ستروين سى 3 جديده بنص التمن اشترى ولا لاء افيدونى!!

**sabryg** · 09-09-2008 12:15 PM

السلام عليكم
انا عضو جديد معاكم و محتاج مساعدتكم لان انتم اهل الخبره
انا فى السعوديه و كنت عاوز اشترى عربيه عشان انزلها مصر كمان سنتين تلاته تكون الجمارك قلت شويه عليها لان سعر العربيات فى مصر بقى نار
المهم وانا بحسبها لقيت الموضوع هيبقى قريب اوى من مصر بعد الجمارك
ماعدا حاله واحده!!
السيتروين سى3 لقيت عليها عرض بى 24 الف ريال فقط لا غير !!
و لو اشتريتها دلوقتى قبل ما السنه الجمركيه تقفل حتنزل 10% من الجمارك اللى هى بتبقى 60% من تمن العربيه بالسعر اللى انا شاريها بيه
يعنى لو حبيت انزلها حدفع 17 الف جنيه مصرى جمارك فقط لا غير!!!
انا دورت على سعرها فى مصر لقيته قرب التسعين الف!!
انا شايف ان التوفير عالى اوى فيها
بس الموضوع ده مقلقنى اوووووووووووووى
افيدونى افادكم الله

**dynamic_alpha** · 09-09-2008 12:27 PM

اهلا بيك

أولا الجمارك دلوقتي مبقتش تعترف بالفاتورة و بقوا يحسبوها حسب ما العربية متسجلة عندهم... يعني ملهمش دعوة باللي دفعته المهم العربية هنا في مصر بيتحسب عليها الجمرك اد ايه

ده زائد انه الكماليات بتفرق في الزيادة و بالذات C3 خليجي لأنها بيبقى فيها كماليات مبتنزلش مصر زي فتحة سقف و جنوط و التكييف Touch و كدة,
و على فكرة الجمارك زائد الضريبة بتتحب 66% على 1600 cc
ده غير العربية اللي قصدك عليها هنا ب90 1400 cc مش 1600

بس الموضوع حيبقى مقرف شوية علشان بتستنى الافراج الجمركي و فيه ورق كتير و تخليصات و علشان ترخص العربية بتستنى وقت اطول

و طبعا لازم تبقى المالك الاول لها...

بس السنة الجمركية بتخلص بدري و ده أفضل ليك يعني اخر 2008 بتعتبر 2009 فممكن تاخد خصم 15% بدل 10 لو هي موديل 2007 مثلا

اتمنى اكون افدتك

**sabryg** · 09-09-2008 12:40 PM

تسلم على ردك الجميل و الف الف شكر
بس معلش حتقل عليك بسؤالين كمان
العربيه موديل 2008 و 1400cc برده
طيب حضرتك شايف انها صفقه رابحه خصوصا ان سعرها قليل؟
فى الجمارك دلوقتى بيحسبوها تبعا لى سعرها فى مصر؟ و تقريبا كام

**Ahmed Hassan** · 09-09-2008 12:48 PM

حت لو الجمارك بتحسبها على سعرها في مصر... انت كسبان فرق سعر الشراء. المهم اتأكد ان توكيل سيتروين في مصر هيقبل يعملك الصيانه

**sabryg** · 09-09-2008 12:58 PM

اكيد يا باشا و شكرا على توضيح موضوع الصيانه فى التوكيل و حتصل بيهم اسال على الموضوع ده
شكرااااا اووووووووووووى

**sabryg** · 09-09-2008 01:34 PM

حد عنده اى معلومه او نصيحه تانيه و تاخدوا فيا صواب :)

**dynamic_alpha** · 09-09-2008 04:05 PM

لأسف انا معرفش جمرك C3 1400 cc

بس لو تعرف مخلص في الجمرك ممكن تسأل , و يفضل انك تتعامل مع واحد كويس علشان متتعبش في الاجرائات و يحاول يجيبلك اقل جمرك للسيارة

التوكيل عز العرب حيقبل تصليح العربية بس حيعتبرها خارج الضمان

و ياريت لو ممكن تذكرلي مواصفات العربية و كماليتها