أنت تسأل وإسـتـشـارى منتدى متسوبيشى يجيب

السلام عليكم
المهندس طارق
كل سنه وانت طيب كنت محتاج اعرف فى امكانيه بيع للعتب وتكملة اكصدام امامى وخلفى ولا لا؟
ولو فعلا بيتباعوا احب اعرف منين وبكام ؟مع الشكر,,,

:satelite:

أخونا الكبير العزيز مهندس طارق
بحثت فى المنتدى عن الأشياء الواجب تغييرها فى صيانة ال 40 ألف للانسر 2007 فلم أنجح فى العثور على ما أريد
لو تكرمت هلى تستطيع أن تدلنى على قائمة الأشياء الواجب تغييرها وهل من الممكن شرائها من مركز قليوب وتركيبها خارجه ؟
ولك جزيل الشكر والتحية

اقتباس:

---

المشاركة الأصلية كتبت بواسطة mohamedway

مادام حضرتك روحت التوكيل فعلا و العربيه زى ما هيه يبقه ما فيش فايده من سؤال البشمهندس طارق لأن البشمهندس طارق بيسهل الموضوع على الناس اللى عايزه تعرف معلومه من غير ما تتعب و تروح التوكيل انما حضرتك روحت فعلا و البشمهندس طارق هيسأل نفس الناس اللى احتاروا فى عربيتك مش هيسأل ناس تانيه فلو مش عارفين هيفضلوا مش عارفين لأنك عملت الأوبشن الأقوى و هو انك روحت بعربيتك فعلا انما هنا مجرد سؤال شفوى و العربيه مش قدام المتخصص.......

مشكله التوكيل انه بيحب فى اى شكوى زى كده يستسهل ويعمل الحاجات الدوريه اللى متعود يعملها بسرعه زى تغيير البوجيهات و الفلاتر و غيره لعل و عسى الشكوى تزول و دايما بتبقه الحاجات ده كويسه و ممكن تشتغل لسه كتير و مش هيه السبب فى المشكله و لو استمرت المشكله و رجعتلهم تانى ممكن يبتدى يكلف خاطره و يبدأ يفكر بفحص و تدقيق فى العربيه عن ايه السبب بعد ما يكون غرمك فلوس ملهاش لازمه و ده طبعا نتيجه الزحمه الشديده فبيبقه عاوز يمشى العربيه بسرعه و خصوصا انه ممكن يكون مش مصدق ان العربيه فيها العيب ده بجد وشاكك فى تقييمك انت ليها و ساعات يجربها معاك و يقولك العربيه كويسه و ده طبيعى كمان......


انا بقه هقولك بعض النصائح الغير تقليديه زى البوجيهات و الفلاتر و غيره لعل و عسى تنفعك....

1-اتأكد ان الفرامل الخلفيه مش محمله(وده غلط رغم انهم بياخدوا رجلاشها فى الصيانات دايما و بيتعمدوا يخلوها محمله فى التوكيل مع تغيير التيل الأمامى و ساعات كتير بيبقه الرجلاش ده بدون داعى)والرجلاش ده بيتعمل فقط لما تحس ان فرامل اليد عليت عن الطبيعى قوى و البدال بقى واطى شويه و لما يتعمل يتعمل بحيث العجله تبقه حره الحركه تماما لما تلفها بأيدك زى لما بتيجى من المصنع بيبقه التيل جديد و رغم كده مترجلشه صح و مش محمله.

2-ما تحطش غير بنزين 92 من محطات وطنيه فقط و هتحس بالفرق وده اكتشاف جديد ليا (و تفسيرى انه 92 بحق و حقيقى مش 91 مثلا نتيجه انهم يزودو 92 ب 90 أو يبعهولك 90 على انه 92 انما وطنيه مضمونه لأنها ببساطه تبع القوات المسلحه أكثر مؤسسات الدوله انضباطا و ميقدروش يخشو البنزين).

3-ما تستخدمش غير زيت موبيل1.

4-إعمل بيها مشوار و طول المشوار ده خليك مفترى شويه على العربيه و اقرص عليها جامد و شبع الغيارات و ارفع الRPM لأرقام عاليه و لغايه الأخر فى كثير من الأحيان عشان تفتح الموتور و تسلك علبه البيئه لو مخنوقه و كمان كمبيوتر العربيه فيه خاصيه ذكيه و هيضبط الموتور ضبطه تانيه من نفسه تناسب الجرى و الشد و السحب القوى.

