الموضوع: أونو و ماروتى .... اختار ايه !!!

المشاركة الأصلية كتبت بواسطة فبريكا

يا فندم بدل ما تشتري وتبيعي وعربية للصيف وعربية للمبيت الشتوى خلي حد عندة خبرة في العربيات او حتى الميكانيكي تثقي فيه ينقيلك عربية اونو نضيفة بتكييف واساسياتها حلوة او ارفعيها في اي محطة للكشف على العربيات.

وبعدين شكلها شبابي وتنفع للبنات مش البطة الى اسمها ماروتي وسيبك من حكاية القرد بصحتو ولا لسه بيتنطط ده شكلوا اخواني هههههههه واحنا الولاد مش فارقة معنا لكن البنات مهم اوي حكاية التكييف دية علشان البرستيج صباح الشعر المضروب في الخلاط والمكياج زي الشوكلاته السايحة والهدوم الى عايزة منشر ومشابك وتسلقي بيضتين على الكبوت عقبال ما الاشارة تفتح . خليكوا واقعيين بالتوفيق.

واسف على الهزار بس بعتبركم كلكم اخواتي والله

مفيش داعى للأسف يا فندم :) .. أكيد كلنا اخوات و كفاية نصيحة حضرتك و هيه ف محلها طبعا

المشاركة الأصلية كتبت بواسطة modo88

بصراحه طالما طلعتي ل 33 الف جنيه شوفيلك اكسنت او اكسيل عربيات اعطال قليله جدا وبيستحملوا جاامد ... خلي بالك انتي بتقولي دي اول عربية ليكي يعني معرضه لاي خبطه لا قدر الله والعربيات اللي قولتي عليها دي صغيره يعني اي خبطة وشها كله بيروح لان الخبطه بتسمع فيها جامد لصغر حجمها وبالزات المروتي متتوصاش ف الحوار دا ...خليكي في الاكسيل او الاكسنت اي نعم موديل اقدم منهم بس احسن من الماروتي والاونو بمراحل وعربيات اعتمادية وتكييف تلاجه وقطع غيارهم رخيصه جداا وبالنسبة للاكسنت بتقولي اغلي ممكن اغلي حاجات بسيطه توصل 35 الف وتجيبي عربية كويسة :) باور وتكييف وازاز كهربا كل دا بقا اساسيات .

كلام حضرتك 100 100 ... انا هعمل كدا ان شاء الله و هركز على الاكسنت اكتر العربية أنعم و موديلاتها اجدد و كمان الاكسيل بحس انها عربية موظفين :)
حضرتك معاك اكسنت كام ؟ قدامى واحدة 99 .. 1500 سى سى خليجى .. سعرها مناسب لكنها فاضية خالص ... قبل ما أكشف عليها بفكر اصبر شويه و ادور على حاجة جاهزة و لا اخدها و اصرف عليها فرق السعر .. و شكرا جزيلا

لو الاونو بحالة نضيفة تبقى افضل من الماروتى و العكس صحيح لان الفيصل الحالة مش الموديل .
الاونو طبعا اوسع و موتورها اقوى و صاجها و عفشها اقوى و بتاعة شقى اكتر من الماروتى .