أنا عارف إن السؤال ده هنا مش القسم بتاعه بس محدش من القسم بتاعه عايز يعبرني !!

**أبو آسر** · 26-09-2013 03:06 AM

السلام عليكم
أنا اشتريت عربية مستعملة موديل 2010 وروحت المرور في شهر 3 اللي فات نقلت الملكية باسمي بس ادوني تصريح 6 شهور وبنفس النمر القديمة (مرور الجزيرة) ودلوقتي التصريح هينتهي يوم 29-9 فإيه الأوراق المطلوبة مني بالضبط مع العلم إن الفحص في 2016 والضريبة في 2-2014 والتأمين كان سنة برده يعني هيخلص 3-2014 والطفاية معايا ..
هل مطلوب مني شهادة مخالفات ؟
وهل مطلوب مني شهادة بيانات سواء روحت أجدد التصريح قبل انتهاءه (29-9) أو بعد الانتهاء ؟

أرجو الرد الوافي مع جزيل الشكر

أرجو عدم نقل الموضوع فضلا لا أمرا حتى أجد الجواب للضرورة

**أبو آسر** · 26-09-2013 03:35 AM

المشاركة الأصلية كتبت بواسطة abb

احتمال كبير يمدلك التصريح كمان 6 شهور

أنا مش بسأل هل هيمدلي التصريح 6 شهور ولا هيعملي رخصة دي مش المشكلة
أنا بس عايز أعرف الأوراق المطلوبة مني بالضبط علشان أبقى عامل حسابي وأخلص في يوم واحد لأن خلاص فاضل 3 أيام وينتهي التصريح فهل لو روحت بعد انتهائه هيطالبني بشهادة بيانات ومخالفات ولا مخالفات بس ولا مفيش أوراق غير طلب التجديد ؟؟

**أبو آسر** · 26-09-2013 03:42 AM

المشاركة الأصلية كتبت بواسطة haitham basha

شهادة المخالفات و الرقم القومي و التصريح الي مع سعادتك و شكراُ ...

هيثم باشا
طيب لو روحت بعد انتهاء التصريح لازم شهادة بيانات ولا مش لازم ؟

**احمد المصرى** · 26-09-2013 08:31 AM

مفيش شهاده مخالفات خالص يا شباب انا لسه عامل الموضوع دا اول انبارح

الترخيص ال معاك + صوره البطاقه وشكرا على كدا وهتاخد ورقه تجيب الملف من الارشيف وورقه تدفع 10 جنيه فى الخزنه وترجع للموظف تانى وتنتظر تاخد الرخصه الموضوع دا اخد منى 5 ساعات

بس لو الترخيص منتهى معرفش ايه الاجراء بصراحه

**أبو آسر** · 26-09-2013 04:20 PM

المشاركة الأصلية كتبت بواسطة احمد المصرى

مفيش شهاده مخالفات خالص يا شباب انا لسه عامل الموضوع دا اول انبارح

الترخيص ال معاك + صوره البطاقه وشكرا على كدا وهتاخد ورقه تجيب الملف من الارشيف وورقه تدفع 10 جنيه فى الخزنه وترجع للموظف تانى وتنتظر تاخد الرخصه الموضوع دا اخد منى 5 ساعات

بس لو الترخيص منتهى معرفش ايه الاجراء بصراحه

تمام أوي
يعني لو لحقت أنزل يوم السبت أجددها هترحم من حوار المخالفات والبيانات والأفلام دي وإن شاء الله أخلص علطول مش عارف انت قعدت 5 ساعات ليه انت مرور إيه ؟!
أما المشكلة لو ملحقتش أروح السبت حد يقدر يفيدنا هيطالبوني ببيانات ومخالفات ولا إيه ؟

**احمد المصرى** · 26-09-2013 08:25 PM

المشاركة الأصلية كتبت بواسطة أبو بودي وعمر

تمام أوي
يعني لو لحقت أنزل يوم السبت أجددها هترحم من حوار المخالفات والبيانات والأفلام دي وإن شاء الله أخلص علطول مش عارف انت قعدت 5 ساعات ليه انت مرور إيه ؟!
أما المشكلة لو ملحقتش أروح السبت حد يقدر يفيدنا هيطالبوني ببيانات ومخالفات ولا إيه ؟

مرور اكتوبر يا عم روح السبت خلص نفسك وخلاص ولو ملحقتش روح الاحد كمان علشان تخلص من وجع القلب دا

**أبو آسر** · 27-09-2013 03:44 AM

المشاركة الأصلية كتبت بواسطة احمد المصرى

مرور اكتوبر يا عم روح السبت خلص نفسك وخلاص ولو ملحقتش روح الاحد كمان علشان تخلص من وجع القلب دا

أنا سألت واحد جاري كان جدد رخصته بعد ما انتهت وقالي انهم مش بيطلبوا بيانات طالما الرخصة / التصريح باسمي حتى لو انتهت لكن بيطلبوا مخالفات سواء انتهت أو منتهتش فكده كده تجديدها قبل الانتهاء زيه زي تجديدها بعد الانتهاء فغالبا هستنى الشهر السماح وأبقى أطلعها قبل ما يخلص الشهر لأني مش هعرف أروح اليومين دول
ألف شكر يا شباب على المساعدة والإفادة