---

تحياتى ياباشمهندس محمد ... رد ممتاز كالعاده :Ta_clap[1]:

اقتباس:

---

المشاركة الأصلية كتبت بواسطة mohamedezat

السلام عليكم
المهندس طارق
كل سنه وانت طيب كنت محتاج اعرف فى امكانيه بيع للعتب وتكملة اكصدام امامى وخلفى ولا لا؟
ولو فعلا بيتباعوا احب اعرف منين وبكام ؟مع الشكر,,,

:satelite:

---

حضرتك تقصد العتب الجانبي والخلفي والكساحة الأمامية ودول في التوكيل كقطع غيار اصلية غاليين، وهي دايما بتطلع في اصلاح الحوادث للعربيات المتأمن عليها وتكون موجودة اساسا في العربية مثل السبورت والسام.

انما لو عايز تضيفهم للعربية يبقى شوف محلات الاكسسوارات وهتلاقي درجات دور على اقرب حاجه للأصلي

اقتباس:

---

المشاركة الأصلية كتبت بواسطة Dr Ahmed

أخونا الكبير العزيز مهندس طارق
بحثت فى المنتدى عن الأشياء الواجب تغييرها فى صيانة ال 40 ألف للانسر 2007 فلم أنجح فى العثور على ما أريد
لو تكرمت هلى تستطيع أن تدلنى على قائمة الأشياء الواجب تغييرها وهل من الممكن شرائها من مركز قليوب وتركيبها خارجه ؟
ولك جزيل الشكر والتحية

---

ازاي يا دكتور احمد ده فيه موضوع مبثت فيه تفاصيل كل الصيانات وما يتم فيها من تغيير واسعاره


أسعار الصيانات الدورية في التوكيل من الألف الى الأربعين ألف

والخمسين والسبعين والتسعين مثل الثلاثين
والستين والمائة مثل العشرين
والثمانين عملية كبيرة لها حساب لوحدة مذكور في الموضوع تحت شوية

[ازاي يا دكتور احمد ده فيه موضوع مبثت فيه تفاصيل كل الصيانات وما يتم فيها من تغيير واسعارها

أسعار الصيانات الدورية في التوكيل من الألف الى الأربعين ألفف والخمسين والسبعين والتسعين مثل الثلاثين
[]والستين والمائة مثل العشرين
والثمانين عملية كبيرة لها حساب لوحدة مذكور في الموضوع تحت شوية





بشمهندس طارق
مساء الخير و كيف الحال

بعد لبحث في اسعار الصيانات وجدت صيانة الاربعين

أسعار الصيانات الدورية في التوكيل من الألف الى الأربعين ألف

--------------------------------------------------------------------------------

أسعار الصيانات الدورية في التوكيل من الألف الى الأربعين ألف

صيانة الألف كيلو متر الأولى :

زيت موبيل وان 210 ج
فلتر زيت 50 ج
الصيانة مجانا للسيارة المصري بضمان و60 ج للسيارات الخليجي والأردني

يضاف 10 % ض.م على اجمالي الفاتورة

صيانة العشرة آلاف كيلو متر :

زيت موبيل وان 210 ج
فلتر زيت 50 ج
الصيانة (فردية) 100 ج
يضاف 10 % ض.م على اجمالي الفاتورة

صيانة العشرين ألف كيلو متر:

زيت موبيل وان 210 ج
فلتر زيت 50 ج
الصيانة (زوجية) 120 ج
اذا احتاجت تيل فرامل :
تيل فرامل 385 ج
تركيب تيل فرامل 40 ج

يضاف 10 % ض.م على اجمالي الفاتورة

صيانة الثلاثين ألف كيلو متر:

زيت موبيل وان 210 ج
فلتر زيت 50 ج
الصيانة (فردية) 100 ج
اذا احتاجت تيل فرامل :
تيل فرامل 385 ج
تركيب تيل فرامل 40 ج

يضاف 10 % ض.م على اجمالي الفاتورة

صيانة الأربعين ألف كيلو متر :

زيت موبيل وان 210 ج
فلتر زيت 50 ج
بوجيهات 88 ج
فلتر بنزين 413 ج
فلتر هواء 160 ج
زيت باور للعربيات الأوتوماتيك 234 ج

الصيانة (الزوجية) 120 ج
تغيير زيت باور 40 ج

اذا احتاجت تيل فرامل :
تيل فرامل 385 ج
تركيب تيل فرامل 40 ج

يضاف 10 % ض.م على اجمالي الفاتورة
_________
تم تثبيت الموضوع
إ.م.2
__________________

اقتباس:

---

صيانة الأربعين ألف كيلو متر :

