الموضوع: سؤال عن عطل بالفتيس الهيدروماتيك 405 برستيج

بعت لك الأيميل في رسالة,

المشاركة الأصلية كتبت بواسطة maadawy6

اشكرك على متايعتك لموضوعى واهتمامك لحل مشكلتى
واحب ان اعرفك انى الان لسة كاشف على الفلتر وانا صورت بالموبايل كل اللى عملتة
وعاوز اقولك انى فكيت العقل ونظفته وركبته تانى وكل ده انا مصورة
وغيرت الزيت تانى
وللأسف لا توجد نتيجة نفس المشكلة
كان نفسى احل المشكلة وابعت الصور للمنتدى ليستفيد منها غيرى

الصور أهي,




















أنا عايز أقولك تسلم أيديك علي الشغل دا, أنت مهندس ميكانيكا ولا أيه ؟
وهل أستخدمت مفتح عزم في الفك والتركيب ؟ ولا أستخدمت مفتاح سيستيم عادي ؟

أولاً الشكر لله, والزيت بينزل لونه بني عشان أنت لما بتفتح الطبة وبتنزل الزيت القديم مش كل الزيت القديم بينزل معاك
بينزل نص وبيفضل نص الزيت القديم تقريباً في قربة الزيت اللي ما بين الفتيس والموتور,

ولما بتحط الزيت الجديد العربية هتاخد نص الكمية بس وهيتخلط علي القديم,
وبالتالي بيتبقي عندك نص زيت جديد علي قديم 50/50

ولما بتعمل غيار زيت تاني علي فترات أقرب من 10 ل 20 ألف كيلو,
بتنزل جزء كبير تاني من الزيت القديم اللي أتخلط بالجديد, ولما بتحط الزيت الجديد المرة دي بيبقي عندك من 65% 70% تقريباً جديد مقارنة باللي نزلته أول مرة, ولانك نزلت زيت نص عمر ونضف وهينزل رايش لو كان فيه وفاضل من المرة الأولي,,

دلوقتي بقي عموماً اللي يأخر النقلات حاجات كتير, هوا زيادة درجة حرارة الزيت في قبل الجير,
ممكن تكون الكلاتشات أتحرق فعلاً, بس هيا لو أتحرقت هتهرب معاك الضغوط ومش هتأخر الغيارات, وهيا بتتحرق في حالة أنك تمشي عليها بزيت ناقص جداً لدرجة أنها تتحرق.
فاا لو دا حصل معاك قبل كدا ممكن تفكر فيها أنها تكون عايزة تتغير,

لكن السبب رئيسي في تأخير النقلات هوا الكولر زي ما قلت لك, والأعراض اللي عندك دي بتاعته,,
ممكن يكون مهري من ال Core في الجزء اللي بيعدي منه الزيت عشان يتبرد,,
يعني عشان أوضح أكتر أنت دلوقتي عملت تست كويس, أنك جربت تدخل خرطوم مية في الداخل ولاقيت الخارج ضغطة مظبوط صح,, بس المية بتلف حوالين الكور ولو الكور نفسة الزيت مش بيوصلة أو فيه سدد من زيت محروق قديم هيبقي الكولر مش بيبرد الزيت ولازم يتغير,,

أنا معرفش الفتيس في ال 405 برستيج الكود بتاعه أيه,
بس شوف كدا الصور دي من كتالوج صيانة الفتيس AL4 بتاع ال 406 وال 206 وال 307








فا زي مانت شايف الكولر هوا الأداءة الوحيدة لتبريد زيت الفتيس زي ماهو مكتوب في أول صورة,,
ولو الزيت كان نازل محروق أووي في مرة مش مجرد أسود,, لازم تغير الكولر زي ماهو مكتوب في صورة 3

أو لو كانت الكولر منتهية بسبب الزيت المحروق ومعادتش تبرد زي الأول هتاخد أداء ضعيف جداً من الفتيس اللي انت بتعاني منه دلوقتي,, زي بالظبط لما بيكون عندك مكشلة في الرادياتير ودورة تبريد الموتور هتلاقي العربية بتسخن أوي والموتور مخنوق وتقيل في السحب.

