| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 17

  1. #1

    الصورة الرمزية Ahmed_Gallant

    رقم العضوية : 14187

    تاريخ التسجيل : 05Jul2008

    المشاركات : 463

    النوع : ذكر

    الاقامة : الهرم

    السيارة: Seat Leon 2001

    السيارة[2]: Ibiza,Jeep,Accord

    دراجة بخارية: hawjuang7

    الحالة : Ahmed_Gallant غير متواجد حالياً

    افتراضي تقرير زياره مركز الصفا لظبط الكربراتير والعادم - Facebook Twitter whatsapp انشر الموضوع فى :

    hasad">

    السلام عليكم
    - اولا بعتذر عن تغيبى الفتره اللى فاتت واللى مش عارف هتخلص امتى بس ظروف الشغل مش اكتر
    -ثانيا انا عارف ان التقرير هيكون عن هوندا بس عشان الفايده تعم ولانى معرفشى حد هناك

    عربيتى هوندا اكورد 1990 الجيل الرابع نازله من المصنع بمكنه 1800 سى سى كربراتير كامله اوتو خليجى + فتحه سقف
    العربيه زى كل العربيات اللى بجيبها ياما بيكون فيها مشكله فى الموتور او مفيهاش موتور اصلا وده بيخلينى اشترى عربيات اعلى بسعر اقل وانا وحظى فى المصاريف المهم العربيه دى كانت الحمد لله لسه مغيره موتور فى شهر 1 2013 واتركنت لشهر 5 وانا اشتريتها فى 6 تقريبا وكان من اسباب الركنه انها دايما مبرجله ومتلته وبتبطل وعشات هى اوتو مكنشى بينفع يتمشى بيها خالص
    المكنه المتسقطه 2.2 انجيكشن بتاعه نفس الموديل بس المكنه كانت جايه من غير كنترول وعشان كده العبقرى الميكانيكى شال المانفولد الانجيكشن وركب المانفولد القديم بتاعه ال1800 وشغلها كربراتير ومن ساعتها والعربيه اتركنت لحد ماشتريتها ومش هقولكو عملت فينا ايه لحد ما وصلت لتحت البيت
    ركنت العربيه بعد ما خلصت على كل فلوسى لحد ما اتصرف فى فلوس اصرف عليها والحمد لله ربنا كرمنى قبدات رحله الشقاء
    اكتشفت ان العربيه ممكن متبطلشى فى حاله انى اعلى العربيه لحد اربى ام 2 ولازم اسخن لمده لا تقل عن 10 دقايق علما بان مشوارى اليومى 2 كم فى 10 دقايق ويمكن اقل فكنت بستهلك بنزين فى التسخين بس اكتر من اللى بروح بيه المشوار بثلاثه اضعاف ولان مشوارى اليومى ده هو اللى هيجيب الفلوس ركنتها واتصرفت لحد ما بقى معايا فلوس
    وانا بشترى العربيه البائع مشكورا ادانى المكنه القديمه اللى هى 1800(وكانت البلوكه مكسوره) ولانه اشترى المكنه الجديده بالفتيس اداهولى برضه علما بان المكنه الجديده ركبت على الفتيس القديم لانهم تقريبا واحد ده غير المانقلود الانجيكشن وضفيره الموتور الانجيكشن يعنى اخر دلع
    سمعت عن مركز الصفا وبصراحه كل اللى سمعته ميطمنشى ناس بتشتكى وناس زعلانه بس لاحظت ان 70% من اللى بيشتكوا اتحل جزء كبير من مشكلتهم ولان نص العمى افضل من العمى كله خدت بعضى ورحت على هناك واخترت يوم الجمعه قبل الصلاه ومشيت دائرى عشان الحلوه عاليه جدا ولو وقفت فى اشاره لمده اكتر من 5 دقايق بتسخن وممكن تبطل واقعد جنبها مش اقل من نص ساعه هشان ترضى تدور وتمت على خير ووصلت هناك وطلع عينى وانا بركنها لانها كانت بتبطل فى الريسرف
    رحت حجزت مكان وخلال 10 دقايق كان الكوبون اللى بكتب فيه انا بشتكى من ايه مع الفنى وهو شاب عشريناتى لابس هاند فرى قلت بس يبقى هو مش عايز يتكلم مع حد وقفت اتفرج عليه وانا ساكت ومليش دعوه رجع قاللى ان الكارب لازم يطلع يتنضف وتكلفته 120 غير شامل قطع الغيار زى البكات والفاكيومز قلت مش مشكله الاول سالته انت شايف المشكله اللى فى العربيه قاللى يا استاذ العربيه دى متنيله بستين نيله عشان بس مش بعد ما يخلص يروح مديهالى متنيله بسبعين نيله ويقولى اصل العربيه ملهاش قطع غيار هنا :)
