مشكلة بعد عمل صيانة الالف للعربية f0

**ak_626** · 29-09-2013 10:55 AM

كده حضرتك الميه ناقصه شويه
سيبك من التوكيل لانهم مقرفين جدا و محتاجين واحد فاضي و باله طويييييييييل اوي و الموضوع مش مستاهل.
روح حضرتك موبيل و اسأل على الميه الزرقاء (اللي هيه الخضرا) لان عندهم يا ازرق يا وردي, اشتري لتر و زودها بنفسك و شيل الباقي في البيت.
و انا تحت امرك في اي استفسار.

**ابوجنى2112** · 03-10-2013 03:49 AM

اولا ,,
مبروك الصيانة ياعم احمد..وعقبال صيانة..100000كم

المشكلة اللى عندى انى لسة متعودتش على كده لانك زى ما انت عارف انا كان عندى لادا 2106 وكان دراع البنزين والفرامل كانوا تقال مش خفاف كده زى الـ F0

ثانيا,,
انسى بقى اللادا..واتعامل مع جديدك ..ربنا يبارك لك فيها.
وبلاش موضوع الدرعات دة ..ومشيها دواسات..
يعنى دواسة بنزين،،وفرامل..ألخ..ألخ.....
أحسن باسم يزعل منك ويحطك فى اليلاك ليست..هههههههههه

هم فعلا غيروا زيت بزيت موبيل1 موتور تقعد 5000 كيلو (بحوالى 135 جنيه)

ثالثا..
موبيل xhp هو اللى 5000كم..
موبيل 1.......... 10000كم..
ونصيحة اخوية يلاش موبيل من أساسة..وبلاش اى زيت 5000كم لأنة معدنى
وانت عربيتك جديدة..خسارة تتعبها وتوسع الخلوصات بتاعتها..
وافتكر انى قولت لك بلالالالالالالالالالالاش معدنى..
يعنى تحط زيت تخليقى بالكامل..اللى هو مشهور ب10000كم.
عندك وولف مثلا..او زادو..ودول بيقعدوا لغاية12000كم..
وممكن عشان تتأكد فية موضوع لعمنا كبير المقام دكتور /مناهرى بيتكلم فية عن الزيوت
هاتقولى التوكيل هايرفض..
هاقولك لأ..خد الزيت معاك فى الصيانة وغيرة على مسئولية العميل..ماتخافش من الكلمة
مش عشان هو عايز يغير زيت كل 5000كم ويستفيد..ابهدل انا عربيتى..واوسع خلوصاتها
نصيحة من اخ ..فضى زيتك بتاع موبيل وغير للزيت النخليقى من اولها..
وبعدين روح صيانة ال 5000كم واعملها بدون غيار زيت..
وبعدين فى صيانة ال10000كم تروح بالزيت بتاعك معاك وتغيرة زى ماقولتلك
يبقى بتعمل مرة ال5000 بدون زيت
وال10000كم بالزيت وانت اللى مشتريه بمعرفتك..
فية مواضيع كتير فى المنتدى عن الزيوت ..خش اختار الزيت المناسب لعربيتك ..واللى ترتاح له

اللهم قد بلغت ،،،اللهم فاشهد..[/COLOR]

**salama 78** · 28-10-2013 06:05 PM

السلام عليكم ورحمة الله وبركاته
يشرفنى ان ابداء عضويتى معكم
و كان لى طلب و استفسار مهم
ان شاء الله نويت اشتري العربية f0 ان شاء الله فى منتصف شهر نوفمبر 2013 ان شاء
و كنت طالب النصيحة من الاخوة الافاضل التى لهم خبرة مع العربية f0

تانى طلب ان سالت عليها كتير فى المعارض معرفتش اوصل الى اى معرض عنده العربية خالص

**Ahmed_BYD_F0** · 29-10-2013 08:02 AM

المشاركة الأصلية كتبت بواسطة salama 78

السلام عليكم ورحمة الله وبركاته
يشرفنى ان ابداء عضويتى معكم
و كان لى طلب و استفسار مهم
ان شاء الله نويت اشتري العربية f0 ان شاء الله فى منتصف شهر نوفمبر 2013 ان شاء
و كنت طالب النصيحة من الاخوة الافاضل التى لهم خبرة مع العربية f0

تانى طلب ان سالت عليها كتير فى المعارض معرفتش اوصل الى اى معرض عنده العربية خالص

وعليكم السلام ورحمة الله وبركاته
دحنا اللى يشرفنا يا سلامة باشا انك تكون معانا
واحب اطمنك ان اختيارك موفق باذن الله وربنا يديك خيرها ويكفيك شرها
العربية دى كويسة جدا ومريحة فى السواقة وناعمة وتكيفها جميل قوى يعنى فى الاجمال عربية كويسة
والعربية دى موجودة فى كذا معرض ولو مش موجودة اكيد حتلقيها فى التوكيل اللى فى محمد زكى بعد نزلة الدائرى المريوطية بعد نفق السلام
وكمان موجودة فى معرض شركة الامل اللى فى شارع النزهة
وكمان موجودة فى معرض فى شارع التحرير بباب اللوق بس مش متذكر اسمه دلوقتى
واى استفسار انا فى الخدمة

**ak_626** · 30-10-2013 01:18 AM

عربية ممتازه جدا و لايوجد بها اي مشاكل او كوارث
تقفيل صيني - افضل سياره في فئة ال City Car في مصر من حيث السعر و الاعتمادية و الكماليات

**bassem.naguib** · 30-10-2013 08:07 AM

أيه يا جماعة أصحاب الأف زيرو تحسن أنهم عاملين تعتيم على العربية ومحدش بيتكلم عليها ولا بيعمل تقارير عنها .. ويا ريت تشرفونا في مقابلة القسم الصيني يوم الخميس القادم .

**Ahmed_BYD_F0** · 31-10-2013 09:28 AM

المشاركة الأصلية كتبت بواسطة ak_626

عربية ممتازه جدا و لايوجد بها اي مشاكل او كوارث
تقفيل صيني - افضل سياره في فئة ال City Car في مصر من حيث السعر و الاعتمادية و الكماليات

يا ترى يا اخى العزيز هى العربية دى معاك بقالها اد ايه
علشان انا عربيتى بقالها اربعة شهور معايا ولسة مطلبتش صيانة
لو العربية بتعتك دى حصلت معاك مشكلة يا ريت تقولى نوع المشكلة وحلتها ازاى
عشان نستفيد منك