الموضوع: جين 2 اوتو ولا بيجو 301 مانيوال

المشاركة الأصلية كتبت بواسطة amrelsaqqa

على فكرة برضه عشان تبقى واخد بالك اعتقد فرق الاوبشن في الجين تو مش الفرق الجامد ، يعنى البيجو مش فاضية اوى عنها

الجين تو هتزيد جنوط ومرايات كهربة وفوجات وطارة مالتى وتقريبا حساسات ركن

والاسبويلر والمساحة الخلفية وفوانيس ليدات ورا ده ما يعتبرش اوبشن دى حاجة تبع تصميم العربية نفسها

والبيجو البيزلاين هتزيد عن الجين تو الكاملة كمبيوتر رحلات وده بقى يعتبر حاجة اساسية دلوقتى ومش موجودة في الجين تو على حد علمى

والبيجو هايلاين تزيد عن الاتنين بلوتوث وده اللى فعلا يحسسك بفرق في الاوبشن

والمواتير متقاربة جدا بس ارقام البيجو اعلى واستهلاكها للبنزين افضل

عشان كدة خليك مركز اكتر في فكرة مانيوال ولا اوتوماتيك وفي الاخر في اغلب استعمالك للعربية ولا هتحس اصلا بالاوبشنز دى غير مثلا المرايات الكهربة والفوجات ودول بيتركبوا بسهولة في اي عربية


انما تعالى قوللى الباركينج سنسور ايه لزمته ، ولا حاجة انت عمال تحافظ على عربيات الناس وخلاص
وتيجى راكن ركنة افقية واللى قدامك ولا اللى وراك يطلع ، يجرحلك الاكصدام ، يبقى انت عملت ايه بالباركنج سنسور ؟

انت متاكد ان البيجو البيزلاين فيها كمبيوتر رحلات ؟؟؟ اصل انا سالت في الموضوع ده قالولي موجود في الهالاين بس

المشاركة الأصلية كتبت بواسطة salah_8080

انت متاكد ان البيجو البيزلاين فيها كمبيوتر رحلات ؟؟؟ اصل انا سالت في الموضوع ده قالولي موجود في الهالاين بس

عندى في المانيوال
في زرار في دراع المساحات
بتك عليه
في كل مرة بيجيبلى حاجة مختلفة على الشاشة اللى في العدادات

مرة معدل الاستهلاك كام لتر / 100 كيلو
ومرة بيجيلى عداد الرحلة كام كيلو وطبعا اقدر اصفره
ومرة بيجيبلى متوسط السرعة
ومرة بيجيبلى فاضل قد ايه والتنك يفضى


لو هو ده كمبيوتر الرحلات ، اه البيجو المانيوال فيها ..

المشاركة الأصلية كتبت بواسطة amrelsaqqa

عندى في المانيوال
في زرار في دراع المساحات
بتك عليه
في كل مرة بيجيبلى حاجة مختلفة على الشاشة اللى في العدادات

مرة معدل الاستهلاك كام لتر / 100 كيلو
ومرة بيجيلى عداد الرحلة كام كيلو وطبعا اقدر اصفره
ومرة بيجيبلى متوسط السرعة
ومرة بيجيبلى فاضل قد ايه والتنك يفضى


لو هو ده كمبيوتر الرحلات ، اه البيجو المانيوال فيها ..

بصراحة مش عارف .... عاوزين حد من اللي معاه هايلاين هو اللي يجزم بالمضووع ده

المشاركة الأصلية كتبت بواسطة amrelsaqqa

عندى في المانيوال
في زرار في دراع المساحات
بتك عليه
في كل مرة بيجيبلى حاجة مختلفة على الشاشة اللى في العدادات

مرة معدل الاستهلاك كام لتر / 100 كيلو
ومرة بيجيلى عداد الرحلة كام كيلو وطبعا اقدر اصفره
ومرة بيجيبلى متوسط السرعة
ومرة بيجيبلى فاضل قد ايه والتنك يفضى


لو هو ده كمبيوتر الرحلات ، اه البيجو المانيوال فيها ..