    فك نضف ركب دور على طول تحسن بنسبه 60% العربيه هديت والاربى ام على 1.2 وبطل يلعب وصوت المحرك انتظم بشكل ملموس قلت فى بالى بس قفل يا عم وكفايه على قد فلوسى لقيت الفنى مش مرتاح خالص بقوله هو كان فى ايه قاللى الكارب مكنشى فيه مسمار هوا ...... نعم نعم يا عمر.....
    يعنى كنت ماشى حبى كده ولله والوطن
    المهم الراجل محتار قلت اسيبه واطلع الاستراحه المكيفه واتفرج على الدش بعد ما اشرب من الكولدير ايون كل حاجه موجوده حتى الحمام نضيف جدا وفى مكان للصلاه
    رحت صليت الجمعه ورجعت وكنت شايف الفنى فاكك الكربراتير وبيركبه وبرضه مش مرتاح شال وركب تقريبا مرتين لحد ما زهق وكانت الساعه دخلت على 3 رحت جبت اكل وطلعت خطفت نصايه نوم ونزلت لقيته مركب الكارب ومدور العربيه وقفت جنبه لقينه ماسكك سماعه زى بتاعه الدكتور وبيحاول يوصل لمكان التنفيس لحد ما جه واحد كده لابس عادى مش عفريته يعنى بص على المكنه وراح عرف العيب وهو ان المانقولد الكارب مختلف فى شكل الفتحات بتاعته عن وش السلندر وفى تسريب هوا الراجل مشكورا شرحلى المشكله ورسمهالى كمان وعرفت ان الموضوع ده هيخلى العربيه متلته فى السلانسيه بس مش هتبطل
    وارشد الفنى فى انه يحاول يسد التسريب على قد ما يقدر بعجينه اى بوكسى وقد كان
    الراجل نفسه لما لقينى مبسوط قاللى انت مبسوط ليه دى كده رايحه فى داهيه والمفروض تبقى انعم من كده بمراحل واشار عليا انى ادخلها قسم الميكانيكا عشان نفك المانفولد بس فى اى وقت تانى
    دخلت ادفع الحساب وايدى على قلبى وتفاصيل الحساب كالاتى
    120 مصنعيه فك تنضيف وتركيب وظبط
    30 مسمار هوا للكارب
    10 عجينه اى بوكسى
    10 خرطوم بنزين
    بالنسبه للملاحظات
    1- العربيه بعد ظبط الكارب وسد نسبه كبيره من التسريب اتظبطت باجمالى 80% عن الاول
    2- العربيه مبقتشى تحتاج تسخين هى دقيقه بالكتير
    3- العربيه متلته بس وانا فى السلانسيه لكن لما بدوس بنزين بتشتغل 4 عادى
    4- لما بتكون بارده خالص الاربى ام بيبقى 0.8 ولما بدى غيار بيبقى 0.5 بس مبتبطلى بس بترجرج ولما بتسخن بيبقى 1.2 ولما بدى غيار بيبقى 0.9 والرجرجه بتخف جدا
    5- استهلاك البنزين اتحسن جدا جدا لانى ولا بقيت بسخن ولا حاجه
    6- صوت العربيه كان خشن بشكل عام رحت للراجل بتاع الشكمان غيرت علبتين ووصله صوت الخشونه اختفى وفضل بس صوت المكنه
    7- العربيه فى السرعات ما بعد 40 صوتها هادى جدا والنقلات ناعمه واستجابه الدواسه منطقى جدا يعنى ادوس براحه تغير عند 1.5 و 2.5 والرابع بيجى بعد ال130 زلما بقرص بتغير عند 3.5 و 4.5 او اكير والرابع بيجى بعد ال140 او 150 تقريبا
    8- انا دفعت فى الليله دى 175 مع انى كنت منزل 500 من تمن العربيه عشان تصليح الكارب بس فمينفعشى اقول انه غالى
    9- الراجل ابو ترنج كان بيقول على الكربراتير كارب والمنفول ماين فولد عرفت انه فاهم ومش من بتوع دواسه البنزين اسمها اكسراتير ولو بس قلت اكسلاريت قدامه ممكن يخبطك بالمفتاح فى عينك وميبقاش مصدق كميه الجهل اللى انت فيها وده خلانى اثق فيه واسمعه للاخر
    10- العربيه كانت شغاله على طلمبتين بنزين واحده فى التانك والتنايه كهربا عند الموتور بلدى يعنى بعد الشغل ده لغيت الكهربا واشتغلت باللى فى التنك بس سبتها واصله على الدوره لحد ما اطمن
    يارب يكون التقرير وافى
    يرجى التعديل فى اى من النقاط بواسطه منسقنا الغالى على حسب ما هو شايف
    ودى حبه صور كده للمكان هناك









