امتي هانهتم برياضة السيارت في مصر؟ سؤال لكل المسئولين

**Karim_Monir** · 23-09-2013 02:55 PM

في الوقت اللي تعرف فيه من منظمين سباق ريد بل كار دريفت ان التذاكر خلصت 3 مرات
وانه تم توسعه مدرجات المشاهدين 3 مرات
وان عدد المشاهدين السنة اللي فاتت لم يتجاوز 5 الاف لكن السنادي تجاوز 11 الف
ويمكن يتم توسعه المدرجات اكتر لحضور الميديا خاصة مع الاهتمام غير العادي من جانب الديجتال ميديا اللي هي مواقع الانترنت وصفحات الفيس بوك خاصة مع اهتمام مواقع وشبكات نايل موتورز اللي هي اقدمهم بالحدث ده
تعرف ان الشعب المصري في رياضات تانية بتجري في دمه غير كرة القدم وماتشات الاهلي والزمالك مع كامل احترامي ليها ولمشجعيها (وانا منهم)
واللي بيمنعه عن الرياضة دي انها مكلفة جدا ده اولا
وانها مابتلاقيش التشجيع والاهتمام الكافي من المسئولين والرعاه في بلدنا
ومش عايز اذكر اهتمام الرعاة باحداث اقل بكثير من دريفت ريد بل الاكثر شهرة في كل البلاد العربية
فهل يا تري مسئولين الرياضه في مصر لسه متعنتين في انشاء نوادي وتراكات لسباقات السيارات في مصر مع الاهتمام غير العادي بها في الوقت الراهن
سؤال اوجهه لكل مسئول عن الرياضة في مصر ؟
كريم منير
رئيس مجلس ادارة نايل موتورز

**horas3000** · 23-09-2013 03:18 PM

احنا مش عايزين من المسئولين حاجه
خليهم هما بس يهتموا بالطرق العاديه و المرور و ملهامش دعوه برياضه السيارات
القطاع الخاص لوحده قادر يتكفل بالموضوع ده بعيدا عن الحكومه و روتينها
و اهو كله يبقي مكسب و خساره
كل اللي مطلوب من المسئولين تسهيل الاجراءات و التصريحات الخاصه ببناء منشاءات زي دي
و ده اصلا هيعود علي البلد بفوايد كتيره و هما لوحدهم هيجروا ورا الموضوع ده

**eleanor** · 23-09-2013 03:44 PM

فعلا الناس بمالمجهودات الذاتيه كفيله انها تعمل مشروع زى ده بس المشكله فى موافقه الحكومه

**horas3000** · 23-09-2013 04:15 PM

المشاركة الأصلية كتبت بواسطة eleanor

فعلا الناس بمالمجهودات الذاتيه كفيله انها تعمل مشروع زى ده بس المشكله فى موافقه الحكومه

تصدق و تامن بالله
انا حلم حياتي المشروع ده
حلبه سباق كبيره و عالميه (علي شكل profile ابو الهول كمان) مع امكانيه تجزيئها لاستخدامات اخري زي الجو كارت و الاوتو كروس و الدراج
جزء مخصص لل off roading و اختبارات العربيات ال 4x4 و جزء لتاجيره بالساعه للجمهور

اربع مولات كبار ملحقين بالحلبه

الاول متخصص لمعارض السيارات الجديده مع اشتراط ان اي توكيل يفتح يوفر خاصيه التست دريف لكل الموديلات في جزء معين من الحلبه مخصص لكده

التاني للاكسسوارات و قطع الغيار و التعديل

التالت مجموعه من مراكز الخدمه سواء الخاصه او للتوكيلات مع توفر مغسله كبيره لخدمه المول كله

و الاخير مول تجاري ملحق بيه مدينه ملاهي صغيره ب theme ليه علاقه بالسيارات

طبعا الكلام ده كان يعتبر سر احتفظ بيه لنفسي و للمقربين
لكن لما نزلت مصر و صدمت بالواقع الاليم و ان مشروع زي ده محتاج مليارات و علاقات وطيده بالحكم و تسهيلات بالعبيط من الدوله
الحلم اتدمر و بقيت اعرض المشروع و خلاص و اهو يمكن حد عنده امكانيات يعمله
و ابقي اروح اتفسح و اتقهر و امشي ههههههه

**eleanor** · 23-09-2013 07:07 PM

المشاركة الأصلية كتبت بواسطة horas3000

تصدق و تامن بالله
انا حلم حياتي المشروع ده
حلبه سباق كبيره و عالميه (علي شكل profile ابو الهول كمان) مع امكانيه تجزيئها لاستخدامات اخري زي الجو كارت و الاوتو كروس و الدراج
جزء مخصص لل off roading و اختبارات العربيات ال 4x4 و جزء لتاجيره بالساعه للجمهور

اربع مولات كبار ملحقين بالحلبه

الاول متخصص لمعارض السيارات الجديده مع اشتراط ان اي توكيل يفتح يوفر خاصيه التست دريف لكل الموديلات في جزء معين من الحلبه مخصص لكده

