حاجة جديده عليا ومحتاج رأى الناس القديمه ... افيدونى :d

**ahmednabeeh** · 12-05-2012 02:53 AM

بسم الله الرحمن الرحيم
دلواتى انا معاى مكنه هوندا 400 سى بى ار عادى
..كنت ماشى بيها طرمبه البنزين عطلت ومش اشتغلت وبتالى المكنه بطلت علشان مفيش بنزين معدى منها
.. انا قمت بفك طرمبه البنزين وبصيت فيها وركبتها تانى مع اللعب فالسلوك الى فى ظرهرها بس تقريبا ركبتها زى مكانت والله اعلم
.. دلواتى لما اجى اركب طرمبه البنزين بتشتغل مع الكونتاتك يعنى اول لما افتح الكونتات الطرمبه بتشتغل.... انا خايف اكربها تفصل بيا فالطريق ولا شئ...... انا شاكك فالفيوز بتاعها الى فيشه الطرمبه راكبه فيه.. دا يكون صح؟؟؟ ولا ايه.
.. دلواتى انا ماشى بالمكنه من غير الطرمبه وبحس ان المكنه بتكن عند الميمه كدا والبنزين مش حاضر
........... انتو شايفين ايه يكون الفيوز بتاعها فيه حاجة... ولو كدا الاقيه فين واسمو ايه
وفيه مشكله لو مشيت بالمكنه من غير طرمبه بنزين
معلشى انا عارف انى طولت عليكو .... الف شكر

**karembob** · 12-05-2012 01:17 PM

طبعا لو مشيت بالمكنة من غير الطرومبة المكنة عند ال90 او 10 هتبدء تنتش منك ولزم كل شوية تسيب الكلتشه بتعت البنزين شوية عشان تحضر بنزين تاني وممكن وانتا ماشي يوق البايك مبطل منك
بالنسبة لعمل المطرمبة هي بتشتغل مع عمل المحرك فا معنديش خلفية هل تعمل مع الكونتكت ام لا
تحياتي

**m3_dolphen** · 12-05-2012 01:54 PM

شوف بقى انا خبرة فى القصة الطلمبة دى لأنها قرفتنى بس الحمد لله عدت على خير

اولا الطلمبة ملهاش فيوز لوحدها هى ليها ريليه الكترونى بيكون فى جنب المكنة الشمال وده بيتغير وممكن تجيبه من شارع 26 يوليو بس صينى وشغال كويس

ثانيا الطلمبة نفسها فيها ريشتين بيلمسوا فى بعض علشان يوصلوا الكهرباء كل ريشة فيها فص من النحاس لما بيبوظ الفص ده الطلمبة مش بتشتغل وقدامك حلين اما تغير الطلمبة او تغير الفص عند الكهربائى
لو الفص ده حجمه كويس ومتاكلش كله ممكن تصنفره بصنفره ناعمة اوى وتنظفه كويس ويشتغل معاك
على فكرة انا مرة سافرت بالمكنة من غير طلمبة رحت دمنهور وكنت بجيب بيها 150 كم بس اهم حاجة ان البنزين فى التانك ميقلش عن النص

لو عايز تريح دماغك اشترى طلمبة جديدة ب 350 جنيه من العفريت بيقول عليها اصلية
فى الصينى ب 150 وبردو شغالة كويس هتلاقيها فى 26 يوليو
واى استفسار انا تحت امرك

**ahmednabeeh** · 13-05-2012 01:58 AM

بص يا باشا... مبدائينا انا بجيب بالمكنه 170 وى 180 على الحااله دى وانا شايل الطرمبه خالص
بس كل الى بيحصل انها بتيجى وانا بجيب الخامس بتكن شويه كدا بحس انها مخنوقه علشان الخامس الغرف البنزين بتشتغل على الاخر... وبترج تتظبط تانى...
انا بقى كنت الى اقصده
انا لو عاوز اجيب الراليه دا الاقيه فين وبكام...
والف شكر يارجاله تعبتكم معاى

**m3_dolphen** · 13-05-2012 01:52 PM

الريليه الصينى ب 60 جنيه تقريبا عند البكرى فى شارع 26 يوليو

امشى فى شارع 26 يوليو لحد ماتوصل قبل مطلع الكوبرى هتلاقى شارع على اليمين على ناصيته مسجد ومحلات هدوم

ادخل الشارع هتلاقى المحل بعد القهوة على ايدك اليمين