جين 2 اوتو ولا بيجو 301 مانيوال

**amrelsaqqa** · 23-09-2013 08:20 PM

المشاركة الأصلية كتبت بواسطة eng f3lix

انا سوقت ال 2 خصوصاً الجين2 سافرت بيها كتير

والبيجو لسة مسافر بيها اسكندرية رايح جاي يعني تقريباً اختبرت ال2 وحفظتهم

الفرق في الاداء واضح لصالح الجين2 كثبات وتسارع لكن الفرامل لصالح البيجو

القاعدة في البيجو مريحة جداً ومكنتش متخيلها كدة والخامات احسن من الجين والتقفيل كمان

طبعاً الاوبشانز مبصتش فيها عشان كانت الفئة التانية من بيجو "متعمقتش اوي في الاوبشانز"

النعومة في العفشة والموتور لصالح البيجو .. العزل متقارب بين ال 2

التكييف في الجين2 احسن بكتييييييييير

قطع الغيار معرفش عنها حاجة

بأختصار .. وبما اني بحب الاداء اكتر من الراحة والرفاهية يبقى هختار "جين2 مانوال" .. اما لو هبص على الاوتو يبقى هختار بيجو وعربية تحفة جداً

مقارنة محترمة ما شاء الله

وزي ما انا توقعت ثبات البروتون هيبقى احسن ، بس ايه رأيك في البيجو ، اقل من بروتون بكتير ، ولا مقبول ولا ممتاز برضه ولكنه اقل ؟

بالنسبة لفرق الاداء والتكييف ، ما تنساش برضه ان اكيد البيجو اللى انت جربتها لسة في الاول ، وكل الناس اجمعوا انها بتتحسن بعد الـ 4000 كيلو خصوصا ان الارقام الرسمية بتاعت الموتور اعلى في البيبجو، انا عندى في العربية ساعات بحس بكتمة وانا طالع ع التانى بعد مطب مثلا وخصوصا لو التكييف شغال ، وعذرتها عشان في الاول ( 200 كيلو بس )

انما سحب العربية من الثبات على الغيار الاول او على سرعة عالية وخصوصا لو بتدي كل غيار حقه فهى ممتازة جدا معايا ولسة السحب هيتحسن بعد الـ 4000 كيلو ان شاء الله

وحتى لو كدة اعتقد هيبقى في فرق ملموس في توفير البنزين لصالح البيجو ، فحاجة بتشيل حاجة ..
وكمان اعتقد الفرق في الاداء هيبقى ملحوظ جدا لصالح المانيوال في البيجو ، لان كذا ريفيو اجنبى قريتهم ليهم ملاحظات على الفتيس الاوتوماتيك بتاع البيجو وان اداءه مش متناغم مع الموتور ، بعكس المانيوال طبعا ..

التكييف جميل وبيخلى العربية تلاجة ، بس تستنى عليه 5 دقايق كدة على ما تاخد افضل اداء ، انا بشغله على 3 وبعدين لازم انزل لـ 2 وبالليل احيانا بنزل لـ 1 كمان من درجة التبريد ، بس زي ما قلت لازم تستنى شوية حاجة بسيطة عشان تحس بيها ، وممكن دى تتحسن مع الوقت زيها زي السحب ، الله اعلم ..

بالنسبة للفرامل فعلا ما شاء الله ، اكتر حاجة مكيفانى في العربية بجد هى وقعدة العربية ، بجد العربية واسعة ومريحة بشكل غريب ما شاء الله
لدرجة انى بركب الكورولا نفسها بعدها اللى هى تعتبر الى حد ما من احسن العربيات في القعدة ، بحس ان في حاجة غلط في الكورولا !