    Seat Leon 2001 MK1 AKL 1.6cc 8v
    hp101 (75 [email protected] 5600 Rpm) SOHC


  2. #2

    الصورة الرمزية Gelgel2004

    رقم العضوية : 41971

    تاريخ التسجيل : 06Jun2009

    المشاركات : 3,465

    النوع : ذكر

    الاقامة : heliopolis

    السيارة: ......

    السيارة[2]: sieena

    دراجة بخارية: no

    الحالة : Gelgel2004 غير متواجد حالياً

    افتراضي -

    الف مبروك 1/2 الضبط
    الصفا مركز كويس جدا و فيه ناس فاهمه
    و اللى كلمك و شرحلك يبقى المنهندس احمد حسين صاحب المركز و هو راجل فاهم و محترم جدا
    انصحك تروح تضبط الماين فولد و بعدها هتحس فعلا انك راكب هوندا
    تحياتى...

    يا رب لك الحمد ، يارب نسألك من فضلك ،يا واحد يا احد يا حنان يا منان


  3. #3

    الصورة الرمزية Ahmed_Gallant

    رقم العضوية : 14187

    تاريخ التسجيل : 05Jul2008

    المشاركات : 463

    النوع : ذكر

    الاقامة : الهرم

    السيارة: Seat Leon 2001

    السيارة[2]: Ibiza,Jeep,Accord

    دراجة بخارية: hawjuang7

    الحالة : Ahmed_Gallant غير متواجد حالياً

    افتراضي -

    اقتباس المشاركة الأصلية كتبت بواسطة gelgel2004 مشاهدة المشاركة
    الف مبروك 1/2 الضبط
    الصفا مركز كويس جدا و فيه ناس فاهمه
    و اللى كلمك و شرحلك يبقى المنهندس احمد حسين صاحب المركز و هو راجل فاهم و محترم جدا
    انصحك تروح تضبط الماين فولد و بعدها هتحس فعلا انك راكب هوندا
    تحياتى...
    ربنا يباركلك
    وعقبال الباقى
    هو فعلا كان اسمه احمد حسين وكلامه طمنى جدا وفعلا هو راجل فاهم جدا بس يعيب المركز انه بعيد شويه ومحتاج وصفه مفصله اول مره
    هاخد بنصيحتك ان شاء الله بس اخلص من الترخيص ونقل الملكيه الاول

