الموضوع: تقرير عن النترا 2013 Fully Loaded + صور

المشاركة الأصلية كتبت بواسطة devilrider

تقرير جميل ربنا يبركلك فيها

تسلم شكرا لمرورك نورت الموضوع ..

المشاركة الأصلية كتبت بواسطة mahmoud_afifi

ماشاء الله لا قوة الا بالله. ربنا يباركلك فيها ويكفيك شرها
وماشاء الله تصويرك حلو (y)

تسلم شكرا لمرورك نورت الموضوع ..واتمني يكون نال اعجباك

المشاركة الأصلية كتبت بواسطة profimh

تقرير جيد و عقبال ال 100 الف صيانة
اما بخصوص البكرة اللى بتتحكم فى ارتفاع النور الواطى فهى بتوطى النور مبتعليهوش عن اللى عندك و ده فى حالة تحميل العربية بكامل حمولتها هتحتاجه يوطى بس
و لذلك عشان تعمل اللى انت عاوزه اضبط بنفسك النور عن طريق المسامير اللى فى الفانوس نفسه و ارفع مستواهم و اضبطهم مع بعض
و ليا سؤالين الاول هى مافيهاش البلوتوث فى الطارة لان مش شايفه
و التانى هى مفيهاش زرار تعليه و توطية درجه انارة التابلوه و لا انا مش واخد بالى

شكرا و تحياتى بالتوفيق

تسلم يا غالي ع مرورك الرائع ونصايحك ...بالنسبه للسؤال الاول : البلوتوث ف الكاسيت نفسه هتلاقي علامه السماعه والالغاء والاقتران موجودين ف الكاسيت مش ف الطاره ..الالنترا كوبيه بس هي الي فيها الرد والالغاء من الطاره . السؤال التاني : فيها زرار تعليه الاضاءه بس الصور مش موضحاه ودي وتقديري

المشاركة الأصلية كتبت بواسطة haitham basha

بسم الله ما شاء الله و لا حول و لا قوة إلا بالله . ربنا يبارك لك في عربيتك و يكفيك شر طريقك ... العربية فعلاً ممتازة بكل المقاييس لا يعبها إلا حبيب القلب و كلنا عارفينه ... بالنسبة للولاد و الباب ففي عندك لوك في جنب الباب لكا تفتحة لو عملته الباب مش هيتفتح غير من بره .


إذاي حضرتك عندك مفيش الشاشة الديفي دي و الكاميرا الخلفيه و التحكم في التليفون من الطارة و السنسور الأمامي و زرار تعلية النور و ازاي مفيش الـ esp و زرار الـ eco أنا شفتها هنا في مصر فولي لوديد بي 182.000 و انا بشتري عربيتي و كانت زي ما أنا وصفتها غير عربية حضرتك خالص و كانت وكيل مش خليجي ... أنا عايز أفهم إيه الي بيحصل ده يعني الراجل مزود عني 18.000 جنيه و كل الي عندو زيادة إير باج للجالس بجانب السائق يعني هو عندو 2 و انا عندي واحد . مثبت السرعة . و التكيف التاتش !!! ده كمان معندوش زرار تعلية النور !!! إيه الأي كلام ده بجد أنا اتغظت جداً !!!
و يعني إيه يبقى في إتنين فولي لوديد كل واحدة غير التانية ؟؟؟

هيثم باشا منور الموضوع ... شكرا ع معلومه اللوك الي ف الباب الخلفي كنت قراتها قبل كده ..بس انا قصدي حتي بدون ما اعمل اللوك دا طالما انا قفلت السنتر الابواب والباب الخلفي مش يفتح الا لما الغي اللوك ..دي موجوده في لانسر 2010 .. بالنسبه للشاشه ديفيدي والكاميرا الخلفيه والسنسور الامامي وال esp مش موجودين ف النترا وكيل ابدا .. الاوبشنز دي بتكون متاحه في الالنترا كوبيه وممكن غبور الي ضاف الامور دي علشان يمشيها لانه تقريبا معملش مبيعات كويسه للالنترا كوبيه .بس انا مشفتش النترا 2013 فيها سنسور امامي ابدا . وغبور مستحيل ينزل فيها الاوبشنز دي كلها علشان السعر ..دنا كنت بتكلم معاهم وبقولهم ليه مفيش تنبيه عند 120 وكمان السنتر يقفل لوحده بعد سرعه 20 / كيلو بيقول دي اوبشن هتزود السعر !!! تخيل بقي لو ضاف ديفيدي بجي بي اس وكاميرا خلفيه !! اكيد هتعدي 200 الف واعتقد انه هيوصلها للسعر دا مع موديل 2014 والفيس ليفت الجديد ..( دا في حاله انه نزلها بالاوبشنز دي كلها ) . بالنسبه للفرق بين الجي ال اس والفولي لودد فعلا فرق كبير بس علشان في فرش جلد كامل بما فيهم الطاره والفيس + البصمه وبصمه الباب +ومثبت السرعه .وايرباج زياده .انا كنت هجيب جي ال اس ف البدايه ..لكن الموديلات الي فاتت دي كلها مكتش فيها ايموبلايزر الا ف الفولي لودد والبصمه .علشان كده فضلت اشتريها بسبب الاحوال في مصرنا المخروبه . وتكلفه الايموبلايزر تقريبا 35 الف جنيه او هتركبه . انا شفت النترا جديده ف معارض فيها كشافات الشابوره زي الجديده الفيس لفت هي بتاعتك نفس الشكل دا ؟ ودي وتقديري