والفرامل انا عمرى ما ركبت عربية مهما اتفاجئ بمطب الحق اقف زي العربية دى

وبالنسبة لنعومة الموتور كويس ان البيجو طلعت انعم ، لانى احيانا بحس بسنة علو في الموتور او خشونة بسيطة في الصوت ، ولكن العربية نفسها في مشيها وعفشتها ناعمة ف انا قلت برضه استنى لما العربية تعدي 4000 ، وممكن لو غيرت الزيت ع ال10 الاف ان شاء الله احس بفرق في صوت الموتور ، بس انا كدة اطمنت ان العربية ممتازة في فئتها في كل حاجة .. الحمد لله

وشكرا بجد على المقارنة :)

**eng.m7md.ali** · 23-09-2013 08:26 PM

المشاركة الأصلية كتبت بواسطة salah_8080

شكرا ياباشا علي ردك

من كلام حضرتك يبقي البيجو احسن لاني بصراحة مش بجري بالعربية

بس اللي مش فاهمة اخر جملة ليك بتاعة " اما لو هبص على الاوتو يبقى هختار بيجو وعربية تحفة جدا " انت تقصد لو بتقارن اوتو بيجو ب اوتو جين 2 ؟؟؟

اه هختار البيجو عشان الفتيس احسن فيها من الجين2 .. وفتيس الجين2 مش وحش بس انا احبها تكون مانوال عشان بتجري اكتر بالمانوال

**salah_8080** · 23-09-2013 08:40 PM

المشاركة الأصلية كتبت بواسطة eng f3lix

اه هختار البيجو عشان الفتيس احسن فيها من الجين2 .. وفتيس الجين2 مش وحش بس انا احبها تكون مانوال عشان بتجري اكتر بالمانوال

شكرا للتوضيح

**eng.m7md.ali** · 23-09-2013 08:44 PM

المشاركة الأصلية كتبت بواسطة amrelsaqqa

مقارنة محترمة ما شاء الله

وزي ما انا توقعت ثبات البروتون هيبقى احسن ، بس ايه رأيك في البيجو ، اقل من بروتون بكتير ، ولا مقبول ولا ممتاز برضه ولكنه اقل ؟

الفرق مش كبير .. متنساش ان البيجو على دونجل والجين2 مالتي لينك من ورا يعني في فرق في الثبات في الملفات والغرز واضح .. والبيجو طبعاً اوروبي ومعروفة ثباتها عامل ازاي

بالنسبة لفرق الاداء والتكييف ، ما تنساش برضه ان اكيد البيجو اللى انت جربتها لسة في الاول ، وكل الناس اجمعوا انها بتتحسن بعد الـ 4000 كيلو خصوصا ان الارقام الرسمية بتاعت الموتور اعلى في البيبجو، انا عندى في العربية ساعات بحس بكتمة وانا طالع ع التانى بعد مطب مثلا وخصوصا لو التكييف شغال ، وعذرتها عشان في الاول ( 200 كيلو بس )

العربية اللي سوقتها كانت عاملة 11 الف معمولها صيانة ال 10000 كمان .. استهلاك البنزين كمان لصالح البيجو بس الفرق مش كبير

انما سحب العربية من الثبات على الغيار الاول او على سرعة عالية وخصوصا لو بتدي كل غيار حقه فهى ممتازة جدا معايا ولسة السحب هيتحسن بعد الـ 4000 كيلو ان شاء الله

وحتى لو كدة اعتقد هيبقى في فرق ملموس في توفير البنزين لصالح البيجو ، فحاجة بتشيل حاجة ..
وكمان اعتقد الفرق في الاداء هيبقى ملحوظ جدا لصالح المانيوال في البيجو ، لان كذا ريفيو اجنبى قريتهم ليهم ملاحظات على الفتيس الاوتوماتيك بتاع البيجو وان اداءه مش متناغم مع الموتور ، بعكس المانيوال طبعا ..

التكييف جميل وبيخلى العربية تلاجة ، بس تستنى عليه 5 دقايق كدة على ما تاخد افضل اداء ، انا بشغله على 3 وبعدين لازم انزل لـ 2 وبالليل احيانا بنزل لـ 1 كمان من درجة التبريد ، بس زي ما قلت لازم تستنى شوية حاجة بسيطة عشان تحس بيها ، وممكن دى تتحسن مع الوقت زيها زي السحب ، الله اعلم ..

