العربية ما بتدورش

**ahmedom** · 24-09-2013 04:34 PM

المشاركة الأصلية كتبت بواسطة lidosasa

دخان الصبح والعربية باردة واللى لونه أبيض ده مش مشكلة دا بيبقى بخار مياه لكن لو فيه دخان بعد العربية ما بتسخن يبقى مشكلة سواء أبيض أو أسود
نضف فلتر الهوا ولو محتاج يتغير غيره . وبص على البوجيهات لو محتاجة تتغير غيرها ونضف الكربراتير وظبط نسبة الهوا والبنزين اللى بيدخل للعربية ولو لسه المشكلة موجودة يبقى بص على طرمبة البنزين . عموماً المشكلة دى مشكلة دورة بنزين أو كهربة والله أعلى وأعلم

لما بوديها للميكانيكى بيفك الكربراتير وبينضفة بالهواء فبتمشى معايا وقبل كدة فك البوجيهات وقام مسخنها وبعدين ركبها تانى واشتغلت وبعد كدة وقفت تانى
هو فى حاجة انا كنت نسيت اقولها هو انا لما بدور اول مرة بسمع صوت ان العربية دارت للحظة وبعد كدة بتقف

**lidosasa** · 24-09-2013 10:21 PM

المشاركة الأصلية كتبت بواسطة ahmedom

لما بوديها للميكانيكى بيفك الكربراتير وبينضفة بالهواء فبتمشى معايا وقبل كدة فك البوجيهات وقام مسخنها وبعدين ركبها تانى واشتغلت وبعد كدة وقفت تانى
هو فى حاجة انا كنت نسيت اقولها هو انا لما بدور اول مرة بسمع صوت ان العربية دارت للحظة وبعد كدة بتقف

سامحنى بس ده مش ميكانيكى دا عكاك
نضف الكرابراتير كويس وأعمل طقم سيرفيس للعربية وغير البوجيهات وفلاتر وممكن تحط منظف دورة الوقود وبعدها تاخد العربية فى طريق مفتوح وتفتح للعربية شوية عشان الموتور حتلاقيه مكتوم