أرجو الافادة ,, باسات , بيجو 508, Octavia A7

**inspiron** · 26-09-2013 10:03 PM

المشاركة الأصلية كتبت بواسطة monamize4

بالنسبة لصاحب الموضوع ,,,
ابعد تماما عن الباسات و الاوكتافيا
لان ال 2 بيستخدموا فتيس DSG الغنى عن التعريف
و سمعته سبقاه و مشاكله معروفة و محدش يقدر ينكرها
او يقول انها مشاكل فردية

@ inspiron

حضرتك بتقول (* الباسات فيها فتيس dsg الـ 7 سرعات الجيل الثالث.
* الأوكتافيا فيها فتيس dsg الـ 7 سرعات الجيل الرابع. ( مش موجود في موديلات الفولكس عدا الجولف 7 والباسات cc فقط ))

و دى مش اول مرة حضرتك تجيب سيرة الجيل الرابع
و انا مقصدش اكدبك لكنى الصراحة عمرى ما سمعت عنه الا منك

انت قولت التعبير دا قبل كدة ف موضوع سابق و انا سالت حضرتك
كام سؤال بخصوص حكاية الجيل الرابع و للاسف حضرتك مردتش عليا باجابة واضحة
http://www.nilemotors.net/Nile/3875179600-post34.html
و ساعتها مرضتش ادقق مع حضرتك ف الحكاية دى
لان الموضوع مكانش مستاهل

لكن طالما الاخ ahmed_assala مقبل على شراء عربية
من دول يبقى من واجبنا اننا نقدملة معلومة صحيحة لان الراجل ممكن
يحدد اختياره على اساسا اجابتنا و ربنا هيحاسبنا لو ضللنا حد
يعنى م الاخر كدة ,, مش عايزين الراجل يدعى علينا بعد كدة

فا لو حضرتك معاك لينك من موقع رسمى او مصدر موثوق
بيقول ان فى حاجة اصلا اسمها " الجيل الرابع " ,, ياريت تقولنا
و يبقى كتر خيرك لو جبتلنا الكود

ياباشا الموضوع اتناقش واتناول بالمعلومات بويكيبيديا واشترك فيه أستاذ شريف horas3000 ومذكور في اللينك اللي اترفع التعديلات اللي تمت علي الفتيس.وتقدر حضرتك تبص بصه علي القسم وتشوف الموضوع وتراجعه :) أنا مش عارف أجيبلك اللينك بتاعه عشان فاتح من الموبايل

تحياتي

**koj@k** · 27-09-2013 10:47 AM

بخصوص التسارع :

ال 508 في 9.2
ال passat في 10.5
ال octavia في 8.4

بخصوص قاعدة العجلات :

ال 508 طولها 2817
ال passat طولها 2712
ال octavia طولها 2686

**Besov** · 04-10-2013 05:44 AM

روح اتفرج على كل العربيات دى و اقعد مكان السواق و شوف و المس العربيه بنفسك ..عربيتك بتختارك مش انت اللى بتختارها و كلهم محترمين - بس خلى بالك انك هتجيب عربيه اوروبى = حاجه تحافظ عليها و تقتنيها مش وش بهدله عشان هتبهلدها هتبهدلك

**Anxs111** · 04-10-2013 04:44 PM

الؤكتفيا الجديدة سعرها مبالغ فيه جدا (تحس كدة إن المفروض ينزل مستريح ٢٥ ألف ...)....
دة غير إن عمر الأكتفيا ما تتقارن بباسات أو بيجو ٥٠٨ ...
مع احترامي لسكودا فهي مش في الصف الأول من الماركات الأوروبية ...
يعني اسكودا لأسواق الدرجة التانية وباسات بنت عمها لأسواق الدرجة الأولى ...
طبعا هيا حلوا ومستوها عالي بس مش مع باسات ولا ٥٠٨ ...هيا ممكن تخش مع جيتا علي أساس أنها المفروض في نفس السعر ...لكن هما رفعوا سعرها عشان يدخلوها مع الكبار ...

يعني من الأخر خليك في باسات أو بيجو الأتنين جامدين جدا وعربيتين مستواهم عالي جدا ... بس خلي بالك من حوارات إل dsg ...