المستهلك المصري عايز ايه ؟ موضوع للمناقشة
الاخوة و الاخوات الكرام / مالكي و محبي سيارات هيونداي
أسعد الله مسائكم بكل الخير ...
تعالوا كده نتخيل أننا في دولة محترمة فيها ناس بتفهم و تم أتخاذ قرار بتخفيض اسعار العربيات صغيرة الحجم بأن يتم أعفائها من الجمارك و الضرائب مثلا لمدة 5 سنوات بحيث لايتعدي سعرها و كحد أقصي 60,000 جنيه و ذلك لتشجيع الناس علي أمتلاك تلك النوعية من السيارات لما لها من مميزات علي السيارات الكبيرة مثل :
- عدم شغل حيز كبير في الشوارع أو أماكن الانتظار
- أقتصادية التشغيل و أنخفاض استهلاك البنزين
طيب لو الوضع كده هل هاتفكر تشتري عربية صغيرة الحجم بدل العربية الكبيرة ؟
تعالوا نطبق المناقشة دي عندنا هنا في قسم هيونداي و بأرقام و مواصفات أفتراضية :
أمامك سيارتين لتختار أحداهما :
ELANTRA 2014
بالمواصفات التالية :
- محرك 1600 سي سي و ناقل سرعات أوتوماتيك (6 سرعات)
- فرامل مانعة للانغلاق و نظام أتزان ألي
- عدد 6 وسائد هوائية
- أيموبيلايزر و نظام أنذار مانع للسرقة
- جي بي أس / دي في دي / و نظام تتبع
- مع باقي الكماليات الاخري المتوافرة (تكييف - طارة مالتي - بلوتوث - .....)
- السعر : 190,000 جنيه (ده سعر افتراضي)
بالمواصفات التالية :
- محرك : 1100 سي سي
- فرامل مانعة للأنغلاق
- عدد 2 وسادة هوائية للسائق و الراكب الامامي
- أيموبيلايزر و نظام انذار مانع للسرقة
- مع الكماليات الاخري المتوافرة (تكييف - سي دي - بلوتوث - طارة مالتي - ....)
- أعفاء من الضرائب لمدة 5 سنوات و تخفيض رسوم الانتظار
- السعر : 60,000 جنيه (أفتراضي بعد أزالة الجمارك)
ياتري لو الكلام ده مطبق تختار أي سيارة من الاثنين ؟