السلام عليكم يابشمهندس شكرا على الرد
بس ممكن مواصفات السيارة وقطع غيارها واستهلاك البنزين معلومات وافيه لو سمحت ونصيحة حضرتك وشكرا
عرض للطباعة
مهندس طارق الف شكرا لزوقك
العربيه لانسر موديل 2002 - موتور 2003 -اتوماتيك - عامله 111400 كم اخر صيانه اتعملت من اللى اشترتها منه كانت تغير فلتر البنزين وسيور العربيه وقت التغير للحاجات دى فى شهر 3-2008 بس فيه حاجتين فى العربيه بتحصل دلوقتى لما بضغط فرامل فى الطلعه بس بسمع صوت زى صفاره جامده وبعدين بتروح فى المشى وبلاقى بقعه غريبه على علبه الزيت اللى على الموتور فمحتار اروح التوكيل واكشف على العربيه هناك واصلحها عندهم اضمن ولا اشترى الحاجات اللى هيقولى عليها المكانيكى واصلحها عنده والتكلفه كام فى الاتنين ويهمنى رايك فى الاختيار
والف الف شكر لك على تعبك مهندس /طارق
السلام عليكم
حسن مبروك اول مشاركة
احييى المنتدى الناجح واحييى المشرف على هذا المنتدى المهندس طارق زويل
انا عربيتى لانسر 1600 مانيوال موديل 2007 بضمان مصرية وقد اشتريتها فى يناير 2007 وعملت لها صيانة 1000 كيلو الاولى وسافرت الى خارج البلاد بعد ان قطعت مسافة 7000 كيلومتر وتركتها فى الجراج واعطيت السايس المفتاح كى يقوم بتسخينها وهى الان مرعلى تشغيلها سنتين واخشى ان تكون هذه المدة طويلة وخاصة ان ظروف الجراج سيئة الى حد ما من حيث الاتربة والسؤال هل استطيع ان ابكر بصيانة 10000 كيلو الان ام لايوجد خوف من طول المدة وخاصة اننى الان وبعد عودتى من السفر اقطع مسافة حوالى 10 كيلو يوميا يعنى انه قد يمرسنة اخرى قبل ان يقرا عداد المسافة 10000كيلومتر شكرا لك لجميع اعضاء المنتدى :embarrassed2::embarrassed2::embarrassed2:
السلام عليكم
ازيك يا بشمهندس
ده رقم شاسيه العربيه بتعتى Jmystcs3a5u003732
وانا عملت بوست بصوره التكييف بتاعى وكمان صوره رقم الشاسيه للتأكد
وشكرا يا بشمهندس
انا داخل هنا بس عشان اصبح عالمهندس طارق و اقوله كل سنه و انت طيب
و ربنا يخليك لينا يا استشاري ميتسو يا راجل يا سكره
على فكره انا قريبا جدا هنضم لحزب اللانسراويه
انا عايز اشتري استيكر نايل موتورز وعرفت ان حضرتك معاك منطقة المهندسين(انا ساكن في مدينة الشيخ زايد)فياتري اشتري الاستيكر من حضرتك ازاي؟شكرا ليك يا بشمهندس و معلش تعبينك معانا:thinking:
--------------------------------
يبدو أن حضرتك أخطأت وأرسلت رسالة خاصة فى منتدى عام
نرجو إرسال الرسالة مرة ثانية إلى صاحبها أو إنتظاره ليرد عليك فى رسالة خاصة
الإدارة
لو ساكن في الشيخ زايد في استاذ محمد بسوني صاحب محل اوبشن للكماليات عندة الاستيكر
هو مكانة في الحي السابع
وتليفونة في الموضوع
الاّن عملت 600 كيلو بس بالانسر 2009-- بس حاسس بدربكة فى العجلة الشمال قدام -عديت على ميكانيكى فقالى هتلاقى زلطة نايمة فى تجاويف الكاوتش
نضفت الكاوتش بس كان بالليل -- وجربت امشى فية نفس الصوت
كأنى بعدى علي بار خشب رفيع --ياترى اية النصيحة؟؟
يا باشا الف مبروك العربية ومتخليش حاجه بسيطة كده تعمل لك ازعاج
ممكن تعدي على بتاع كاوتش (بس ميكونش في محطة بنزين علشان ميطلبش الف جنيه) وقول له يبص على الكاوتش لو فيه زلطة ولا حاجه
واذا قال لك الصوت ده مش من العجل وانه من الفرامل ولا العفشة يبقى ممكن عند صيانة الألف الأولى يتكشف على العربية ويتشاف السبب
واضح ان حضرتك شاري العربية جديد وكونها عاملة 111 ألف فالمفروض انها تكون غيرت سير الكاتينة عند 80 ألف (الى 100 ألف حد أقصى) فيا ريت تسأل صاحب العربية السابق هل غير سير الكاتينة ولا لأ - لأنه هيتكلف لوحدة حدود 1000 جنيه
اللانسر زي اخونا العزيز الاستاذ اسلام شاهين ما قال عليها جنيه دهب وده لأنك لو حافظت عليها هتعيش معاك بدون اي مشاكل
علشان كده انا رأيي ان حضرتك تعمل لها الصيانة الصح وتجيب لها قطع الغيار الأصلية وماتستخسرش فيها
بخصوص تغيير فلتر البنزين والسيور ميعاده عند صيانة الأربعين والتمانين وال120 فمعنى انها اتغيرت شهر 3-2008 يعني كانت العربية عاملة 100 ألف كيلو - ارجو انهم يكونوا اتغيروا فعلا
عموما حضرتك لما تعرف هل اتعمل لها تغيير سير كاتينة ولا لأ - تحجز للصيانة في التوكيل وتطلب عمل صيانة وعند دخول العربية تقول لهم ان العربية غيرت فلتر بنزين وسيور من 6 شهور ومحتاجة دلوقتي : كشف على الفرامل (غالبا محتاجة تيل وخرط طنابير 380 جنيه + 40 جنيه) زيت فتيس (حوالي 300 جنيه) فلتر هواء لو محتاجه (اعتقد 150 جنيه) وزيت وفلتر لو ده ميعادهم ، ويكشفوا على العربية بشكل عام ويقولوا لو فيها اي حاجه او محتاجة اي شيء
يعني الصيانة لو بدون كاتينة تخش في 1000 ج ولو بكاتينة تخش في 2000 ج انما بعدها تكون متطمن تماما على العربية وتحافظ على الجنيه الدهب