جين 2 اوتو ولا بيجو 301 مانيوال

**Ahmed Amin** · 24-09-2013 01:34 PM

المشاركة الأصلية كتبت بواسطة salah_8080

كلامك رائع و مقنع جدااااا وانا اساسا ماليش في الجري ولا الغرز فكده يبقي البيجو المانيوال هي الاختيار وربنا يجعله اختيار موفق ان شائء الله

وشكرا لحضرتك

الشكر لله يا باشا

والعربية فعلاً جميلة جداً وأنا لو معايا فلوس دلوقتي هجيب واحدة منها,,

بخصوص المانيوال أحب أضيف لك حاجة من تجاربي أنا كمان معايا زمان لانسر مانيوال موديل 2007 مانيوال 1300
وفي نفس السنة كان معانا لانسر أوتو موديل 2007 أوتو 1600
ومحستش بأي تعب في المانيوال عن الأوتو وكنت انا اللي كنت بتحرك بالمانيوال أكتر الوقت, وكان سحبها أفضل من ال 1600 وكانت موفرة كتير عن الأوتو عموماً وحتي التيل الأماملي قعد فيها لحد 70 ألف كيلو متر,
في حين إن التيل الأمامي غيرناه في الأوتو علي 30 ألف كيلو متر بس..

البيجو عربية جميلة شكلاً ومضموناً وأداء وتعيش العمر معاك,
وربنا يوفقك في الشراء.

**abou-yahia** · 24-09-2013 06:04 PM

تمام
احنا بنقارن العربيتين مش علي اساس الفئه لاكن علي اساس طلب صاحب المقارنه لانهم تقريبا في نفس الفئه السعريه
عشان كده مطرحناش بدائل تانيه
ذي مثلا الاوبترا او النيسان
كمتطلبات قياده من المستهلك بنرشح
المهم انت عايز ايه من العربيه وايه اللي العربيه ممكن تحققهولك .
مع احترامي للعربيتين
الجين 2 افضل في سرعه الاستجابه يعني العربيه تلاقيها تحت رجلك .
ادائها يغلب عليه الطابع الرياضي
قعدتها متكتفه
انشف اكتر
اللي بيفضل الاداء الرياضي يكون اختيار افضل ليه
لاكن ال301 غربيه عائليه في المقام الاول
ومن هنا جت المقارنه

**Ahmed Eraqy** · 10-10-2013 02:27 PM

بص انا كنت زيك من كام اسبوع و اخترت البروتون بس السيدان بيرسونا بسبب فرق السعر .... لاني عايز اتوماتيك و المانيول مرفوض بالنسبالي و اول فئة اتوماتيك في البيجو ب 125 الف و مفيهاش اي كماليات فمكنش قدامي غير الهايلاين بس ب 136 الف و انتظار شهر و نص يعني فرق 28 الف جنيه (االبيرسونا على 108.5) و لو استلام فوري هتوصل ل 142 الف .. فالفرق كبير ده غير البيرسونا تتزيد على البيجو الهايلاين بمثبت سرعة و اشارات فى المريات و اماكن تخزين اكتر فى التابلوه و البيجو الهاي لاين تزيد يتكيف تاتش و بلوتوث و صالون اوسع

بالنسبالك لو مش فارق معاك الاتوماتيك و لا الكماليات (جنوط + مالتي فانكشن + usb + اربع سماعات بدل اتنين + مسند يد امامي ) توكل على الله و هات البيجو

**S.Hasan** · 11-10-2013 01:46 PM

المشاركة الأصلية كتبت بواسطة ahmedabdfat

بص انا كنت زيك من كام اسبوع و اخترت البروتون بس السيدان بيرسونا بسبب فرق السعر .... لاني عايز اتوماتيك و المانيول مرفوض بالنسبالي و اول فئة اتوماتيك في البيجو ب 125 الف و مفيهاش اي كماليات فمكنش قدامي غير الهايلاين بس ب 136 الف و انتظار شهر و نص يعني فرق 28 الف جنيه (االبيرسونا على 108.5) و لو استلام فوري هتوصل ل 142 الف .. فالفرق كبير ده غير البيرسونا تتزيد على البيجو الهايلاين بمثبت سرعة و اشارات فى المريات و اماكن تخزين اكتر فى التابلوه و البيجو الهاي لاين تزيد يتكيف تاتش و بلوتوث و صالون اوسع

