الموضوع: مرسيدس قديم ( 1979_1990) ام فيرنا زيرو

يا جماعة انا معايا فيرنا زيرو وبصراحة مريحانى بالنسبة للاعطال والصيانة والكلام دة لكن فى السفر العربية مفيش توازن نهائى وفرامل ضعيفة جدا وبصراحة نغسى اركب مرسيدس قديم طبعا حالة نضيفة
بس خايف من الاعطال المتكررة والمفاجاة وكمان مش اى حد بيفهم فى المرسيدس
ياترى تنصحونى بايه استنى فى الفيرنا وخلاص ولا اشترى المرسيدس

معاك فيرنا زيرو وعايز تبعها وتجيب عربية بقالها تلاتين سنة احمد ربنا علي النعمة اللي انت فيها ومتتأمر عشان متزولش النعمة معلش ممكن تشرحلي انت حسبتها ازاي ده انت قولت بنفسك مريحاني وبعدين لو علي السفر والسرعة ماتمشي علي ١٢٠ وخلاص محبكتش تشغل التيربو علي الصحراوي معلش يا باشا انا رد كان شديد بس السؤال كان اشد عليا كفاية ان عندك تكييف لذيذ ولو العربية عطلت انت ممكن تتشئلب جواها وتصلحها او تكلم صاحبك علي الموبايل ويقولك اعمل هوب اسكالب وتلاقيها مشيت وتجيب قطع الغيار من السوبر ماركت

المشاركة الأصلية كتبت بواسطة janagabr

معاك فيرنا زيرو وعايز تبعها وتجيب عربية بقالها تلاتين سنة احمد ربنا علي النعمة اللي انت فيها ومتتأمر عشان متزولش النعمة معلش ممكن تشرحلي انت حسبتها ازاي ده انت قولت بنفسك مريحاني وبعدين لو علي السفر والسرعة ماتمشي علي ١٢٠ وخلاص محبكتش تشغل التيربو علي الصحراوي معلش يا باشا انا رد كان شديد بس السؤال كان اشد عليا كفاية ان عندك تكييف لذيذ ولو العربية عطلت انت ممكن تتشئلب جواها وتصلحها او تكلم صاحبك علي الموبايل ويقولك اعمل هوب اسكالب وتلاقيها مشيت وتجيب قطع الغيار من السوبر ماركت

يافندم انا متشكر جدا لرد حضرتك واهتمامك وفعلا انت عندك حق بس والله انا مش من هواه الجرى ابدا بس بجد العربيه كتوازن ضعيفة جدا وكمان فرمل مفيش وخفيفة جدا على الطريق من وجهة نظرى المتواضعة ان مرسيدس بقلها 30 سنة بحالة نضيفة اكيد هتبقى احسن من الفيرناحتى لو زيرو
دا غير بصراحة انى بعشق المرسيدس القديم دة

صديقي المواطن
مهزلة تضع المقارنة مع عربية رديئة زي الفيرنا بمرسيدس مهما كانت قديمة إحنه مستحملين الفيرنا وأصحابها على دماغنا من فوق وكلهم ناس أحسن مننا بس إنت برضو لا تستفز الناس وتقول فيرنا ولا مرسيدس
خلاصة.القول الفيرنا عربية الشعب تبيعها بسرعة وقطع غيار متوفرة وتقضي مصالحك على الحركرك
أما المرسيدس حتصرف بنزين أكتر بنسبة 25% وأساسا المرد لا يعطل ولكنه لما بيعطل مبيتلزقش لازم يتعمل صح ونصيحة.مني أرجوك خليك في الفيرنا ﻷن ما.دام وصلت تقارن فيرنا في مرسيدس فقدرك حيفضل مع العربيات اللي في الفئة دي أما لو ركبت مرسيدس نظرتك للسواقة حتتغير وحتبقه صاحب مزاج وحتبقه دايما تدور وتجيب موديلات تانية برضو.مرسيدس ومش حترتاح بغيرها ثم أفشل مرسيدس حتى اللي متصنعة بعداد 140 لما نركب مكن كبير نجيب ال 220 والعربية متزنة جدا ومرتاحة من غير تعديلات في عفشة أرجوك تسامحني بس كلامك أي مواطن عادي من الشعب وفي المنتدى يقبله منك وعادي أما إحنه الناس اللي بنظن نفسنا من عشاق العربيات والتعديل والماركات فكده إنت دخلت فينا دخلة مش وطنية خالص ودمتم للنضال

