ما هى أفضل سيارة فى الفئة السعرية 150-175 الف جنيه

**S O P H O S** · 25-09-2013 05:31 PM

فلوانس او كروز

**Haitham Basha** · 25-09-2013 06:32 PM

المشاركة الأصلية كتبت بواسطة hmostafaahm

هيثم باشا مشكور على الرد وبالمناسبة تقريرك عن الإلنترا فعلا رائع ، والفئة السعرية دى فعلا فيها اختيارات كتيرة جدا وأهمها اللى انت ذكرتها بس البيجو 301 عربية أصغر من كل اللى انت رشحتهم يعنى فئة تانية كعربية مش كسعر وفى الفئة دى كمان الرينو فلوانس والكيا السيراتو، انت رايك فى الحالة دى لو حذفنا البيجو 301 يباه ايه الاختيار الأمثل

حبيب قلبي شوف يا كبير من وجهة نظري أنا طبعاً الي تختلف مع كثير من الناس خصوصاً في جملة إتقالت لي قبل كده إنت زاي بتهط كوري جنب أوروبي أو ياباتي و ردي بسيط أنو كلو بقه محصل بعضو و إن المقارانات مبقتش زي زمان ببلد الصنع بقت بالخامات و التقفيل و جودة المركبة عموماً و طبعاً الكلام ده مبيعجبش ناس كتير ... حضرتك بتقول إنك معاك كورولا 2010 ربنا يباركلك فيها و يبعد عنك العين يبقى حضرتك لما تركب عربية أديق أو أصغر هتدايق أكيد و تبقى مش مرتاح على شان كده من وجهة نظري يا إما الشارك هاي لاين يا إما الإلنترا 2013 نفس الفئة الي معايا الي حضرتك شفت التقرير بتاعها و على فكره ممكن ندخل معاهم الكروز بس الكروز أديق من الإتنين دول بس عربية محترمة جداً جداً ... الـ 301 توحي إنها صغيرة بس هي معقولة جداً و مش بالصغر الي حضرتك متخيله بالعكس العربية رائعة جداً في سواقتها و في راحتها وفي وسعها أنا سقتها إمبارح و انا راجل طويل طولي 192 سم و كنت مرتاح جداً و الي أقعد ورايا كان حوالي 170 سم وكان مرتاح و تكيف العربية جميل جداً العيب الوحيد بس إني مش متعود على المالتي غير في الدركسيون مش وراه فكان ملغبطني لاكن غير كده العربية جميله جداً و خصوصاً اللون الأبيض وهمي ربنا يبارك لصاحبها فيها و يرزقك بالي أحسن منها أمين ...

**Batman372** · 25-09-2013 06:49 PM

ضع فى الاختيار فلوانس 2014 الفئه e3 ب 169 الف ... شكل جميل و موتور/جير نيسان حديث اقوى و بها تقريبا كل الاوبشنات (مثبت و محدد سرعه/كارت ذكى/نصف جلد/cd mp3/بلوتوث محمول و ميديا/usb/حساس ضوء و مطر/abs/وحده رفع للزجاج/تكييف ثنائى/مرايات ضم/فوج/ضوء نهارى ليد/جنوط 16 ..
للحكم عليها شوفها على الطبيعه و اقعد جواها ...
تحياتى ...

**hmostafaahm** · 25-09-2013 10:15 PM

المشاركة الأصلية كتبت بواسطة batman372

ضع فى الاختيار فلوانس 2014 الفئه e3 ب 169 الف ... شكل جميل و موتور/جير نيسان حديث اقوى و بها تقريبا كل الاوبشنات (مثبت و محدد سرعه/كارت ذكى/نصف جلد/cd mp3/بلوتوث محمول و ميديا/usb/حساس ضوء و مطر/abs/وحده رفع للزجاج/تكييف ثنائى/مرايات ضم/فوج/ضوء نهارى ليد/جنوط 16 ..
للحكم عليها شوفها على الطبيعه و اقعد جواها ...
تحياتى ...

انا فعلا حطتها فى الاختيار وبجد انا متشكر لاهتمام كل زميل كريم قام بالرد على المشاركة ومن ردود حضراتكم يباه الاختيارات دلوقتى هى الفلوانس والكروز والشارك والإلنترا قللنا دائرة الاختيار بعض الشئ