المشاركة الأصلية كتبت بواسطة s o p h o s

ما شاء الله
تقرير جميل
تسلم شكرا لمرورك

المشاركة الأصلية كتبت بواسطة mamoud salah h

ربنا يباركلك في العربية يا باشا ويكفييك شرها
وبصراحة التصوييي رائع جدا جدا

شكر لمرورك يا غالي ..

بالنسبه للتكييف كله بيقول عليه اوتو ( تاتش ) هو مش تاتش يا جماعه هو زراير عادي ! ايه قصدكم بتاتش ؟الشاشه ولا ايه بالظبط ؟

الف مبروك يا باشا وشكرا ليك لانك وضحتلى اختلافات عربيتى عن الفولى لودد وكيل
زيادة عن عربيتى المرايا الضم وفتحة السقف وكراسي جلد بالكامل
وعربيتى زيادة ٦ ايرباج وstability control وكاميرا ومراية تعتيم وجلد فى مخمل ومقود تليسكوبى وزرار تعلية الانوار وشاشة ترحيب

لكن سؤالى لحضرتك هل بتحك منك فى مطابتنا العظيمة خاصة لو راكب معاك ٣ فى العربية لانى نفس الجنط ولسه هنزلها مصر ان شاء الله

المشاركة الأصلية كتبت بواسطة ferrari1500

الف مبروك يا باشا وشكرا ليك لانك وضحتلى اختلافات عربيتى عن الفولى لودد وكيل
زيادة عن عربيتى المرايا الضم وفتحة السقف وكراسي جلد بالكامل
وعربيتى زيادة ٦ ايرباج وstability control وكاميرا ومراية تعتيم وجلد فى مخمل ومقود تليسكوبى وزرار تعلية الانوار وشاشة ترحيب

لكن سؤالى لحضرتك هل بتحك منك فى مطابتنا العظيمة خاصة لو راكب معاك ٣ فى العربية لانى نفس الجنط ولسه هنزلها مصر ان شاء الله

الله يبارك فيك يا غالي .. السعوديه غير هنا خالص ..هنا لو نزل اوبشن ب 10000 لازم يكسب منه 5000 .. ومفيش حد بيحمي المصري الغلبان :d لا العربيه عاليه ومش بتحك لو المطب كويس مطب حكومي . انما لو مطب اهالي عملاه وعالي اكيد بتحك .. لو مركب معاك 4 حتي مش هتحك منه الا ف المطبات الي الاهالي بيعملوها قصدي الجبال ..الكوريين لو نزلو مصر وشاف الطرق والمطبات الي عندنا مش هيصدرو عربيات غاليه تانيه لمصر هيبعتولنا جرارات او لودر يليق بشوراع وطرق مصر .. ربنا يصبرنا :). سؤال لو سمحت كم سعر العربيه عندك في السعوديه واعتقد دي عندكم يسموها نص فل او ستاندرد ؟

المشاركة الأصلية كتبت بواسطة bunsh_fox

ماشاء الله .. وربنا يباركلك فيها .
والتصوير جامد بس واضح أنة كام بروف .
بس مش مفروض الفول لودد تنزل بجنوط 17 ؟!

تسلم يارب ..ايوه كام بروف . لا في مصر بتنزل بجنط 16 بس ..ودا كويس جدا ف الطرق المصريه لانه لو جنب 17 هتبقي ناشفه جدا وكل شويه هتلاقي بلونه ف الكاوتش من النقر والحفر الي في الطريق ..دا احنا عندنا طرق نتحسد عليها :d