    Seat Leon 2001 MK1 AKL 1.6cc 8v
    hp101 (75 [email protected] 5600 Rpm) SOHC


  4. #4

    الصورة الرمزية MITSUKERO

    رقم العضوية : 59518

    تاريخ التسجيل : 20Jan2010

    المشاركات : 2,160

    النوع : ذكر

    الاقامة : cairo

    السيارة: Lanos 2

    السيارة[2]: Lancer 2007

    دراجة بخارية: No

    الحالة : MITSUKERO غير متواجد حالياً

    افتراضي -

    انا عايز اسأل سؤال في نفسي معلش

    انت ليه جبت العربية دي و انت عارف ان ملهاش قطع غيار ؟ مش خايف ؟

    ربي قد مسني الضر و انت ارحم الرحمين
    لا إله إلا انت سبحانك اني كنت من الظالمين


  5. #5

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    مبروك يا باشا


  6. #6

    الصورة الرمزية ehab_mansour

    رقم العضوية : 16065

    تاريخ التسجيل : 09Aug2008

    المشاركات : 3,929

    النوع : ذكر

    الاقامة : 6 اكتوبر - الحي الثامن

    السيارة: Grand Terios 2012

    السيارة[2]: Seat Cordoba 2002

    دراجة بخارية: لا يوجد

    الحالة : ehab_mansour غير متواجد حالياً

    افتراضي -

    مبروك يا ابوحميد و يجعله عامر يا ريس
    ده ايه كمية العك و البهدله اللي عند المحرك دي !!!!! ربنا يعينك علي ما ابتلاك يا ريس

    م / إيهاب منصور
    SEAT CORDOBA 2002 1.0 16V AVZ


  7. #7

    الصورة الرمزية Ahmed_Gallant

    رقم العضوية : 14187

    تاريخ التسجيل : 05Jul2008

    المشاركات : 463

    النوع : ذكر

    الاقامة : الهرم

    السيارة: Seat Leon 2001

    السيارة[2]: Ibiza,Jeep,Accord

    دراجة بخارية: hawjuang7

    الحالة : Ahmed_Gallant غير متواجد حالياً

    افتراضي -

    اقتباس المشاركة الأصلية كتبت بواسطة mitsukero مشاهدة المشاركة
    انا عايز اسأل سؤال في نفسي معلش

    انت ليه جبت العربية دي و انت عارف ان ملهاش قطع غيار ؟ مش خايف ؟
    لثلاثه اسباب
    1- انا من عشاق التمييز (جولف 1 - جيب رانجلر - ابيزا ) دول كانو معايا وكنت هجيب سوبارو او الفا روميو وكنت هخلص فى دودج نيون 97 بس وقفت على الفلوس كلها حاجات تودى فى داهيه ومكن جبار :)
    انا مبحبش تبقى العربيه اللى راكبها مع معظم الناس واستحاله اقتنى عربيه ممكن يكون منها تاكسى
    2- الهوندا الاكورد كانت حلم بالنسبالى اولا للكماليات اللى فيها ثانيا انها هوندا ثالثا التميز رابعا السعر متوسط 45 الف حاله نضيفه
    انا بس عايز اقولك ان الاكورد زى اللى معايا نازله فى اميركا بمثبت سرعه + 2 ايرباج + اى بى اس مانع انغلاق فرامل + فتيس بنظام كيك داون وده عندى والكلام ده سنه 90 يعنى من 23 سنه
    يبقى طظ فى غلو قطع الغيار علما بانها موجوده بس غاليه شويه وطبعا معمره
    3- العربيه بالنسبالى ركوبه استمتع بيها مش بس توصيله وممكن اركن العربيه بالشهور لحد ما تتظبط وده لان معايا عربيه تحت ايدى تبع الشغل وبرضه انا اللى مكلف بكل صياناتها
    شفت ازاى :)