بالنسبالك لو مش فارق معاك الاتوماتيك و لا الكماليات (جنوط + مالتي فانكشن + usb + اربع سماعات بدل اتنين + مسند يد امامي ) توكل على الله و هات البيجو

بس انا قريت في منتدي البروتون انها بتنزل بعيوب صناعة وكمان واحد صاحبي اشتراها اكدلي المعلومة دي

**tutankhamoun** · 11-10-2013 02:32 PM

أنا مش هاتكلم إلا عن البروتون و الكلام الغلط اللي اتقال عليها في الموضوع (أنا معرفش أي حاجة عن البيجو 301 )

أولا العربية فيها الآتي ستاندرد
1 - عدد 2 وسادة هوائية لحماية السائق و الراكب الأمامي
2- كاسيت سي دي
3- الفرامل abs + ebd و كل العجل على ديسكات (مفيش طنابير )
4- مرايات كهرباء
5- مصابيح شبورة أمامية و خلفية .
6- كمبيوتر رحلات .
7- أربعة زجاج كهرباء .
8 - تكييف .
9- الفوانيس الامامية مجهزة بمواتير للتحكم في الأضاءة الأمامية .
10-العجل كله على جنوط رياضية.
11- مالتي فنكنش في الطارة للتحكم في الكاسيت .
12- السيارة مجهزة بأموبلايزر (العربية ما بدورش إلا بمفتاحها المتكود فقط لا غير )
13- الطارة يمكن تعديلها حسب طولك لفوق و تحت .

مش فاكر إذا كان فيه حاجة تانية و أنا نسيتها و لا لاءة .

بالنسبة لقطع الغيار مش عارف بس مين اللي بيقول مش معمرة
أنا معايا من 2007 و أعرف ناس كتيرة معديين بها 250 ألف كم و العربية ماشية زي الفل و مفيهاش مشاكل .

قطع الغيار موجودة خارج التوكيل ... في محلات قطع الغيار .

مشكلة العربية الأساسية هي عدم توافر بعض قطع الغيار لدى التوكيل نفسه و لكن ممكن الحصول عليها من خارج التوكيل .
المشكلة دي بيقع فيها لو واحد مستني قطعة غيار في الضمان و التوكيل قاله هاعملك أوردر و تستنى لما تيجي .

أستهلاك البنزين عادي و بتعمل في الصفيحة متوسط 230 كم و ممكن تعمل أكتر من كدا حسب سواقتك .
العربية أستهلاكها على الطوالي و السريع أحسن من وسط البلد و أعتقد أن اغلب العربيات كدا و خصوصا 1600 سي سي .
الفرش الداخلي ده أذواق و أنا شايف أنه كويس جدا و التقفيل كويس جدا و موضوع العيوب ده كان زمان في موديلات 2006

العربية بتتباع في أنجلترا و أستراليا بدون أي مشاكل و كمان بتنزل هناك بضمان 10 سنين ... و ده معناه ان الناس مش خايفة من العربية بتاعتها و مدياك ضمان كبير علشها كمان .

العربية أصبحت جزء من أسطول سيارات الشرطة البريطانية (و ده مش من فراغ و أكيد من جودة )

التوكيل (عز العرب ) مش أحسن توكيل ......... و لكنه عادي ... و بصراحة هو مش مهتم قوي بالعربية و لكن الصيانات بتتعمل بدون مشاكل و كمان فيه مركز خدمة معتمد محترم قوي هو عصام و صفا في مصر الجديدة عند المطار .

اسعار قطع الغيار الأصلية موجود موضوع لها في قسم بروتون .

