو فيه اي تعديل او اضافة او حذف ممكن يتعمل على الرد
ده بخلاف ان بعد كتابة الرد على اي موضوع فيه اختيارين (ارسال الرد) و( معاينة المشاركة) وبالتالي ممكن حضرتك تعاين المشاركة هتطلع ازاي الأول وبعدين ترسل الرد وانا باعمل كده كتير واعدل في الكلام واضيف واحذف
وبعدين ارسل لما احس ان الكلام مضبوط
الحقيقة انا معنديش فكرة عن الخليجي ومش عارف موديلات 2009 خليجي نزلت ولا لسه
انما المصري نزل منه الـ 2009 خلاص وفيه بعض بواقي من 2008 موجودة والأسعار لكل اللانسر 2009 موجودة في الموضوع ده
http://www.nilemotors.net/Nile/showthread.php?t=37885
وهي كالتالي :
اللانسر 1500 EX
- GLX مانوال 2009 : 129000 جنيه
- GLX أوتوماتيك 2009 : 137000 جنيه
( لا يزال بالمعرض GLX مانوال موديل 2008 بسعر 122000 جنيه)
الكماليات :
تكييف - باور ستيرنج - سنتر لوك مع ريموت كنترول - ايموبيليزر - زجاج كهرباء - مرايات كهرباء - عفشة خدمة شاقة - راديو كاسيت و 4 سماعات واريال سقف - ايرباج سائق - فرامل ABS , EBD - جنوط عريضة 16 بوصة
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ
هاف سبورت جديد لأول مرة لدى الوكيل
- GLS أوتوماتيك هاف سبورت 2009 : 144000 جنيه
الكماليات :
تكييف اوتوماتيك - باور ستيرنج - سنتر لوك مع ريموت كنترول - ايموبيليزر - زجاج كهرباء - مرايات كهرباء - عفشة خدمة شاقة - راديو سي دي تشنجر 6 اسطوانات و 6 سماعات واريال سقف - ايرباج سائق - فرامل ABS , EBD - جنوط عريضة 16 بوصة
نظام عازل للصوت - غطاء محرك - جهاز انذار أصلي - اعتاب جانبية
ايرباج راكب امامي - لمبات شبورة - جنوط اسبور
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــ
- GLS SPORT أوتوماتيك سبورت 2009 : 158000 جنيه
(2008 سعرها 153000ج)
الكماليات :
تكييف اوتوماتيك - باور ستيرنج - سنتر لوك مع ريموت كنترول - ايموبيليزر - زجاج كهرباء - مرايات كهرباء - عفشة خدمة شاقة - راديو سي دي تشنجر 6 اسطوانات و 6 سماعات واريال سقف - ايرباج سائق - فرامل ABS , EBD - جنوط عريضة 16 بوصة
نظام عازل للصوت - غطاء محرك - جهاز انذار أصلي - اعتاب جانبية
ايرباج راكب امامي - لمبات شبورة - جنوط اسبور
سبويلر - فتحة سقف - زجاج فيميه مانع للآشعة فوق البنفسجية - كساحات او اعتاب امامية وخلفية - تبريد درج التابلوه (ثلاجة)
دركسيون مكسو بالجلد الطبيعي - مفاتيح تشغيل السي دي في الدركسيون (مالتي فانكشن) - تشغيل المحرك بدون مفتاح
باش مهندس طارق...
الحقيقة ماعنديش سؤال ليك بس حبيت احييك واشكرك على جهدك واهتمامك
شكرا علي لافاده والي ب 122 الف دي شارك ولا بومه
Ahmed_pop_199 http://www.nilemotors.net/Nile/image...ser_online.gif
تاريخ الانضمام: 08Sep2008
http://www.nilemotors.net/Nile/images/icons/icon1.gif السلام عليكم ..........
بس هي خدمه من المهندس طارق ...
دلوقتيانا شاتريت عربيه مستعمله 2005 و عايز اعرف اذا كان اتعملت عليه الصيانه الدوريه مع العلم انها مشايه حوال 85000كيلو .