المشاركة الأصلية كتبت بواسطة saddam

صديقي المواطن
مهزلة تضع المقارنة مع عربية رديئة زي الفيرنا بمرسيدس مهما كانت قديمة إحنه مستحملين الفيرنا وأصحابها على دماغنا من فوق وكلهم ناس أحسن مننا بس إنت برضو لا تستفز الناس وتقول فيرنا ولا مرسيدس
خلاصة.القول الفيرنا عربية الشعب تبيعها بسرعة وقطع غيار متوفرة وتقضي مصالحك على الحركرك
أما المرسيدس حتصرف بنزين أكتر بنسبة 25% وأساسا المرد لا يعطل ولكنه لما بيعطل مبيتلزقش لازم يتعمل صح ونصيحة.مني أرجوك خليك في الفيرنا ﻷن ما.دام وصلت تقارن فيرنا في مرسيدس فقدرك حيفضل مع العربيات اللي في الفئة دي أما لو ركبت مرسيدس نظرتك للسواقة حتتغير وحتبقه صاحب مزاج وحتبقه دايما تدور وتجيب موديلات تانية برضو.مرسيدس ومش حترتاح بغيرها ثم أفشل مرسيدس حتى اللي متصنعة بعداد 140 لما نركب مكن كبير نجيب ال 220 والعربية متزنة جدا ومرتاحة من غير تعديلات في عفشة أرجوك تسامحني بس كلامك أي مواطن عادي من الشعب وفي المنتدى يقبله منك وعادي أما إحنه الناس اللي بنظن نفسنا من عشاق العربيات والتعديل والماركات فكده إنت دخلت فينا دخلة مش وطنية خالص ودمتم للنضال

متشكر لرد حضرتك جدا وياريت متبخلش علينا بمعرفتك
وياريت ترشحلى موديل من الموديلات القديمة
وسعره كام فى السوق

اولا يا جماعة انا بتاسف ليكو انى طرحت الموضوع بالطريقة دى بس انا عمرى ما قصدت انى اقارن مرسيدس بيفرنا حتى لو قديمة
انا اصلا من عشاق المرسيدس وخاصة القديم منه وكان قرارى انى اجيب مرسيدس قبل الفيرنا ولكن انا كنت حبيت ادى لنفسى فرصة اعرف المرسيدس فترة
والفرق بين موديلاته وانواعه وخاصة القديم منه الى بعشقه
بالنسبة لمصاريف البنزين او الصيانة معنديش اى مشكله فى زيادتها لكن الى بس خايف منه الاعطال المفجاة والمتكررة
وهل لما اركب عربية قديمة ممكن احس بفرق نعومية الموتور والسحب ولا المرسيدس هتلبيلى طلبى طبعا التوازن بالنسبة للمرسيدس مافيهوش كلام
من الاخر ياجماعة انا نفسى اركب مرسيدس بس فى نفس الوقت عاوز عربية متكسفنيش

المشاركة الأصلية كتبت بواسطة m i d o

بتتأسف علية اية بس يا باشا انت ماغلطش في حاجة انت بتقارن بين عربيتين في فئة سعرية معينة ودة حقك حتي ولو هتقارن فيراري ب 128 مادام قدامك عربيتين متساويين في السعر يبقي قارن براحتك وبعدين معا احترامي للمرسيدس معلش هتجيب عربية مستعملة بقالها 30 سنة عشان بس هية الماني وتسيب الجديد ؟؟ تجيب القديم الي متوقع لية مشاكل بحكم انة مستعمل وعدي علية 3 عقود وتسيب الجديد حتي ولو كان تياواني وهيريحك علي الاقل 3 سنين من المصاريف ؟؟ وعموما انا رايي الشخصي فيرنا وتوكل علي الله

شكرا استاذ ميدو لردك ووجهة نظر تستحق الاحترام
انا بتاسف بس عشان محدش من الناس الجميلة دى تزعل