سؤال عن عطل بالفتيس الهيدروماتيك 405 برستيج

**maadawy6** · 23-09-2013 10:19 PM

العطل هو انى لاحظت تأخر في نقل الغيارات بمعنى انى عندما اشتريت السيارة لاحظت ان الغيار الثاني عند وصول العداد حوالى 15 كم /الساعة والثالث عند 42 كم / الساعة والرابع عند 65كم / الساعة ولكن لاحظت فجأة ان الغيار الثاني اصبح عند 30كم/الساعة والثالث 50 كم والرابع 70 كم
وايضا هناك مشكلة اكبر عند وصول الغيار الرابع والاخير وقمت بالتوقف اجد ان الفتيس لم يرجع بالغيارات الى الادنى أي انه يظل على الرابع واجد ان السيارة تهتز بشدة ( هذا في الصباح فقط ولمرة واحدة فقط ) واذا تحركت بها مرة اخرى يزول هذا العيب
فقمت بتغيير الزيت للفتيس رغم انى وجدة نظيفا
وقمت ايضا برجلشة سلك وير الكيك دون فتحسنت قليلا فقمت بنزع سلك الكيك دون من قرص البوابة وجدت ان السيارة عادت الى طبيعتها 100% واذا قمت بتركيب السلك مرة اخر تظهر كل هذه المشاكل
فأرجو منكم شرح لهذا العطل هل هو من الكلتشات ام من الكيك دون وياريت لو حد عنده شرح لهذ الفتيس
وشاكر لكم جميعا لحسن تعاونكم

**Ahmed Amin** · 24-09-2013 03:10 PM

عندك الكولر بتاع الفتيس أكشف عليها,
لما بيكون مسدود أو فيه مشكلة في التبريد بيأخر النقلات بالشكل دا,

**maadawy6** · 24-09-2013 09:41 PM

بعد الكشف على الكولر وجد انه سليم ولا يوجد اى انسداد ودورة المياه سليمة

**Ahmed Amin** · 25-09-2013 05:16 AM

ممكن أعرف كشفت عليه أزاي بالسرعة دي ؟
لأن حضرتك قلت رديت عليا ردين ورا بعض ف خلال ساعتين فقط,,

كشفت عليه أزاي ؟

**Ahmed Amin** · 25-09-2013 10:59 PM

تمام الله ينور عليك, واضح انك متمرس.

كدا بصراحة مش هقدر أفيدك أكتر من كدا,, اللي يخلي النقلات تبقي متأخرة كلها هوا الكولر,
أو لزوجة الزيت لو وحشة,

وحضرتك قلت مغير زيت, وكمان شايف أن الكولر سليم,,
مش هيتبقي لك غير حاجة واحد يتكشف عليها وهيا فلتر زيت الفتيس,,
بس أنا معرفش في ال 405 مكانة فيه وموجود ولا لأ,
لأن في عربية زي ال 307 الفلتر ف قلب الفتيس من جوا,, وعشان تغيرة أو تنضفة لازم تحل الفتيس كله,,

غير كدا لو مش هتقدر تشوف موضوع الفلتر, هيبقي لازم تروح لحد عنده كمبيوتر بيجو تشوف القرايات بتاعت الضغوط, ممكن يكون عندك مشكلة في ضغوط الزيت هيا اللي مأخرة النقلات,

بس لو الضغوط سليمة, يبقي أنت عندك مشكلة في التبريد وراجع علي دورة التبريد الأول قبل ما تشوف فلتر زيت الفتيس وتروح تكشف عليه بالكمبيوتر.

أبقي راجع علي الموضوع دا
http://www.nilemotors.net/Nile/364957-a4.html

**Ahmed Amin** · 26-09-2013 12:55 AM

أولاً الشكر لله, وأنا متعبتنيش ولا حاجة,,
وأنا حابب أشوف الصور وأشوف طريقتك وعملت الشغل أزاي,,
وأنا متابع معاك لحد ما نحل مشكلتك خالص,,

ياريت لو ترفع الصور هنا ونشوفها كلنا وممكن تلاقي حد تاني كمان يفيدك أكتر مني لما يشوف الصور,
لو مش عارف ترفعها هنا أبعت لي علي الخاص وأنا أرفعهم لك ونشوف الشغل اللي أنت عملته لحد دلوقتي.