مرسيدس قديم ( 1979_1990) ام فيرنا زيرو

**Dr/ P.K.Sh** · 27-09-2013 10:10 PM

يا راجل وحد الله
حد يروح لوجع الدماغ بنفسه

**mada6680** · 28-09-2013 09:15 PM

المشاركة الأصلية كتبت بواسطة dr/ p.k.sh

يا راجل وحد الله
حد يروح لوجع الدماغ بنفسه

والله دا الى انا خايف منه وبسالكوا عليه
طيب مش ممكن المرسيدس تبقى راحة بال بالنسبالى لو حاجة نضيفة اوى

**mada6680** · 28-09-2013 09:21 PM

المشاركة الأصلية كتبت بواسطة m i d o

بتتأسف علية اية بس يا باشا انت ماغلطش في حاجة انت بتقارن بين عربيتين في فئة سعرية معينة ودة حقك حتي ولو هتقارن فيراري ب 128 مادام قدامك عربيتين متساويين في السعر يبقي قارن براحتك وبعدين معا احترامي للمرسيدس معلش هتجيب عربية مستعملة بقالها 30 سنة عشان بس هية الماني وتسيب الجديد ؟؟ تجيب القديم الي متوقع لية مشاكل بحكم انة مستعمل وعدي علية 3 عقود وتسيب الجديد حتي ولو كان تياواني وهيريحك علي الاقل 3 سنين من المصاريف ؟؟ وعموما انا رايي الشخصي فيرنا وتوكل علي الله

شكرا استاذ ميدو لردك ووجهة نظر تستحق الاحترام
انا بتاسف بس عشان محدش من الناس الجميلة دى تزعل

**besso** · 28-09-2013 09:43 PM

ياجماعه العربيات دى ليها ناسها وبعدين مافيش حاجه اسمها اعطال مفاجئه طالما انت بتعمل صيانه للعربيه ومش بتنطش فى اى حاجه ما انت ممكن تشترى عربيه موديل 1930 وبردو تبقى ماشيه زى الفل طالما قطع غيارها موجوده وانت مش بتهملها عادى فكره بقى انك تجيب عربيه زيرو ولا عربيه شغاله من 30 سنه

الراجل مش هايروح يشتريها هلكانه يعنى فيه عربيات بتبقى حالتها نظيفه جداااااااا فوق ما تتخيل وده بيرجع لصاحبها
ومعاملته ليها وبعدين السيارات من السلع المعمره يعنى مافيش مشكله ان العربيه تقعد 30 و40 سنه ايه المشكله مافى عربيات شغاله من القرن 18 طالما بتصين العربيه وقطع غيارها موجوده واللى بيشتغل فيها فاهم بيعمل ايه

الخلاصه المرسيدس ليها ملاكها اللى ستحملوا مصاريفها لكن فى نفس الوقت معه فى السواقه

**mohammadrashee** · 28-09-2013 09:59 PM

يا جماعه لو سمحتوا اللي يقول رأي يكون ركب الاتنين عشان منقولش اي كلام
انا كان معايا بي ام 318 مو 82 كانت بعشرين الف
بعتها لظروف وبعد كده جبت تويوتا ياريس زيرو ب 90 الف وفي النصف ركبت عربيات كتيييييير
الخلاصه
مسمار العجل بتاع البي ام مو82 يساوي العربيه الزيرو كلها
وطبعا الياريس احسن من الفيرنا
بس شرط لما تشتري تجيب حاله كويسه او معدومه وتشد صح
وانا مكانك بعتذر لشركة مرسيدس عن هذه المقارنه

**wawamoha** · 28-09-2013 09:59 PM

ياراجل اسمحلي .... ما قل و دل

مرسيدس و كفى .................. حتى لو الشمامه

دور عل مرسيدس كويسه و ولو لقيت عربن عليها - بس ماتنساش تفحصها كويس

بعد كده روح بيع الفيرنا لاي عيل يتنطط بيها - و بعدين اركب عربيتك و ربنا يباركلك
مع احترامي لاي حد محترم راكب فيرنا ,,,,,,,

**buddha** · 28-09-2013 11:03 PM

المرسيدس طبعا خرافة
بس انت راكب زيرو يدوبك بنزين وزيت

المستعمل محتاج يبقى معاك فلوس تشد بيها العربية صاج وموتور وعفشة وصالون وبعدين تركبها رايقة
لو فيك دماغ لصنايعية ماشى الحال
ولو البنزين مش هيفرق معاك ماشى

غير كدة يبقى الفيرنا افضل ليك وبعدين فى تعديلات بالنسبة للفرامل والتعليق بتتعمل للفيرنا بتخليها معقولة عن الاول

انا ببقى ساعات مسافر على الطريق ناس بفيرنا بيبقى عايز يشد معايا بعد الــ 120 مبيكملش العربية فعلا بتغربل

نهايتة المرسيدس حتى لو هى اية ثباتها وقوة موتورها ممتاز