طيب يا باشاا قولي المانيوال عاملة معاك ايه ؟

المشاركة الأصلية كتبت بواسطة salah_8080

طيب يا باشاا قولي المانيوال عاملة معاك ايه ؟

بص انا كنت بسوق مانيوال زمااااااان واتعلمت على مانيوال الحمد لله
كان عندنا بيجو 504

جيت قبل ما نبيع الـ 504
ركبت الفيرنا نفسها وبهرتنى نعومتها ، طبعا اكمنى واخد على القديم بس فكان سهل انبهر بأي عربية من الجديد ( لسة مكنتش بقيت ركيب والفيرنا دى جربتها 3 دقايق سواقة بس وكانت زيرو ، فطبعا النعومة غرتنى اوى وحسيت انى ما ركبتش عربيات :d رغم انها كانت فيرنا :d )


بعدين بعنا البيجو وجبنا كورولا اوتوماتيك ، طبعا فرق شاسع في كل حاجة والكورولا كمان ناعمة جدا جدا
ويعتبر اتعودت على الاوتوماتيك بعد سنة سواقة ، رغم انى في الاول كنت مش متقبله وما زلت شايف ان له عيوب ومحتاج تبقى العربية 2000 سي سي على الاقل عشان تحس ان معاك عربية فعلا

اللى انا فاكره لما جيت اسوق الفيرنا بعد الـ 504 انها كانت ناعمة جدا لدرجة مثلا لو انت ماشى على التانى بالراحة وجيت شلت رجلك من ع البنزين بدون ما تدوس دبرياج ما تلاقيش النتشة او الكلبشة بتاعت الموتور دى
فكانت مريحة وسهلة جدا في سواقتها

معلش ع المقدمة الطويلة دى بس عشان تعرف كل ظروف المقارنة


دلوقتى البيجو 301 في طلعتها ممتازة جدا جدا جدا ، احسن عربية مانيوال ركبتها ، ما تحسش انها مانيوال كأنها اوتوماتيك بالظبط في نعومة الطلعة ومش محتاج خالص تتعود على الدبرياج بتاعها وصعب تبطل منك والكلام ده ..

بس بين النقلات او لما امشى ع التانى وارجع اجيب الاولانى لو هديت جامد او امشى ع التانى بطيء اوى واسند دبرياج ، ساعات بتحصل نتشة ، او لما ادوس بنزين واسيب على سرعة قليلة ، مش عارف هل ده عيب منى لانى خدت ع الاوتو ولا العربية مش ناعمة بما فيه الكفاية او انا ما بقتش سويق مانيوال بنفس الدرجة بتاعت زمان ، او لسة مش واخد على العربية دى ...

ولا هو ده العادى في اي عربية اصلا بس انا اللى كنت حاسس بنعومة الفيرنا زيادة عن اللزوم لما كنت بقارنها بالـ 504 ، الله اعلم ..

بس طبعا لو ظبطت رجلى ونقلت بالراحة وخليت حركة رجلى بسلاسة بتبقى ناعمة عادى

انا بيتهيألى والله اعلم في عربيات مهما حاولت تسوق بأسلوب سواقين الميكروباص بتفضل ناعمة بردو في مشيها
انا مش متأكد من كل الكلام ده ولو حد عنده معلومات مختلفة اتمنى يصححلى طبعا

بالنسبة للسواقة في الزحمة انا رجلى الشمال اصلا اعصابها ضعيفة شوية واحيانا بتوجعنى من مجرد لبس الجزمة ، فلو وقفت على كوبرى اكتوبر مثلا فترة طويلة بزهق من الدبرياج وبحسه كأنه تقيل شوية ، مع ان اخويا ركبها وقاللى مش تقيل ولا حاجة وهو فعلا ما بيبقاش تقيل في اول ما بكون سايق ، بس دى بسبب رجلى انا وبسبب انى يعتبر كنت خدت على الاوتوماتيك