في النهاية

العربية البروتون عربية ممتازة و أنتاج ماليزيا
الموتور الكامبرو هو موتور ماليزي و ملوش أي علاقة بلوتس غير أن لوتس أشتركت مع بروتون في تطويره و يتم أستخدامه فقط في سيارات بروتون .
لوتس ساعدت في تصميم شاسيه و عفشة البروتون الجين 2 و ده باين قوي في الثبات و المناورة و التحكم في العربية .

موضوع اعادة البيع ده هايكون أسوء في البيجو من بروتون لأن البيجو لسة نازل جديد و مش منتشر .

الجين 2 سوق أعادة بيعها كويس و معقول ... عربية لها ناسها زي السوباورا أو الهوندا .
مش أي حد بيشتري سوباورا أو هوندا ... و نفس القصة بتنطبق على بروتون .

بروتون هي الماركة الوحيدة اللي يملكها العالم الأسلامي كله ... للآسف الشديد .

في النهاية
أنا شايف صاحب الموضوع مش متحمس لحاجة بعينها و الكلام بيوديه و يجيبه

نصيحة أخوية

لازم تشتري حاجة تكون مقتنع بها 100 % علشان ما تندمش بعد كدا على أختيارك .

ربنا يكون في عونك و هو أختيار صعب .

عليك بالأستخارة و ان شاء الله ربنا يقدم اللي فيه الخير لك .

مع تحياتي و لو عايز تسأل على أي حاجة في الجين 2 أنا تحت أمرك
أنا كان معايا جين 2 مانوال و بعتها و جبت جين 2 أوتوماتيك

**Ahmed Eraqy** · 11-10-2013 10:59 PM

المشاركة الأصلية كتبت بواسطة moha_2k

بس انا قريت في منتدي البروتون انها بتنزل بعيوب صناعة وكمان واحد صاحبي اشتراها اكدلي المعلومة دي

على حسب ما قريت في المنتدى ان عيوب الصناعة كلها حاجات بسيطة يأما عيوب فى التقفيل .. زجاج كهربا مش شغال او المالتي بيعلق حاجات كده و ديه حاجات انا ممكن اتعايش معاها .. انما اساسات العربية كمحرك و فتيس و عفشة مفيهاش اي عيوب و مشفتش حد اشتكى منها

مشكلتها الوحيدة التوكيل

**blazer** · 12-10-2013 02:12 AM

بيجو اكيددد ,, الجين 2 قدمت جداااا !!!!!!!!!

**MOODEE_848** · 14-08-2014 12:47 AM

المشاركة الأصلية كتبت بواسطة ahmed amin

أنا قريت كل الردود, وأنا مع الرأي دا عشان دا اللي كنت هقوله,,
موضوع الثبات عشان الناس اللي بتقول إن البروتون أثبت من البيجو مش عارف بيقولو كدا علي أساس أيه,,
البروتون جين 2 عربية هاتش باك, والبيجو 301 عربية صالون,,
دي ليها wheelbase مختلف عن التانية,,

لو حضراتكم عايزين تتكلمو عن وتقارنو ثبات عربيتين ببعض, لازم يكونو في نفس الفئة,
يعني لو هنقارن جين 2 ببيجو, هتبقي المقارنة قدام بيجو 308 أو 207 أو 208

وساعتها اللي هيجرب هيعرف يعني أيه ثبات لما يركب التلات عربيات دول من بيجو,,:m_yes[1]:
دي حاجة,,

وأعتقد دي الحاجة الوحيدة اللي كانت في صالح البروتون قدام البيجو, لأن كل الكلام في الموضوع كان إن ابيجو أفضل كأختيار في كل حاجة من تقفيل وكاخامات وفرامل وأمان والبروتون أفضل في الثبات بس,,

البروتون عربية مش وحشة, بس من ناحية التقفيل والعمر الأفتراضي للعربية وقطع الغيار وكمان معاملة وسمعة التوكيل مش زي البيجو,,
فكدا الكفة هتكون في صالح البيجو,,

بس طبعاً صاحب الموضوع لو المبلغ اللي معاه ميقدرش يزود ويجيب بيه الأوتو في البيجو وعايز أوتو, الجين 2 هتقضي,,
بس لو عايز حاجة تحس أنك مرتاح فيها 5 سنين علي الأقل وتحس بقيمة فلوسك فيها وتبقي عايز تركب العربية وأنت نفسك مفتوحة,, صدقني البيجو هتبقي الأختيار الأفضل,,