    Seat Leon 2001 MK1 AKL 1.6cc 8v
    hp101 (75 [email protected] 5600 Rpm) SOHC


  8. #8

    الصورة الرمزية Ahmed_Gallant

    رقم العضوية : 14187

    تاريخ التسجيل : 05Jul2008

    المشاركات : 463

    النوع : ذكر

    الاقامة : الهرم

    السيارة: Seat Leon 2001

    السيارة[2]: Ibiza,Jeep,Accord

    دراجة بخارية: hawjuang7

    الحالة : Ahmed_Gallant غير متواجد حالياً

    افتراضي -

    اقتباس المشاركة الأصلية كتبت بواسطة ehab_mansour مشاهدة المشاركة
    مبروك يا ابوحميد و يجعله عامر يا ريس
    ده ايه كمية العك و البهدله اللي عند المحرك دي !!!!! ربنا يعينك علي ما ابتلاك يا ريس
    ربنا يبارك فيك كنت هزعل لو ملقتشى ردك
    ياباشا ده شكلها قبل ما اعمل اى حاجه وانت عارف اللى بيبقى معاه عربيه ومش فاهم فيها بيروح لاى حد وخلاص ده بالنسبه للمالك القديم
    بالنسبالى انا عمال اذاكر السيرفيس مانيوال اللى بالمناسبه 1000 صفحه وبدات الرؤيا توضح واعرف مشاكل واحلها بنفسى ده غير ان عندى ضفيره الموتور الانجيكشن كامله هيبقى ناقصلى باقى الضفيره للمراوح والاناره وكده وكنت سالت على نص كامل بالتابلوه بالرفارف بدون مكنه وفتيس كان بيتكلم فى 5 الاف من بورسعيد بس لسه شويه على الخطوه دى حاليا انا ببيع الجنوط عشان اركب مقاس اكبر عشان اعرف اوطى العربيه سنه وبعدها هركب الانذار ان شاء الله لان الهوندا للاسف مفيهاش ايموبلايزر تقدر تقول انى عامل لسته بعلم فيها على اللى خلص وحاطط اولويات منها الات الجر بالمكنه بالعفشه بانظمه التعليق وبعدها الكهربا الاساسيه وبعدها الشكل والكماليات :) وبالنسبه للسعر اللى انا شارى بيه انا فى الامان
    متقلقشى يا بشمهندس كله بالصبر يخلص وربنا دايما هو الموفق

    Seat Leon 2001 MK1 AKL 1.6cc 8v
    hp101 (75 [email protected] 5600 Rpm) SOHC


  9. #9

    الصورة الرمزية ehab_mansour

    رقم العضوية : 16065

    تاريخ التسجيل : 09Aug2008

    المشاركات : 3,929

    النوع : ذكر

    الاقامة : 6 اكتوبر - الحي الثامن

    السيارة: Grand Terios 2012

    السيارة[2]: Seat Cordoba 2002

    دراجة بخارية: لا يوجد

    الحالة : ehab_mansour غير متواجد حالياً

    افتراضي -

    اقتباس المشاركة الأصلية كتبت بواسطة ahmed_gallant مشاهدة المشاركة
    ربنا يبارك فيك كنت هزعل لو ملقتشى ردك
    ياباشا ده شكلها قبل ما اعمل اى حاجه وانت عارف اللى بيبقى معاه عربيه ومش فاهم فيها بيروح لاى حد وخلاص ده بالنسبه للمالك القديم
    بالنسبالى انا عمال اذاكر السيرفيس مانيوال اللى بالمناسبه 1000 صفحه وبدات الرؤيا توضح واعرف مشاكل واحلها بنفسى ده غير ان عندى ضفيره الموتور الانجيكشن كامله هيبقى ناقصلى باقى الضفيره للمراوح والاناره وكده وكنت سالت على نص كامل بالتابلوه بالرفارف بدون مكنه وفتيس كان بيتكلم فى 5 الاف من بورسعيد بس لسه شويه على الخطوه دى حاليا انا ببيع الجنوط عشان اركب مقاس اكبر عشان اعرف اوطى العربيه سنه وبعدها هركب الانذار ان شاء الله لان الهوندا للاسف مفيهاش ايموبلايزر تقدر تقول انى عامل لسته بعلم فيها على اللى خلص وحاطط اولويات منها الات الجر بالمكنه بالعفشه بانظمه التعليق وبعدها الكهربا الاساسيه وبعدها الشكل والكماليات :) وبالنسبه للسعر اللى انا شارى بيه انا فى الامان
    متقلقشى يا بشمهندس كله بالصبر يخلص وربنا دايما هو الموفق
    احييك يا صديقي علي صبرك و ثقتك في الله اولا ثم نفسك انك هتصل ان شاء الله
    عموما لو احتجت اي حاجه اخواتك هنا معاك و الفكرة واحده و بسيطة و اللي نقصك في الدفيرة ده اسهل جزء فيها و تصميمه علي الايد سهل جدا و ممكن اساعدك انك تعمله بدور ما يكون له تأثير نهائيا علي ضفيرة الموتور و كنتروله (بتكلم عن الانارة و المراوح و التبريد )
    لعلمك بحب زيك القصة دي و نفسي فقط في بيت تحته جراج شخصي بتاعي اجهزه علي مزاجي كورشة صيانه كاملة لكل شيء و تأكد تماما انك هتجد كل ما تشتهيه الانفس و تلذ الاعين و يمكن نخرج منه بعربية صغيرة علي قدنا كده .... الله المستعان و ربنا يرزقنا يااااااااااااااااااااارب