المشاركة الأصلية كتبت بواسطة amrelsaqqa

بص انا كنت بسوق مانيوال زمااااااان واتعلمت على مانيوال الحمد لله
كان عندنا بيجو 504

جيت قبل ما نبيع الـ 504
ركبت الفيرنا نفسها وبهرتنى نعومتها ، طبعا اكمنى واخد على القديم بس فكان سهل انبهر بأي عربية من الجديد ( لسة مكنتش بقيت ركيب والفيرنا دى جربتها 3 دقايق سواقة بس وكانت زيرو ، فطبعا النعومة غرتنى اوى وحسيت انى ما ركبتش عربيات :d رغم انها كانت فيرنا :d )


بعدين بعنا البيجو وجبنا كورولا اوتوماتيك ، طبعا فرق شاسع في كل حاجة والكورولا كمان ناعمة جدا جدا
ويعتبر اتعودت على الاوتوماتيك بعد سنة سواقة ، رغم انى في الاول كنت مش متقبله وما زلت شايف ان له عيوب ومحتاج تبقى العربية 2000 سي سي على الاقل عشان تحس ان معاك عربية فعلا

اللى انا فاكره لما جيت اسوق الفيرنا بعد الـ 504 انها كانت ناعمة جدا لدرجة مثلا لو انت ماشى على التانى بالراحة وجيت شلت رجلك من ع البنزين بدون ما تدوس دبرياج ما تلاقيش النتشة او الكلبشة بتاعت الموتور دى
فكانت مريحة وسهلة جدا في سواقتها

معلش ع المقدمة الطويلة دى بس عشان تعرف كل ظروف المقارنة


دلوقتى البيجو 301 في طلعتها ممتازة جدا جدا جدا ، احسن عربية مانيوال ركبتها ، ما تحسش انها مانيوال كأنها اوتوماتيك بالظبط في نعومة الطلعة ومش محتاج خالص تتعود على الدبرياج بتاعها وصعب تبطل منك والكلام ده ..

بس بين النقلات او لما امشى ع التانى وارجع اجيب الاولانى لو هديت جامد او امشى ع التانى بطيء اوى واسند دبرياج ، ساعات بتحصل نتشة ، او لما ادوس بنزين واسيب على سرعة قليلة ، مش عارف هل ده عيب منى لانى خدت ع الاوتو ولا العربية مش ناعمة بما فيه الكفاية او انا ما بقتش سويق مانيوال بنفس الدرجة بتاعت زمان ، او لسة مش واخد على العربية دى ...

ولا هو ده العادى في اي عربية اصلا بس انا اللى كنت حاسس بنعومة الفيرنا زيادة عن اللزوم لما كنت بقارنها بالـ 504 ، الله اعلم ..

بس طبعا لو ظبطت رجلى ونقلت بالراحة وخليت حركة رجلى بسلاسة بتبقى ناعمة عادى

انا بيتهيألى والله اعلم في عربيات مهما حاولت تسوق بأسلوب سواقين الميكروباص بتفضل ناعمة بردو في مشيها
انا مش متأكد من كل الكلام ده ولو حد عنده معلومات مختلفة اتمنى يصححلى طبعا

بالنسبة للسواقة في الزحمة انا رجلى الشمال اصلا اعصابها ضعيفة شوية واحيانا بتوجعنى من مجرد لبس الجزمة ، فلو وقفت على كوبرى اكتوبر مثلا فترة طويلة بزهق من الدبرياج وبحسه كأنه تقيل شوية ، مع ان اخويا ركبها وقاللى مش تقيل ولا حاجة وهو فعلا ما بيبقاش تقيل في اول ما بكون سايق ، بس دى بسبب رجلى انا وبسبب انى يعتبر كنت خدت على الاوتوماتيك

اشكرك جزيلا علي التوضيح والشرح الجميل المبسط ده