والكلام دا سواء كانت مانيوال أو أوتو,, المانيوال فيه ناس كتير بتسوق بيه كل يوم والحمل اللي هتحمله علي رجلك الشمال علي دواسة الدبرياج,, هوا هوا نفس الحمل اللي أحنا بنعاني منه في الأوتو واحنا كل شوية ندوس بنزين وفرمل بالرجل اليمين,,
عن نفسي محستش براحة كبير ولا متعة لما روحت للأوتو من المانيوال,, ويكون متعة المانيوال في السواقة والسحب بتاعه كانت بتعوض فرق التعب البسيط اللي بتعبة معاه في الزحمة, واللي لاقيته موجود برضه في الأوتو لأني بقت أتعب معاه في الزحمة دلوقتي,, وبياكل تيل فرامل كمان أعلي من المانيوال فخليك فاكر دي كويس,,,

والأستاذ اللي بيقول أن قطع غيار بيجو غالية والتوكيل أكثر من سئ, مش عارف هوا بيقول الكلام دا منين,,
يعني أولاً قطع غيار ال 307 وال 301 قريبين من بعض جداً, ومعظم كتير أرخص من الكوري والياباني والصيني كمان

وعندك كمثال لأسعار قطع غيار ال 301 وال 307,
فلتر زيت ب 50 جنيه,,
فلتر هواء ب 100 جنيه, فلتر تكييف ب 100 جنيه,و فلتر بنزين ب 75 جنيه,,
سير مجموعة ب 110 جنيه, طقم بوجيهات بوش ب 110 جنيه,
دي أسعار الصيانات اللي هتعملها في أول 50 ألف,, والأسعار دي قطع الغيار الأصلية من التوكيل بالتقريب,, فين بقي الأسعار الحراقة ونااااااار والكلام اللي بيتقال دا ؟؟

توكيل بيجو لو تدخل قسم بيجو بنفسك وتشوف الناس اللي بتعمل صيانات مع التوكيل مش هتلاقي ولا شكوي واحدة تقريباً,,
لكن أدخل قسم بروتون وشوف الشكاوي مع عز العرب بنفسك عاملة أزاي,,

نصيحة مني روح أقعد في العربية في المعرض,, وشوف اللي تستريح فيها أكتر,
وأنا رأيي الشخصي إن البيجو هيا الأختيار الصح, من ناحية العربية كأمان وكتقفل وكتوافر قطع غيار في السوق وتوكيل أكتررر من جيد,,, وكمان البيجو عربية بتعيش العمر وعندك كمثال ال 406 وال 307 ماشين في الشارع زي الفل وبكفائة لحد أنهارده وقبلهم العربيات الأسطورية 504 وال 505 لحد أنهارده,,
بيجو بتعرف تعمل عربيات,, والأهم بتعرف تعمل مواتير تعيش العمر,,
سؤال تحطة في بالك هل فيه عربيات بروتون بنشوفها في الشارع بتعيش في نفس عمر العربيات البيجو ؟؟ وبتكون بنفس حالتها وكفائتها ؟؟

بالتوفيق في الأختيار,

كلامك خلانى افكر من جديد بعد ما كنت ناوى علي بيرسونا اليجانس انت حيرتنى كده

-

الموضوع: جين 2 اوتو ولا بيجو 301 مانيوال

LinkBack

أدوات الموضوع

عرض

-

-

-

-

-

المواضيع المتشابهه

اكسنت rb مانيوالريو اوتو 1600 اوبترا مانيوال*بيرسونا اوتو

اكسنت rb مانيوالريو اوتو 1600 ابترا مانيوال

بيجو 307 مانيوال ولا 406 مانيوال ولا استرا 2004 اوتماتيك

الايفو مانيوال ولا اوتو

هتجنن يا ناس فيات بونتو ايفو مانيوال ولا بيجو 206+ الجديدة مانيوال ولا صني اوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة