مية الحنفية واضرارها على الموتور

**المنسي** · 25-09-2013 02:05 PM

المشاركة الأصلية كتبت بواسطة aw2100

الله ينور يامنسى مية التبريد شئ مهم جدا فى العربية وبالاضافة لمنع الصدء بتريح الموتور من الحرارة الزايدة وتبخر المية وكل شوية العربية تعطش وتشربها بتنسى خالص موضوع المية دى بتاخد 1/4 لتر مية حمراء كل كام شهر تحياتى !

نورت موضوعى يا اخ وليد والله انت اللى رافع معنوياتى فى موضوع المية لانك مجرب المية الخضراء او الحمراء فالفليشيا وعارف هيه فارقة اد ايه وعند حق فموضوع انها مبتعملش صدأ زى مية الحنفية وأظن الصور اللى موجودة فالموضوع أكبر دليل

**المنسي** · 25-09-2013 02:14 PM

المشاركة الأصلية كتبت بواسطة أحمد جودة

تحياتي مستر منسي موضوع مفيد جدا ...... والله جيت على الوجيعة أنا لسة امبارح بحط صباعي فى القربة علشان اقيس المنسوب لقيت الماية عاملة صدا وعاوز بالفعل اغير الردياتير واحط ماية خضرا بس مستني فى أقرب فرصة علشان العربية مخلصة على جيوبي أول بأول

طيب اخر كلام علشان أنا كنت بأوح وبهرب من موضوع الماية

عاوز اشتري ردياتير ياتري أجيب أي نوع بالظبط

والماية أجيب لونها اية ونوعها أية ومنين

هتوكل على الله وأعمل الشغلانة دي وامري لله

هات الصينى الالومنيوم وعامل حوالى 190 جنيه ومعاه ترموستات 82/68 ايطالى وهتلاقيها عند بتوع الفيات او 90/80 ودى ناوى اجربها عندى لما اعمل حملة نظافة لدورة التبريد وبالنسبة للمية انا بستعمل الخضراء ماركة ايادا اسبانى وهتلاقى الجركن عامل حوالى من 35 ل 40 بس مشكلتها ان التركيز بتاعها 5 % والمية الحمراء منها تركيزها 10% والاخ وليد بيستعمل توتال الحمراء تركيز 33 % بس مش عارف سعر الجركن كام وانت هتحتاج حوالى 6 لتر مية سواء خضراء او حمراء يعنى هتشترى جركنين وهيفيض منهم هتخلى الباقى فى شنطة العربية علشان لما تحب تزود وزى ماقلت المية دى ليه ميزة حلوة جدا انها مبتخليش الموتور يسخن زى مية الحنفية غير انها مش بتعمل صدأوكمان مش بتتبخر بسرعة زى مية الحنفية لان درجة الغليان بتاعتها عالية

**المنسي** · 25-09-2013 02:20 PM

المشاركة الأصلية كتبت بواسطة a_baidak

تسلم يا بحميد على المعلومه المهمه جدا

بس فيه نقطه لو حد عنده ميه مفلتره ومفلتره املاح كمان يقدر يحتها عادي لانى المشاكل ديه بتبق من الاملاح اللى فى المياه بتعتنا ربنا يستر

نورت موضوعى وشكرا لمرورك

**المنسي** · 25-09-2013 02:47 PM

ده شكل الجركن اللى بجيبه عندى للعربية
IADA · Productos

**aw2100** · 25-09-2013 09:42 PM

المشاركة الأصلية كتبت بواسطة a_baidak

تسلم يا بحميد على المعلومه المهمه جدا

بس فيه نقطه لو حد عنده ميه مفلتره ومفلتره املاح كمان يقدر يحتها عادي لانى المشاكل ديه بتبق من الاملاح اللى فى المياه بتعتنا ربنا يستر

ياباشا المشكلة مش فى الأملاح بس المية المقطرة بس برضة بتعمل صدا ودرجة غليانها بيبقى 100 c وده بيسبب نقص مستمر وزيادة ضغط البخار على دورة التبريد وبيبقى فى مية التبريد اضافات مانع للصدا وزيوت لتزييت طرمبة المية ولون وده مهم قوى لو حصل تسريب بيسيب اثار لون بتعرف التسريب منين لكن ممكن تشترى مية حمراء مركزه g21 بتبقى لتر بيتزود على 4 لتر مية مقطرة
وده موضوع لشركة وولف للزيوت فية المشاركة دى عن مية التبريد ومنتجاتها منها تحياتى!!

المشاركة الأصلية كتبت بواسطة wolf oil egypt

5060 و 70501 هما نفس المنتج و هو مياه تبريد طويلة العمر بتكمولوجيا oat organic acid technology و عمرها يصل الى 250000 كم للسيارات العادية و حتى 500000 كم للشاحنات و التطبيقات الشاقة.

5055 هى مياه تبريد تقليدية بها نسبة الايثيلين جليكول 60% و دى فى الغالب للبلاد ذات درجات الحرارة المنخفضة جداً

5057 هى المادة المركزة من الايثيلين جلايكول و بها اضافات منع الصدأ و غيرها الخاصة بمياه التبريد يتم تخفيفها بالماء حسب النسبة المرجوة

شكراً لاهتمامك بزيوت وولف،

http://www.nilemotors.net/Nile/345341-a-17.html

**المنسي** · 26-09-2013 01:23 PM

المشاركة الأصلية كتبت بواسطة ابوابراهيم323

ده كلام جميل
انا الحمد لله الامور كويسة بس الاستفسار اجيب المياه الخضراء على الرداتير اللى عندى ولا لازم اغيرة
انا الحرارة تعتبر عندى الحمد لله كويسة لا تتعدى ال 90
كده كويس ولا لازم اغيرة
وازاى اعرف حاله الرادتير كويسه ولا لا

لو الردياتير زى مابتقول يبقى اهم حاجة فيه ان الريش بتاعته متبقاش متنية وممكن بتاع الردياتيرات ينظف الردياتير كويس ويراجع على الوصلات وبالنسة للحرارة عندك كده معقولة جدا

**sakr_skoda** · 26-09-2013 09:54 PM

وداعا مية الحنفية وكمان الزيييييييييييير يامنسى....*

النهارد وانا فى الشغل جاء فى خاطرى انى املاء زجاجات ميه من التكييف انا مكتبى فى الدور الأرضى والتكيف ليه خرطوم صرف متوصل بمواسير لتجميع الصرف بعيدا عن المبنى فقررا اسلت خرطوم الصرف بتاع التكياف بتاع مكتبى واوصلة بخرطوم تانى مما يمكنى من وضعه فى زجاجة ليفرغ فيه الماء والحمد الله طول يوم العمل عبيت 4 زجاجات كبيرة والزملاء كلهم انبهرو بالفكرة ويوم الحد حتلاقيهم واقفين طوابير على مكتبى علشان اعبيلهم مية تكييف....

انا بافكر افتح مركز انتاج مياه مكثفة افتكر الموضع دا حيخلينى انط نطة كبيرةهههههههههههههههه

**aw2100** · 26-09-2013 11:52 PM

المشاركة الأصلية كتبت بواسطة sakr1964

وداعا مية الحنفية وكمان الزيييييييييييير يامنسى....*

النهارد وانا فى الشغل جاء فى خاطرى انى املاء زجاجات ميه من التكييف انا مكتبى فى الدور الأرضى والتكيف ليه خرطوم صرف متوصل بمواسير لتجميع الصرف بعيدا عن المبنى فقررا اسلت خرطوم الصرف بتاع التكياف بتاع مكتبى واوصلة بخرطوم تانى مما يمكنى من وضعه فى زجاجة ليفرغ فيه الماء والحمد الله طول يوم العمل عبيت 4 زجاجات كبيرة والزملاء كلهم انبهرو بالفكرة ويوم الحد حتلاقيهم واقفين طوابير على مكتبى علشان اعبيلهم مية تكييف....

انا بافكر افتح مركز انتاج مياه مكثفة افتكر الموضع دا حيخلينى انط نطة كبيرةهههههههههههههههه

1000 مبروك على المشروع الجديد بس ماتنساش اخوك وليد ومنسى ياعم صبحى لما تعمل اول ارنب ولو حتى بورك على طبق ملوخية هههههههههههه

-

الموضوع: مية الحنفية واضرارها على الموتور

LinkBack

أدوات الموضوع

عرض

-

-

-

-

-

-

المواضيع المتشابهه

مياة الحنفية دمرت العربية (نقل التجربة للإفادة)

نصيحة بخصوص الفلاتر وميه الحنفية

ما هى التلفيات المترتبة على استخدام مياه الحنفية بدلا من المياه الخضراء ؟

محدش يستعمل مياه من الحنفية - الموضوع خطير وناس كتير بتستعملها

شركة بيبسي تعترف أن مياه أكوافينا المعدنية مصدرها الحنفية

الكلمات الدلالية لهذا الموضوع

المفضلات

المفضلات

ضوابط المشاركة