زيت موبيل وان 210 ج
فلتر زيت 50 ج
بوجيهات 88 ج
فلتر بنزين 413 ج
فلتر هواء 160 ج
زيت باور للعربيات الأوتوماتيك 234 ج

الصيانة (الزوجية) 120 ج
تغيير زيت باور 40 ج

اذا احتاجت تيل فرامل :
تيل فرامل 385 ج
تركيب تيل فرامل 40 ج

يضاف 10 % ض.م على اجمالي الفاتورة

---

شفته والله
لكن فيه جدول كان فيه كل مايلزم الصيانة وكان مكتوب فيه تغيير جميع السيور الخارجية فى ال 40 ألف ودا مش مكتوب فى الموضوع اللى اقتبست منه
مين فيهم اللى صح؟

--------------------------------------------------------------------------------

إستاذى الفاضل المهندس طارق السلام عليكم ورحمةالله وبركاتة
سؤالى فى المدة المطلوبة لتغيير الزيت عربيتى شارك غيرتلها زيت وفلتر وهى عاملة 3000 ك حتى الأن والمفروض التغيير عند 10000ك والمدة دة تأخذ معى على الأقل سنة ونصف هل التغييرمرتبط بعدد ك مترات ولا زمن وميعاد الصيانة 10000ك هل يكون بعد سنة ونصف كثير ولا إية لأنى مش بإستخدم العربية كثير العربية خليجى بدون ضمان الرجاء معرفة إستهلاك الوقود
شكرا الرجاء الرد من المهندس طارق لأنى كتبت الموضوع من شهر ولم يتم الرد حتى الأن

اقتباس:

---

المشاركة الأصلية كتبت بواسطة Dr Ahmed

شفته والله
لكن فيه جدول كان فيه كل مايلزم الصيانة وكان مكتوب فيه تغيير جميع السيور الخارجية فى ال 40 ألف ودا مش مكتوب فى الموضوع اللى اقتبست منه
مين فيهم اللى صح؟

---

هي السيور الخارجية بيتم الكشف عليها في ال 40 ألف لو محتاجة تغيير بيتم تغييرها ، انما تغييرها في الغالب بيكون في ال 80 مع سير الكاتينة

اقتباس:

---

المشاركة الأصلية كتبت بواسطة ayman0200

--------------------------------------------------------------------------------

إستاذى الفاضل المهندس طارق السلام عليكم ورحمةالله وبركاتة
سؤالى فى المدة المطلوبة لتغيير الزيت عربيتى شارك غيرتلها زيت وفلتر وهى عاملة 3000 ك حتى الأن والمفروض التغيير عند 10000ك والمدة دة تأخذ معى على الأقل سنة ونصف هل التغييرمرتبط بعدد ك مترات ولا زمن وميعاد الصيانة 10000ك هل يكون بعد سنة ونصف كثير ولا إية لأنى مش بإستخدم العربية كثير العربية خليجى بدون ضمان الرجاء معرفة إستهلاك الوقود
شكرا الرجاء الرد من المهندس طارق لأنى كتبت الموضوع من شهر ولم يتم الرد حتى الأن

---

واضح ان الموضوع ده من المواضيع اللي لم يرد عليها خلال فترة انشغالي - نعتذر لهذا العطل الفني

بما انك مش بتستخدم العربية كتير يبقى الافضل استخدام زيت Mobil XHP وهو الخاص بمدى 4000 كيلو متر ، لأن اي زيت بمجرد استخدامه بيكون عمره الافتراضي من 8 شهور الى 12 شهر بالكتير وبالتالي سواء موبيل وان او غيره فاقصى فتره له هي 12 شهر

اقتباس:

---

المشاركة الأصلية كتبت بواسطة mohamedway

مادام حضرتك روحت التوكيل فعلا و العربيه زى ما هيه يبقه ما فيش فايده من سؤال البشمهندس طارق لأن البشمهندس طارق بيسهل الموضوع على الناس اللى عايزه تعرف معلومه من غير ما تتعب و تروح التوكيل انما حضرتك روحت فعلا و البشمهندس طارق هيسأل نفس الناس اللى احتاروا فى عربيتك مش هيسأل ناس تانيه فلو مش عارفين هيفضلوا مش عارفين لأنك عملت الأوبشن الأقوى و هو انك روحت بعربيتك فعلا انما هنا مجرد سؤال شفوى و العربيه مش قدام المتخصص.......