    م / إيهاب منصور
    SEAT CORDOBA 2002 1.0 16V AVZ


  10. #10

    الصورة الرمزية Karim Ibiza

    رقم العضوية : 125812

    تاريخ التسجيل : 07Jun2012

    المشاركات : 2,519

    النوع : ذكر

    الاقامة : Dammam-KSA

    السيارة: Lada 2105 1984 Sold

    السيارة[2]: Ibiza 6K 101 HP

    دراجة بخارية: لا يوجد

    الحالة : Karim Ibiza غير متواجد حالياً

    افتراضي -

    hasad">

    ايه ياعم أحمد الكلام ده؟؟!!
    اولا مبروك على ظبط العربية مؤقتا واحساسك بالرضا وان فلوسك حلال
    ثانيا 1000 شكر انك حاطط موضوع للهوندا فى قسم سيات وده دليل على ان الألمانى لسه بيجرى فى عروقك

    يا ريس انا بعترض
    اللى اعرفه انك عندك عربية تانية للشغل وان عندك جراج تحت البيت حاطط فيه العربية
    يبقى ليه معملتش موضوع الكربراتير ده بنفسك؟؟!!! كان أصول تفكه بره العربية وتطلعه معاك البيت وتعمله كوباية شاى وتفصصه بس طبعا بعد ما تكون نزلت المانيوال بتاعه وعرفت معلومات عنه

    انت عارف انا لو فى القاهرة كان زمانى معاك دلوقتى وبنفك العربية مسمار مسمار

    عموما 1000 مبروك مؤقتا وعقبال باقى الحاجات ان شاء الله

    Karim Samy - Business Development


    Fiat 128 Model 1983 1100cc
    Lada 2105 Model 1984 1200cc & 1300cc
    Nissan Tiida Model 2007 1600cc
    SEAT ibiza 6k Model 1998 1000cc AER , 1400cc AEX & 1600cc AFT
    Toyota Corolla Model 2013 1600cc



 
صفحة 1 من 2 1 2 الأخيرةالأخيرة

المواضيع المتشابهه

  1. مركز الصفا لتحليل و معالجة العوادم وصيانة الكربراتير والانجكشن
    بواسطة مركز الصفا في المنتدى ورشـــة نــايل مــــوتـــورز
    مشاركات: 625
    آخر مشاركة: 20-07-2018, 09:41 AM
  2. مركز الصفا
    بواسطة matrix012 في المنتدى ســـيات
    مشاركات: 4
    آخر مشاركة: 01-04-2012, 09:51 AM
  3. عايز مركز لظبط زوايا البيتلز ؟
    بواسطة El.Hossieny في المنتدى فــــولكـــس
    مشاركات: 13
    آخر مشاركة: 20-12-2009, 12:05 PM
  4. انتهاء عرض مركز درش لظبط الزوايا
    بواسطة Karim_Monir في المنتدى المنتــــــدى العـــــــــــام للسيــارات
    مشاركات: 27
    آخر مشاركة: 13-05-2008, 09:37 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2