التاني للاكسسوارات و قطع الغيار و التعديل

التالت مجموعه من مراكز الخدمه سواء الخاصه او للتوكيلات مع توفر مغسله كبيره لخدمه المول كله

و الاخير مول تجاري ملحق بيه مدينه ملاهي صغيره ب theme ليه علاقه بالسيارات

طبعا الكلام ده كان يعتبر سر احتفظ بيه لنفسي و للمقربين
لكن لما نزلت مصر و صدمت بالواقع الاليم و ان مشروع زي ده محتاج مليارات و علاقات وطيده بالحكم و تسهيلات بالعبيط من الدوله
الحلم اتدمر و بقيت اعرض المشروع و خلاص و اهو يمكن حد عنده امكانيات يعمله
و ابقي اروح اتفسح و اتقهر و امشي ههههههه

مشروع جميل جدا ولو اعتبرنا الفلوس موجوده فهتلاقى الجكومه وقفالك بالروتين والضرائب وحاجه تعقد
بس ده حال البلد
وربنا يسهل ويمكن نلاقى مسنثمر يلبى طموحنا بس يارب يلحقنا قبل مانعجز

**horas3000** · 23-09-2013 08:51 PM

المشاركة الأصلية كتبت بواسطة eleanor

مشروع جميل جدا ولو اعتبرنا الفلوس موجوده فهتلاقى الجكومه وقفالك بالروتين والضرائب وحاجه تعقد
بس ده حال البلد
وربنا يسهل ويمكن نلاقى مسنثمر يلبى طموحنا بس يارب يلحقنا قبل مانعجز

يحيني و يحييك ربنا
البلد فيها مشاكل بالكوم اولي تتحل عن اقامه حلبه سيارات

**No Comment** · 23-09-2013 09:27 PM

س : امتي هانهتم برياضة السيارت في مصر؟ سؤال لكل المسئولين
ج :
- لما نعلم الاجيال الحالية والقادمة بثقافة المرور
- لما تكون قواعد المرور صارمة وبتطبق على الكبير قبل الصغير
- لما نصلح الطرق اللى جزء من ضرائبنا المفروض انه بيروح ليها
- لما يحصل تواجد أمنى مرورى بجد فى الشوارع
- لما اسعار العربيات المستوردة يبقى عليها هامش ربح معقول بعد جمارك برضوا معقولة زى باقى الدول المتقدمة والمتاخرة الأخرى :(
- ولما التوكيلات تبطل جشع لانها بتستوردلنا أقل فئات السيارات العالمية بحجة انها هتدخل فى فئة ضريبية جمركية عالية وفى الاخر بتحط السعر اللى عاوزاه بدون رابط (وكله على حساب صاخب المخل)
- لما نبطل نجمع عربيات اى كلام بأسم تشجيع الصناعات الوطنية وتطلع فى الاخر عربيات اى كلام مواصفاتاً وسعراً واللى بيدفع تمن غلطة شراها المواطن الغلبان اللى نفسة يركب عربية على قد فلوسه

- وأخيراً لما تبقى السواقة متعة زى زمان مش لعنة والواحد ما بيصدق يوصل بيته علشان يخلص منها

آآآه كفاية كدة ولا نقول كمان ... ال أمتى هيهتم المسئولين برياضة السيارات :)

**horas3000** · 24-09-2013 01:20 PM

المشاركة الأصلية كتبت بواسطة moh.abdelbaset

الفكرة كانت موجودة ..حلبة عند الأهرامات
وفي الخبر مكتوب إنه المشروع بيتناقش من 1998 وتم الموافقة عليه وعندهم دعم كامل من الحكومة
بس وقف ليه!! العلم عند الله

bbc sport | formula one | egypt bids for f1 status

egypt aims for f1 in 2004 - autosport pro news - autosport.com

ايوه
عارف و كنت هنا لما الخبر ده نزل
بس بعد كده البحرين و الامارات نفذوا و احنا بقي ملناش اهميه

-

الموضوع: امتي هانهتم برياضة السيارت في مصر؟ سؤال لكل المسئولين

LinkBack

أدوات الموضوع

عرض

امتي هانهتم برياضة السيارت في مصر؟ سؤال لكل المسئولين - انشر الموضوع فى :

-

-

-

-

-

-

-

المواضيع المتشابهه

سؤال بخصوص مواعيد صيانه اكسنت ار بي امتي وامتي وامتي

آخر مرة مونت امتي ومن فين؟ سؤال بسيط

سؤال فني عن كيفية تركيب الزنون ومدى تاثيره على خروج السيارت من الضمان

سؤال بخصوص عمولة معارض السيارت

سؤال لكل المهتمين برياضة السيارات في مصر؟

الكلمات الدلالية لهذا الموضوع

المفضلات

المفضلات

ضوابط المشاركة