مشكله التوكيل انه بيحب فى اى شكوى زى كده يستسهل ويعمل الحاجات الدوريه اللى متعود يعملها بسرعه زى تغيير البوجيهات و الفلاتر و غيره لعل و عسى الشكوى تزول و دايما بتبقه الحاجات ده كويسه و ممكن تشتغل لسه كتير و مش هيه السبب فى المشكله و لو استمرت المشكله و رجعتلهم تانى ممكن يبتدى يكلف خاطره و يبدأ يفكر بفحص و تدقيق فى العربيه عن ايه السبب بعد ما يكون غرمك فلوس ملهاش لازمه و ده طبعا نتيجه الزحمه الشديده فبيبقه عاوز يمشى العربيه بسرعه و خصوصا انه ممكن يكون مش مصدق ان العربيه فيها العيب ده بجد وشاكك فى تقييمك انت ليها و ساعات يجربها معاك و يقولك العربيه كويسه و ده طبيعى كمان......


انا بقه هقولك بعض النصائح الغير تقليديه زى البوجيهات و الفلاتر و غيره لعل و عسى تنفعك....

1-اتأكد ان الفرامل الخلفيه مش محمله(وده غلط رغم انهم بياخدوا رجلاشها فى الصيانات دايما و بيتعمدوا يخلوها محمله فى التوكيل مع تغيير التيل الأمامى و ساعات كتير بيبقه الرجلاش ده بدون داعى)والرجلاش ده بيتعمل فقط لما تحس ان فرامل اليد عليت عن الطبيعى قوى و البدال بقى واطى شويه و لما يتعمل يتعمل بحيث العجله تبقه حره الحركه تماما لما تلفها بأيدك زى لما بتيجى من المصنع بيبقه التيل جديد و رغم كده مترجلشه صح و مش محمله.

2-ما تحطش غير بنزين 92 من محطات وطنيه فقط و هتحس بالفرق وده اكتشاف جديد ليا (و تفسيرى انه 92 بحق و حقيقى مش 91 مثلا نتيجه انهم يزودو 92 ب 90 أو يبعهولك 90 على انه 92 انما وطنيه مضمونه لأنها ببساطه تبع القوات المسلحه أكثر مؤسسات الدوله انضباطا و ميقدروش يخشو البنزين).

3-ما تستخدمش غير زيت موبيل1.

4-إعمل بيها مشوار و طول المشوار ده خليك مفترى شويه على العربيه و اقرص عليها جامد و شبع الغيارات و ارفع الRPM لأرقام عاليه و لغايه الأخر فى كثير من الأحيان عشان تفتح الموتور و تسلك علبه البيئه لو مخنوقه و كمان كمبيوتر العربيه فيه خاصيه ذكيه و هيضبط الموتور ضبطه تانيه من نفسه تناسب الجرى و الشد و السحب القوى.

---

جزاك الله خير يا MohamedWay أنا بالفعل قررت ماروحش التوكيل تانى إلا فى الصيانات الدورية، ومش هشتكى من حاجه هناك.

أنا بالفعل فضيت التنك بتاعى على الأخر وحطيت بنزين 90 وجيبت منظف دورة وقود مش فاكر إسمة بس هوا بـ 62 جنية فى بنزينة إمارات مصر. وعملت مشوار حلو كدا والعربية دلوقتى والحمد لله السحب بقى أحسن، الموتور صوتة حرير جدا جدا. ومستنى التنك يفضى بس عشان المنظف كلة يستهلك أشوف النظام إيه بعد كدا. على فكرة أنا عربية 1600 أوتوماتيك الوكيل.

شكرا يافندم

اقتباس:

---

المشاركة الأصلية كتبت بواسطة ahmedel_rayies

جزاك الله خير يا MohamedWay أنا بالفعل قررت ماروحش التوكيل تانى إلا فى الصيانات الدورية، ومش هشتكى من حاجه هناك.

أنا بالفعل فضيت التنك بتاعى على الأخر وحطيت بنزين 90 وجيبت منظف دورة وقود مش فاكر إسمة بس هوا بـ 62 جنية فى بنزينة إمارات مصر. وعملت مشوار حلو كدا والعربية دلوقتى والحمد لله السحب بقى أحسن، الموتور صوتة حرير جدا جدا. ومستنى التنك يفضى بس عشان المنظف كلة يستهلك أشوف النظام إيه بعد كدا. على فكرة أنا عربية 1600 أوتوماتيك الوكيل.

شكرا يافندم

---

نصيحة بلاش ال90 ده خالص و يالمناسبة لمنظف دورة الوقود حاول المرة القادمة (أى بعد 100الاف كم) تضع منظف ميتسوبيشى الاصلى و ده موجود فى قليوب و جسر السويس ب55 جنيه غلى ما اذكر حضرتك تضعه مع التفويله و ده أعتقد حيكون أضمن لانه يباع فى التوكيل.