التكييف فعلا في بروتون احسن بكتير والفرق باين في عز الشمس .. انا عربيتي بخلي درجة الحرارة في بداية الساقع على اول درجة وبردو ببقى متلج .. لو قللت اكتر من كدة هيبقى سخن :)

بالنسبة للفرامل فعلا ما شاء الله ، اكتر حاجة مكيفانى في العربية بجد هى وقعدة العربية ، بجد العربية واسعة ومريحة بشكل غريب ما شاء الله
لدرجة انى بركب الكورولا نفسها بعدها اللى هى تعتبر الى حد ما من احسن العربيات في القعدة ، بحس ان في حاجة غلط في الكورولا !

فعلا البيجو قاعدة مريحة جداً وكراسي مريحة وواسعة بس ميبانش عليها من برة انها كدة

والفرامل انا عمرى ما ركبت عربية مهما اتفاجئ بمطب الحق اقف زي العربية دى

لا الفرامل فعلا كويسة جداً احسن من جين2 والبروتون

وبالنسبة لنعومة الموتور كويس ان البيجو طلعت انعم ، لانى احيانا بحس بسنة علو في الموتور او خشونة بسيطة في الصوت ، ولكن العربية نفسها في مشيها وعفشتها ناعمة ف انا قلت برضه استنى لما العربية تعدي 4000 ، وممكن لو غيرت الزيت ع ال10 الاف ان شاء الله احس بفرق في صوت الموتور ، بس انا كدة اطمنت ان العربية ممتازة في فئتها في كل حاجة .. الحمد لله

وشكرا بجد على المقارنة :)

العفو انا تحت امرك ياباشا

**amrelsaqqa** · 23-09-2013 08:54 PM

المشاركة الأصلية كتبت بواسطة salah_8080

طيب يا باشاا قولي المانيوال عاملة معاك ايه ؟

بص انا كنت بسوق مانيوال زمااااااان واتعلمت على مانيوال الحمد لله
كان عندنا بيجو 504

جيت قبل ما نبيع الـ 504
ركبت الفيرنا نفسها وبهرتنى نعومتها ، طبعا اكمنى واخد على القديم بس فكان سهل انبهر بأي عربية من الجديد ( لسة مكنتش بقيت ركيب والفيرنا دى جربتها 3 دقايق سواقة بس وكانت زيرو ، فطبعا النعومة غرتنى اوى وحسيت انى ما ركبتش عربيات :d رغم انها كانت فيرنا :d )

بعدين بعنا البيجو وجبنا كورولا اوتوماتيك ، طبعا فرق شاسع في كل حاجة والكورولا كمان ناعمة جدا جدا
ويعتبر اتعودت على الاوتوماتيك بعد سنة سواقة ، رغم انى في الاول كنت مش متقبله وما زلت شايف ان له عيوب ومحتاج تبقى العربية 2000 سي سي على الاقل عشان تحس ان معاك عربية فعلا

اللى انا فاكره لما جيت اسوق الفيرنا بعد الـ 504 انها كانت ناعمة جدا لدرجة مثلا لو انت ماشى على التانى بالراحة وجيت شلت رجلك من ع البنزين بدون ما تدوس دبرياج ما تلاقيش النتشة او الكلبشة بتاعت الموتور دى
فكانت مريحة وسهلة جدا في سواقتها

معلش ع المقدمة الطويلة دى بس عشان تعرف كل ظروف المقارنة

دلوقتى البيجو 301 في طلعتها ممتازة جدا جدا جدا ، احسن عربية مانيوال ركبتها ، ما تحسش انها مانيوال كأنها اوتوماتيك بالظبط في نعومة الطلعة ومش محتاج خالص تتعود على الدبرياج بتاعها وصعب تبطل منك والكلام ده ..

بس بين النقلات او لما امشى ع التانى وارجع اجيب الاولانى لو هديت جامد او امشى ع التانى بطيء اوى واسند دبرياج ، ساعات بتحصل نتشة ، او لما ادوس بنزين واسيب على سرعة قليلة ، مش عارف هل ده عيب منى لانى خدت ع الاوتو ولا العربية مش ناعمة بما فيه الكفاية او انا ما بقتش سويق مانيوال بنفس الدرجة بتاعت زمان ، او لسة مش واخد على العربية دى ...

