موضوع الشحاته لافت نظري لأن الشحاتيين زادوا أوي


لكن فيه الست اللي في الصورة دي أنا متبعاها من فترة


لا تقل عن عشر سنوات

سيدة عجوزة مسنة جداً ( من عشر سنوات وهي مسنة فعلاً )


تجلس على كرسي إعاقة في منطقة الطوب الرملي
واللي بيمشي من هناك أكيد بيشوفها


هذه المسنة تجلس إبتداً من الساعة السادسة صباحاً ، وحتى الليل


أنا ساكنة في الحي السويسري


وأقوم صباحاً للمشي للرياضة قليلاً ( الساعة السادسة )


آلقي الست دي


وتصعب عليا أوي


وأرجع البيت وأستعد وأروح الشغل على الساعة 8.30 من نفس الطريق


أجدها والشمس حرقت بشرتها
وعند العودة من عملي غالباً بتكون لسة قاعدة نفس القاعدة على الكرسي
الساعة السادسة مساءاً


الموضوع دا كل يوم
وبقلق لما تكون الست دي غايبة أو واخدة أجازة سنوي هههه


بس سرحت عليها وسألت نفسي كام سؤال ( أرجو مساعدتي في إيجاد الإجابات )


مين بيجيب الست دي يومياً ؟


مين بيجيب لها أكلها ومياة حتى المساء ؟


مين بياخدها ليلاً


أيه الإستمتاع اللي هي شافته في حياتها من الفلوس اللي بتلمها


ما هي قاعدة طول عمرها بتشحت وبلبس مبهدل


يعني لا راحة جسم حتى في سنها دا ( دي لو بشتغل موظفة كانت إتحالت على المعاش ولها مكافأة نهاية خدمة )


ولا آكل حلوة


ولا لبس


طيب أيه هدفها للحياة بعد كل هذا العمر


وإبتديت أركز مع الشحاتين في المناطق المختلفة


هو أنتوا لما بتشوفوا شحاتين بتعملوا أيه ؟


بتدلهم فلوس ولا لأ ؟


وبتتعاطف معاهم ولا لأ ؟