أنا بقولك كدا عشان تجرب تشوف واحدة عند حد بتاع أستيراد وتركبها طالما أنت شاطر كدا وبتعمل الشغل بأيديك بسهولة, وتشوف العربية هل هتتحسن مع تغير الكولر(المبرد) ولا لأ قبل ما تفكر تفك الفتيس,,

لأن الفتيس لو فيه مشكلة هيدروليكية, زي شغل البلوف المفروض هيطلع لك رسالة إن فيه مشكلة في الفتيس,
لو أنت بتعاني من رزع وتخبيط في الفتيس,, المفروض يبقي عندك الكلاتشات محروقة ومعادتش تحكم الضغوط كويس زي الأول,,
أما لو عندك تأخير في النقلات كلها,, دي غالباً بتكون مشكلة الكولر(مبرد زيت الفتيس) Heat Exchanger

مش بقولك شكلك شاطر أووي,
دي معلومة جديدة عليا أنو فتيس ميكانيكي, ياريت تبقي تشوف الكود الخاص بالفتيس أيه وتبعتهولي عشان أقرأ أكتر عنه,
وأنا متوقع أنو طالما أنت شاطر كدا, وبتفك وتركب وتعمل صيانتك بأيديك, إنك إن شاء الله هتوصل لسبب العيب قريب.

بص أنا كنت قريت مشاركتك أن الفتيس بيأخر الغيارات لما بيسخن,, بس دلوقتي قريتها العكس

العطل هو انى لاحظت تأخر في نقل الغيارات بمعنى انى عندما اشتريت السيارة لاحظت ان الغيار الثاني عند وصول العداد حوالى 15 كم /الساعة والثالث عند 42 كم / الساعة والرابع عند 65كم / الساعة ولكن لاحظت فجأة ان الغيار الثاني اصبح عند 30كم/الساعة والثالث 50 كم والرابع 70 كم
وايضا هناك مشكلة اكبر عند وصول الغيار الرابع والاخير وقمت بالتوقف اجد ان الفتيس لم يرجع بالغيارات الى الادنى أي انه يظل على الرابع واجد ان السيارة تهتز بشدة ( هذا في الصباح فقط ولمرة واحدة فقط ) واذا تحركت بها مرة اخرى يزول هذا العيب

بس طالما بتقول أنو بيسخن الصبح بس وبعد كدا لو طول اليوم بيكون عادي, دي بتبقي مشكلة كلاتشات فعلاً أو فالف بادي -مخ الفتيس-


أنا كنت عايز أوضح إن اللي بيأخر النقلات بعد ما العربية بتسخن بيكون الكولر أو مشكلة في تبريد الفتيس,, فأنت غيرت الزيت, وفكيت ونضفت,,
وكنت هقولك مش فاضل أنك تشوف كولر أستيراد وتجربة لو قدرت,, قبل ما تفكر تفك الفتيس عشان تشوف الكلاتشات ويكون العيب من الكولر من جوا,
لأن حتي لو الفتيس ميكانيكي أو كهربائي زي اللي في الصور اللي رفعتهالك,, طالما عندك كولر هوا اللي بيبرد الفتيس, والفتيس لو متبردش بيأخر النقلات كلها,,
ولو الكولر مظبطش تكون متفق مع الراجل ترجعه,

بس أنت كدا مشكلتك غيررررر لو العيب بيظهر الصبح فقط, وهتبقي بعيدة عن الكولر وممكن تبقي مشكلة فالف بادي نفسة,

طالما أنت بتقول معندكش حاجة كهربائية في الفتيس, وأنا مش فاهم الفتيس الميكانيكي بينقل إزاي ياريت تبقي تبعتي لي الكود بتاعه,
وكشفت علي الكولر ولاقيته سليم هيبقي فاضل أنك تشوف وتغير الكلاتشاك,
وبستون الكلاتشات لأنها قطع أستهلاكية,, وبتتحرق لو الزيت نقص جوا الفتيس أو أتمشي عليه كتير من غير ما يتغير.

وأخر حاجة ممكن تبقي تحط في المنتدي دا, هشان تأخد ردود أكتر برضه أنا لما بتزنق في حاجة بخصوص الفتيس بتاعنا ومش بلاقي لها مواضيع هنا بقرأ من المواضيع هناك
French Car Forum • View forum - Peugeot