ولا هو ده العادى في اي عربية اصلا بس انا اللى كنت حاسس بنعومة الفيرنا زيادة عن اللزوم لما كنت بقارنها بالـ 504 ، الله اعلم ..

بس طبعا لو ظبطت رجلى ونقلت بالراحة وخليت حركة رجلى بسلاسة بتبقى ناعمة عادى

انا بيتهيألى والله اعلم في عربيات مهما حاولت تسوق بأسلوب سواقين الميكروباص بتفضل ناعمة بردو في مشيها
انا مش متأكد من كل الكلام ده ولو حد عنده معلومات مختلفة اتمنى يصححلى طبعا

بالنسبة للسواقة في الزحمة انا رجلى الشمال اصلا اعصابها ضعيفة شوية واحيانا بتوجعنى من مجرد لبس الجزمة ، فلو وقفت على كوبرى اكتوبر مثلا فترة طويلة بزهق من الدبرياج وبحسه كأنه تقيل شوية ، مع ان اخويا ركبها وقاللى مش تقيل ولا حاجة وهو فعلا ما بيبقاش تقيل في اول ما بكون سايق ، بس دى بسبب رجلى انا وبسبب انى يعتبر كنت خدت على الاوتوماتيك

**salah_8080** · 23-09-2013 09:08 PM

المشاركة الأصلية كتبت بواسطة amrelsaqqa

بص انا كنت بسوق مانيوال زمااااااان واتعلمت على مانيوال الحمد لله
كان عندنا بيجو 504

جيت قبل ما نبيع الـ 504
ركبت الفيرنا نفسها وبهرتنى نعومتها ، طبعا اكمنى واخد على القديم بس فكان سهل انبهر بأي عربية من الجديد ( لسة مكنتش بقيت ركيب والفيرنا دى جربتها 3 دقايق سواقة بس وكانت زيرو ، فطبعا النعومة غرتنى اوى وحسيت انى ما ركبتش عربيات :d رغم انها كانت فيرنا :d )

بعدين بعنا البيجو وجبنا كورولا اوتوماتيك ، طبعا فرق شاسع في كل حاجة والكورولا كمان ناعمة جدا جدا
ويعتبر اتعودت على الاوتوماتيك بعد سنة سواقة ، رغم انى في الاول كنت مش متقبله وما زلت شايف ان له عيوب ومحتاج تبقى العربية 2000 سي سي على الاقل عشان تحس ان معاك عربية فعلا

اللى انا فاكره لما جيت اسوق الفيرنا بعد الـ 504 انها كانت ناعمة جدا لدرجة مثلا لو انت ماشى على التانى بالراحة وجيت شلت رجلك من ع البنزين بدون ما تدوس دبرياج ما تلاقيش النتشة او الكلبشة بتاعت الموتور دى
فكانت مريحة وسهلة جدا في سواقتها

معلش ع المقدمة الطويلة دى بس عشان تعرف كل ظروف المقارنة

دلوقتى البيجو 301 في طلعتها ممتازة جدا جدا جدا ، احسن عربية مانيوال ركبتها ، ما تحسش انها مانيوال كأنها اوتوماتيك بالظبط في نعومة الطلعة ومش محتاج خالص تتعود على الدبرياج بتاعها وصعب تبطل منك والكلام ده ..

بس بين النقلات او لما امشى ع التانى وارجع اجيب الاولانى لو هديت جامد او امشى ع التانى بطيء اوى واسند دبرياج ، ساعات بتحصل نتشة ، او لما ادوس بنزين واسيب على سرعة قليلة ، مش عارف هل ده عيب منى لانى خدت ع الاوتو ولا العربية مش ناعمة بما فيه الكفاية او انا ما بقتش سويق مانيوال بنفس الدرجة بتاعت زمان ، او لسة مش واخد على العربية دى ...

ولا هو ده العادى في اي عربية اصلا بس انا اللى كنت حاسس بنعومة الفيرنا زيادة عن اللزوم لما كنت بقارنها بالـ 504 ، الله اعلم ..

