الموضوع: البطارية و كود الكاسيت لوجان اوتو 2012

السلام عليكم يا شباب
عربيتى لوجان 2012 اتوماتيك - عاملة 16 ألف كيلو
النهاردة مشيت بالعربية من فيصل لحد الدقى و ركنتها فى الدقى 3 دقائق بالظبط عشان أدخل أولادى الحضانة.
طلعت من الحضانة العربية حالفة ما تدور - اتصرفت و جبت واحد معاه وصلة للبطارية و وصلناها بعربية تانية و بردوا العربية و لا الهواء.
إتصلت كتييييييير بخدمة العملاء و وصيت ناس كتير تكلمهم لحد ما الحمد لله قدرت أوصلهم بعد ساعة كدة - المهم بعد كام مكالمة كدة خدوا فيها البيانات - مهندس محترم كلمنى و قالى ده عيب بطارية و أنا هاجيلك من "أبو رواش" و صور الرخصة لحد ما أجيلك.
بعد ساعة و نص كدة الحمد لله المهندس جى و جاب معاه بطارية و فى ظرف دقتقتين فك البطارية القديمة و ركب الجديدة و شغل العربية و خد صورة الرخصة و قالى السلام عليكم - سألته فى رسوم و لا حاجة قالى لأ و مشى.

معلش طولت عليكم بس عندى كذا سؤال:

1- هل موضوع البطاريات اللى بتبوظ ده منتشر فى اللوجان؟
2- فى طريقة اكشف فيها على البطارية الجافة و لا لأ عشان ما اتعرضتش للموقف ده على فجأة كدة؟
3- إزاى أتأكد انهم ركبوا بطارية جديدة - عشان صراحة معرفتش هى نوعها ايه بس تفرق عن التانية انها عليها شعار رينو ؟
4- الحاجة الأهم بقى إن الكاسيت إتصفر و مش عارف أشغله و مطلع 4 أرقام كدة غالبا عايز كود و أنا مش عارف أجيبه منين؟؟

أنا أسف على طول السلامة و أرجو المساعدة

المشاركة الأصلية كتبت بواسطة nodey

حمد لله علي سلامتك اولا
ثانيا تحيه لتوكيل رينو المحترم
ثالثا والاهم معظم سيارات رينو الاتوماتيك بتعدم البطارية بسرعه مش عارف ليه مقارتنه مع الياباني والكوري حسب عشرتي مع الرينو لمدة خمس سنوات
وبالنسبة لكود الكاسيت تقدر حضرتك تكلمهم بالتوكيل وتعطيه رقم الشاسيه وهيعطيك الكود
وطريقة ادخال الكود سهلة
اضغط رقم 1
هتأشر الخانةالاولي استخدم زر رفع الصوت للوصول للرقم الاول من الكود وهكذا
وبعدين بعد ادخال الكود الارع خانات اضغط ضغه طويلة علي الرقم 6 وان شاء الله تسمع احلي صوت
تحياتي

شكرا جزيلا لرد حضرتك