يا تري ممكن تعرفلي المعلومه من الداتا بيز عندك و لا لازم العربيه تروح التوكيل 0 " انا بيني و بين التوكيل حوالي 420 كيلو "
لو ينفع لو سمحت قوللي عشان اعطيك المعلومات . شكرا تاني مره ؟
اسمحلي يا باش مهندس طارة ارد بعد اذنكاقتباس:
شكرا علي لافاده والي ب 122 الف دي شارك ولا بومه
الي ب 122 الف لانسر بومة سبورت
الاستاذ / طارق
شكرا على المعلومات الحضرتك بتقدمها
انا معايا لانسر 2006(1300cc)
عايز اعرف ثمن سير الكتينة بيتغير فالتوكيل بكام
وثمن الطنابير امامى ثمنها بالتوكيل ممكن تكلفنى كام
وظبط التكيهات بيتكلف كام معلش لوكنت طولت عليك
وتنصحنى اروح اى توكيل اعمل فيه صيانة وتغيير كل الاشياء دي
وشكرا لتعاونك معانا
محمد
السلام عليكم ورحمه الله وبركاته
ليا استفسار صغير هل العربيه الانسر 1300 مع التكييف بتبقى كفائتها كويسه ولا حوار السى سى مع التكييف بياثر جامد وانا قدامى عربيه 1300 موديل 2007 لو حبيت اشتريها ياترى سعرها يعمل كام فى السوق ولكم جزيل الشكر
هو سير الكاتينة بيتم تغييره عند الكيلو متر 80 ألف ويحتاج معه بلية شداد واويل سيلات
تفاصيل تكلفة صيانة الثمانين ألف وقطع الغيار مذكورة في الموضوع ده علما بأن قيمة زيت الفتيس خاصة بالمحرك 1600 فتيس CVT لكن المحرك 1300 زيت فتيس عادي
http://www.nilemotors.net/Nile/showthread.php?t=39280
بخصوص طنابير أمامي سعر الواحد 400 ج + 10 %
ضبط التاكيهات 30 ج
لو مانوال مفيش اي مشكلة ولو اتوماتيك هيكون سحب العربية ضعيف شوية خاصة مع التكييف وفيه مواضيع كتير هنا في المنتدى ناقشت موضوع اللانسر 1300 الأوتوماتيك وفيه اراء كتير بتقول انها سحبها ضعيف وفيه اراء كتير بتقول انها عادية انما مش بتاعة جري وشد
بخصوص تقييم سعر العربية المستعملة الحقيقة مش هاقدر افيد حضرتك فيه انما اكيد فيه كتير في المنتدى هيفيدوك لو فتحت الموضوع في منتدى البيع والشراء
كنت عاوز اسأل البشمهندس طارق سؤال مهم خطر ببالى......
دلوقتى كلنا عرفين ان الانسر المصرى غفشتها رياضيه يعنى المساعدين بتاعتها ناشفه (Super heavy duty) انما الخليجى غفشتها مش رياضيه والمساعدين حنينه اكتر فى المطبات و ده فرق ممكن اى حد يلاحظه لو ركب العربيتين.
السؤال بقه هو انى لما احتاج اغير مساعد واجيبه من التوكيل هيكون رياضى ولا عادى زى بتاع الخليجى وهل لو جبته مثلا من مصريه هيكون رياضى بما ان مصريه بتستورد عربياتها بمواصفات رياضيه و لو جبته من الرواس هيكون عادى بما ان الرواس بيستورد خليجى؟ و لو النوعين متوفرين فى مصريه و الرواس ازاى افرق بينهم عشان اتأكد ان المساعد اللى باشتريه رياضى زى اللى فى عربيتى المواصفات المصرى مش زى اللى فى الخليجى؟؟؟؟ (مع العلم ان الماعد اللى فى عربيتى لما شوفته و العجل مفكوك كان مكتوب عليه SUPER HEAVY DUTY فهل هو ده الفرق و لا كله كده و فيه فروق تانيه وهل العامل اللى هيبعلى المساعد فى التوكيل عارف ان فيه نوعين من المساعدين للانسر و لا هيدينى اى حاجه مشكل؟؟؟! انا أسف على السؤال ده ومش باعيب فى موظفين التوكيل بس عاوز اطمئن)
سؤال ممتاز جدا وفتح مجال حوار قوي
لما سألت في قطع الغيار عرفت معلومة غريبة مكنتش اعرفها وهي ان المساعد المصري والخليجي واحد ورقمه MN101957 اكدت عليهم يعني المصري والخليجي واحد قالوا ايوة - برضه مصدقتش جبت رقم شاسيه عربية مصري ورقم شاسيه عربية خليجي ودخلت على برنامج كتالوج قطع الغيار وشفت رقم المساعد في العربية دي ورقمه في العربية دي طلع هو نفسه المذكور فوق ده.
اعتقد السبب ان معظم وكلاء ميتسوبيشي في دول الخليج لما بيستوردوا لانسر بكميات كبيرة بتكون 90% منها مخصص لاعادة تصديره لمصر وبالتالي فهم اصبحوا بيطلبوا العربية بعفشة خدمة شاقة زي المصري (حسب طلب التجار المصريين)
مش لاقي تفسير تاني
م/ طارق... ممكن اعرف تمن الفانوش الخلفي لعربيه لانسر 2007 1300 سي سي بكام؟ العربيه خليجي.