بس طبعا لو ظبطت رجلى ونقلت بالراحة وخليت حركة رجلى بسلاسة بتبقى ناعمة عادى

انا بيتهيألى والله اعلم في عربيات مهما حاولت تسوق بأسلوب سواقين الميكروباص بتفضل ناعمة بردو في مشيها
انا مش متأكد من كل الكلام ده ولو حد عنده معلومات مختلفة اتمنى يصححلى طبعا

بالنسبة للسواقة في الزحمة انا رجلى الشمال اصلا اعصابها ضعيفة شوية واحيانا بتوجعنى من مجرد لبس الجزمة ، فلو وقفت على كوبرى اكتوبر مثلا فترة طويلة بزهق من الدبرياج وبحسه كأنه تقيل شوية ، مع ان اخويا ركبها وقاللى مش تقيل ولا حاجة وهو فعلا ما بيبقاش تقيل في اول ما بكون سايق ، بس دى بسبب رجلى انا وبسبب انى يعتبر كنت خدت على الاوتوماتيك

اشكرك جزيلا علي التوضيح والشرح الجميل المبسط ده

**أسامه طياره** · 23-09-2013 09:38 PM

منصحكش بالبيجو نهاااااائي كان معايا ال 307 عربيه معقده وقطع الغيار مولعه وكمان توكيل البيجو في مصر اكتر من سئ وقطع غيار كتير مش هتلاقيها حتى في التوكيل وهتلف عليها قد كده استيراد .. ابعد عن البيجو خااااااالص نصيحه ... والبروتون عيبها اللي اعرفه بتاكل تيول فرامل كتير بس ارحم مليون مره من اي بيجو

**amrelsaqqa** · 23-09-2013 09:48 PM

المشاركة الأصلية كتبت بواسطة أسامه طياره

منصحكش بالبيجو نهاااااائي كان معايا ال 307 عربيه معقده وقطع الغيار مولعه وكمان توكيل البيجو في مصر اكتر من سئ وقطع غيار كتير مش هتلاقيها حتى في التوكيل وهتلف عليها قد كده استيراد .. ابعد عن البيجو خااااااالص نصيحه ... والبروتون عيبها اللي اعرفه بتاكل تيول فرامل كتير بس ارحم مليون مره من اي بيجو

ياباشا واحدة واحدة
على اساس ان البروتون على النقيض تماما ؟
البروتون فيها مشاكل الصيانة وقطع الغيار دى اكتر من البيجو

وبعدين الـ 301 تكنولوجيتها مبسطة مش معقدة ونازلة تستهدف سوق معين واسعار قطع الغيار غير اي بيجو لان فئة العربية اقتصادية وتقدر تتأكد بنفسك من مواضيع قطع الغيار بتاعت 301 في قسم بيجو ، والاسعار اللى نزلت في جريدة الاهرام

اللى ينطبق على ال307 هو قطع غيار الموتور ودى موجودة ومتوفرة ورخيصة للـ 307 على فكرة مش غالية
مشاكل الـ 307 كلها على حسب علمى منحصرة في الفتيس الاوتوماتيك والكهربا ، ودى مش هتحصل في ال301 عشان الفتيس مختلف بتاع 408 وده محصلش منه مشاكل والكهربا مش هيبقى فيها مشاكل عشان العربية مش معقدة اوى زي الفئات العالية من بيجو

**أسامه طياره** · 23-09-2013 10:00 PM

اصل بصراحه البيجو كرهتني في العربيات الفرنساوي كلها مش البيجو عموما بس :d ده انا اخر مازهقت بعتها برخص التراب ونزلت منها وجبت دايو نوبيرا عشان ارتاح في قطع الغيار والصيانه بعد ماقضيت سنه مراااااااااااار مع ال 307 طبعا فرق ركوبه كبير بس بصراحه ارتحت اوووووووي في الصيانه الحمدلله

**Silent~Dream** · 23-09-2013 11:02 PM

رايى بيجو كتقفيل و جوده و امان و تبعد عن توكيل عز العرب عشان كثير جدا بيشتكوا منه وعدم توافر قطع غيار بروتون الا بعد وقت و بالنسبه لقطع غيار البيجو موجوده فى التوكيل و اسعارها عاديه و التوكيل مفيش حد اشتكى منه او من عدم توافر قطع الغيار

http://www.nilemotors.net/Nile/35895...eot-301-a.html