انا بحب العربيات الكبيرة وده احد اهم اسباب انى بقالى فترة من غير عربية :-(
لكن لو اتطبق الكلام ده هكون اول واحدة تجيب عربية صغيرة خاصة لو بالكماليات دى والسعر ده
عرض للطباعة
انا بحب العربيات الكبيرة وده احد اهم اسباب انى بقالى فترة من غير عربية :-(
لكن لو اتطبق الكلام ده هكون اول واحدة تجيب عربية صغيرة خاصة لو بالكماليات دى والسعر ده
اعتقد ان معظمنا وخاصة الشباب لو حصل ده برضه هيجري ورا العربيات الكبيرة لانها معدتش بتمثله مجرد آله تستخدم للحاجه اصبحت بتمثل برستيج وسط الناس وده يمكن لسبب اتجاهنا للفكر المادي المغلوط اللي بنسميها ( المنظره ) اللي شاع ف مجتمعنا ف الفنره الاخيرة فزيها زي المثل اللي بيقول ( معاك قرش تساوي قرش )
علي فكرة أنا معايا عربيتين كبيرة و صغيرة و باشعر بالمتعة فعلا أكثر في العربية الصغيرة
جري و شد و غرز و حركات و بأفوت من خرم الابرة زي مابيقولوا لكن العربية الكبيرة لما بأركبها بأحس بأني متكتف و خايف عليها مع أن المفروض أنها أكثر أمانا و ثباتا
أعتقد لو فيه عربية صغيرة متوافر بها الحد الادني من وسائل الامان هأشتريها و أستغني عن العربية الكبيرة لأني شايف أن فرق السعر أنا و أسرتي أولي به و في الاخر العربية انا بأروح بيها مشاوير مهمة و قصيرة في الاخر
أما بالنسبة للسفر الذي هو طبيعة عملي فمن الممكن أن أطلب تأجير عربية تناسب السفر و ياريت تكون بسواق أما لو هأسافر مع أسرتي في أجازة و ده طبعا مابيحصلش لأني مش عارف اخد اجازات ممكن أستأجر برضه عربية كويسة لمدة كام يوم ده لو عربيتي الصغيرة مش هاتقدر تشيل الشنط
أعتقد ده التفكير العملي الاوقع بعيد عن المنظرة و حب الظهور لكن مايمنع تنفيذ تلك الفكرة أن العربية الصغيرة النهاردة سعرها يكاد يكون أغلي من سعر عربية كبيرة مستعملة بحالة جيدة
طبعا يا هندسه عربيه كبير ه وتكون قويه
يعنى مثلا
bmw الفئه الخامسه
جوه او بره البلد
بس ربنا يبعت
هههههه عارف يا باشمهندس
انا كنت بهزر اصلا
طب ايه رايك الباجيرو نفسها تعتبر صغيره جنب عربيات تانيه كتير و خصوصا الامريكاني
و انا مقلتش ان الالنترا ما تسافرش
ده انا قلت ال i10 نفسها تسافر
بس اكيد مش هتبقي براحه الالنترا و لا الالنترا براحه السوناتا و هكذا
و هنا في مصر مثلا ال 316 اريح في السفر عن الباجيرو كمان عشان الطرق وحشه و العربيات ال 4x4 عفشتها مش طريه زي السيدان
الفرق في المساحات بس
ده انا كمان لو عليا مش هجيب عربيه زي ال i10 اصلا
و هكتفي بسكوتر للزحمه و المشاوير الصغيره
و عربيه تانيه للسفر و كده
بس المشكله اننا معندناش ثقافه احترام الغير علي الطريق
و اذا كانت الناس بتبلطج عليا و انا بال i10 هيعملوا فيا ايه بالسكوتر
و صدقني في مصر انا شايف المعيار الاساسي للمستهلك في اختياره للعربيه هو السعر اولا و اخيرا
لا الاستخدام و لا المنظره و لا التكاليف بتفرق قوي الا بالنسبه لقله من الناس
هو المفروض ان احنا لو في بلد محترمة تبقي تبيع العربيات بأسعارها الحقيقية بدل ما انت بتشتري الانترا في مصر بسعر دودج تشارجر بره مصر و بدل ما كل شويه تطلعلنا ازمة بنزين يرفعو الدعم عن البنزين و يبيعو العربية بسعرها الحقيقي
ساعتها هتلاقي كل واحد بيشتري العربية اللي تقضي احتياجاته اللي بيسافر هيجيب عربية سفر و اللي في المدينة هيجيب عربية صغيرة و اللي بيحب الجري ها يروح يشتري كمارو بدل ما يشتري سيراتو
ملاحظة .. العربيات الجديدة اللي مواتيرها كبيرة ما بقتش بحرق بنزين اوي زي زمان .. انا عربيتي 2500 سي سي بتستهلك قد او اكتر حاجة بسيطة من اللي كانت بتستهلكه الانوس 1500 سي سي
طيب أقول لكوا علي حاجة ..
أنا عجبتي أوي فكرة العربية اللي بعدد 2 كرسي فقط و بتمشي بالكهرباء و المنتشرة حاليا بأوروبا