الموضوع: مرسيدس قديم ( 1979_1990) ام فيرنا زيرو

المشاركة الأصلية كتبت بواسطة mada6680

طيب حتى لو حالة شاذة بردو ممكن تتعبنى؟

الموضوع كله في الاول والاخير
مقدره وهوايه

لو غاوي المرسيدس وحاببها وعندك الوقت والمجهود لصيانتها هاتكون افضل
بخلاف الفيرنا اي حد يشتغل فيها وقطع غيار مرميه في كل المحلات

المشاركة الأصلية كتبت بواسطة mada6680

والله يا جماعة انا محتار
ناس تقولى الجديد جديد وابعد عن المرسيدس ومشاكله وناس تقولى كان معانا مرسيدس موديلات سابعينات ومكنتش بتصرف غير بنزين وبس
ومفيش اعطال خالص

طبعا غلط مفيش عربيه في الدنيا مالهاش اعطال ومصاريف صيانه
الكلام ده من توابع الدعوي الباطله اللي ملت المنتدي ان العربيات الاوروبي
ما بتعطلش ومافيهاش مشاكل
مع ان اكبر نسبه مشاركات اعطال العربيا ت في المنتدي
كلها من الاوروبي
واصحابها اغلب وقتهم مقضينه في ورش الصيانه
لكن
اي عربيه في الدنيا سواء قديمه او جديده
اهملت صيانتها هاتقع بسرعه
ما الجديد نفسه ليه صيانه زي زي القديم

المشاركة الأصلية كتبت بواسطة saddam

اﻷخوة المواطنون
نصيحة وطنية صاحب الموضوع شخصية قلوقة وحيفضل على الفيرنا
بص يا صديقي المواطن خلاصة الخلاصة لو إنت بتقارن بين المرسيدس القديم والمذكورة فيرنا زيرو من ناحية فقط التصليح ومصروف البنزين فخليك في الفيرنا ومتتعبش نفسك غالبا معظم ملاك مرسيدس عندهم عربية أي كلام زي الفيرنا وال لانوس لمشاغل الحياة وساعة أزمات البنزين أو يدوها للمدام تخبط فيها وبيسيب المرسيدس لخروجات الليل والسفر والمزاج والسرعة وأنا شايف إنك مش من هواة المرسيدس يا راجل أنا بغرف ناس عندهم مرسيدسات ماسك الفوطة 24 ساعة وواقف يلمع في نواكلها وهي موديل 65 ركنت عليه من يومين طالب فيها كام يا مواطن قال لي 45 ألف قلتلو على كلامك عربيتي ال 65 مقارنة بعربيتك تجيبلها 90 ألف
صديقنا المواطن إحنه مش عايزين نقلك هات مرسيدس وتروح تجيبها وتعطل منك وتقول مصدقناش معك النصيحة
أيوه حتعطل معاك مش مرة ولا مرتين حتعطل بتاع 10 مرات لغاية متكون عربيتك تحت إيدك كلها إتجددت ﻷن اللي قبل منك أكيد كان بيلزق فيها ثم إنت فاكر إيه فيه موديلات من المرسيدس ثمانينات تلاقيها أغلى من فيرنا زيرو
إحنه نصحناك وأنا شايف خليك في الفيرنا المرسيدس مش بتاعتك دلوأتي يا مواطن قدام شوية تركب كام واحدة وتسوقها وتقرا شوية تاريخ عليها ثم أطلب وحده سلف من صاحبك وخد مراتك وإعزمها على النيل مركب مفتخر وأوعدك مسافة ما ترجع البيت حتطلع جركن البنزين من البلكونة وتولع في الفيرنا وتقول أنا إزاي ضيعت حياتي و ظلمت نفسي وقارنت بين فيرنا ومرسيدس
ملحوظة أخيرة اللي بيركب مرسيدس ميعرفش ينزل منها لغربيات أقل ممكن يركب عربيات أعلى يعني اللي راكب شبح عمره في حياته ميغرفش يسوق لا كورولا ولا كاميرا ولا سيراتو حتى لو كانت زيرو
ودمتم للنضال

كلام ممتاز وسليم ميه في الميه...
اللهم ان اللي بيركب مرسيدس ويتعود عليه مبيعرفش يركب عربيه تانيه الا لو مظطططططر وبيعصر على نفسه لمون ويندب حظه...

ابويا بعد المرسيدس ليومنا هذا من 9 سنين وهو يقول مركبتش عربيه تاني بعدها....
حاليا انا بعد كل العناء اللي شفته في العربيات كل اللي يسالني بقوله مركبتش عربيه فحلاوتها وقوتها ودعستها وعايز اعيد الايام ان شاء الله من تاني لو ربنا كرمنا ...

تحياتي