يا باشمهندس انا محتار بين الشارك والاكتافيا والتيريوس
ومش عارف ايه الاحسن من حيث استهلاك البنزين
ومن حيث قطع الغيار
ومن حيث قوه العربيه
ويا ريت ترد عليا بسرعه علشان هجيب العربيه بعد العيد
عرض للطباعة
يا باشمهندس انا محتار بين الشارك والاكتافيا والتيريوس
ومش عارف ايه الاحسن من حيث استهلاك البنزين
ومن حيث قطع الغيار
ومن حيث قوه العربيه
ويا ريت ترد عليا بسرعه علشان هجيب العربيه بعد العيد
للأسف انا مليش في موضوع المقارنات لأني مش ملم بالعربيات التانية لذلك أنصح حضرتك تفتح موضوع في (قسم المقارنات) تطلب المقارنة دي وباذن الله فيه خبراء مقارنات يفيدوك كتير
هل فى فرق فى فى اسعارها وبين صيانه اول خدمه الى هيه 1000 كم باعتبار ان ان صيانه ال1000 كم بتغير فيها زيت وفلتر وتربيط عفشه ومراجعه على سوائل العربيه وده على حد عملى هوه هوه الى بيغير فى صيانه ال10 الف و20الف و30 الف ؟
كنت حضرتك قولت فتره لما الانسر نزلت 7000 الف جنيه تقريبا فى شهر 6 ان مصنعيه الخليجى زادات 20 % فقط عن مصنعيه المواصفات المصرى فهل هذه الزياده ساريه حتى الان ؟
الف شكر ليك يا بشمهندس وكل عام وحضرتك بخير وفى احسن صحه واحسن حال
كل سنة وانت وجميع الأخوة اعضاء المنتدى بالصحة والسلامة..
هي صيانة الألف عبارة عن غيار زيت وفلتر ومصنعية
العربية المصري (بضمان) بتدفع قيمة الزيت والفلتر 220+50+10% حوالي 300 جنيه والمصنعية مجانية في اول صيانة فقط
والعربية الخليجي بيدفع الزيت والفلتر والمصنعية (حوالي 60ج)
بخصوص مصنعيات العشرة وما بعدها
فان مصنعية الفردي (العشرة والتلاتين والخمسين و...) 100 جنيه + 10%
والزوجي (العشرين والاربعين والستين و...) 120 جنيه + 10%
ده بخلاف قيمة تغيير تيل - قيمة تركيب بوجيهات (وما شابهها المذكورة في الموضوع المثبت عن قيمة المصنعيات)
موضوع زيادة مصنعية العربية الخليجي 20% عن المصري ده قرار اداري نزل من كام شهر بس اعتقد انه فعليا مش بيتطبق
عايز أعرف أيه الفرق بين المتسوبيشى الشارك الاسبورت المواصفات المصرية
و المتسوبيشى الشارك الاسبورت ( أعلى فئة ) مواصفات كويتية
من حيث المواصفات و الكماليا و الاسعار
و يا ترى الكويتية مافيهاش ABS ولا EBD ؟؟؟؟؟
تم الرد في الموضوع المنفصل
http://www.nilemotors.net/Nile/showthread.php?t=40830
ازيك يا استاذ طارق وكل سنه وحضرتك طيب
كان عندى سوال بخصوص الفيتيس ال اوتوماتيك بتاع لانسر بومه 1600
من ناحيه استخدامه والحروف اللى فيه وخصوصا ال ds
يا ريت حضرتك توضحلنا استخدام كل حرف من اللى موجودين
كل عام وانتم بخير وعيد سعيد للجميع
كان عندي سؤال بخصوص الايه بي اس في اللانسر البومه 1600 سي سي اوتوماتك 2007 كويتي
اولا : عند سرعه 100 الي 120 الفرامل بتبقي ماسكه جدا لدرجه انها بتبقي متخشبه لازم ادوس فرامل مره تانيه علشان تفك.
ثانيا : لمبه الايه بي اس بتنور بعد ما عدي سرعه 130 وبيفصل طبعا
هل ده شئ عادي في الاي بي اس ولا انا اللي عندي حاجه غلط؟؟
وشكرا جزيلا
كل سنه وانتم طيبين
انا عندى سؤال للبشمهندس بخصوص فلتر التكييف
انا عندى عربيه لانسر 2005 1600 س كنت عايز انضف فلتر التكييف بتاعها لانى حاسس ان التكييف ضيعف شويه ففكيت درج التبلوه وبعد كده معرفتش اوصل لمكان الفلتر لقيت مسمارين واحد فوق والتانى تحت وبصراحه خفت افكهم فياريت يا بشمهندس توضحلى اوصل للفلتر ازاى وياريت يكون فى صور تساعدنى انى اوصله بسهوله وشكرا
سؤال للمهندس طارق
انا عاوز اركب وحدة السى دى تشينجر للعربية ياترى بكام وهل ينفع اعملها فى الرواس عشان دة اقرب فرع لية وعربيتى خليجى, انا عارف انة توكيل الخليجى ويمكن مفيش تعامل بينكم الله اعلم فهل عندك معلومة بهذا ولو فى اى نصيحة بخصوص ذلك اكون شاكر.