ما لم أتوقعه ، هيونداى IX35 Fully Loaded ومفاجأة الزيت على الطريق

**mfm_tantawi** · 24-09-2013 09:10 PM

المشاركة الأصلية كتبت بواسطة mahmoud_afifi

الحمدلله انك طلعت سليم من الموقف وجت على قد كده
بس انا اول مره اعرف ان الix35 فيها esp !
ماشاء الله تبارك الله ربنا يباركلك فيها ولكل ملاكها

الله يبارك فيك والحمد لله على كل حال ، وبالنسبة للـ ESP فهو موجود فى الفئة الثالثة فقط Fully Loaded

**mfm_tantawi** · 24-09-2013 09:32 PM

المشاركة الأصلية كتبت بواسطة samir elshahawy

حمدا لله علي السلامة و ربنا يستر

فعلا يا جماعة بلاش الجري اليويمن دول خاصة في الساعات الاولي من الصباح لن الطرق بتكون فاضية و مغرية جدا للجري و ممكن تلاقي مفاجأت من النوعية دي

الحاجة التانية ..
ياريت حضرتك تقول لنا عن انطباعك عن ال أي أكس 35 علشان أنا بأفكر جديا فيها

والله يا فندم أنا إنطباعى الشخصى كالاتى:
لو رجع بيا الزمن ساعة الاختيار كنت بردو هاختار نفس العربية لانى شاريها عن إقتناع بالرغم من إن فيه اثنين منافسين للعربية من وجهة نظرى المتواضعة وهما (كيا سبورتاج و سوبارو xv) , ولكن المقارنة كانت لصالح هيونداى.
الشىء اللى كان مخوفنى من العربية هوا الاتى:
- التسارع من الثبات : ودا بصراحة طلع ممتاز والموتور ماشاء الله قوى
- الاستجابة السريعة اثنأ القيادة على السرعات : وبفضل خاصية الكيك داون العربية استجابتها سريعة وتجميعها للغيار والتسارع سريع و ممتاز
- الثبات على السرعات وفى المنحنيات : جيد جدا ولاحظ إننا بنتكلم على عربية suv
ونصيحة لو حضرتك ناوى تجيب الفئة الثانية ويا حبذا لو الثالثة عشان الاوبشنز الزيادة اللى أنا شايف إنها تستاهل الفرق
وربنا يوفق حضرتك للاختيار الاصلح والافضل إن شاء الله وتحت أمرك فى أى إستفسار