مقارنه قوية بين تويوتا كورولا 2014 و رينو فلوانس 2014

**Silent~Dream** · 09-02-2014 01:53 AM

المشاركة الأصلية كتبت بواسطة K.Ossama

معلش بس وقت الجد لا قدر الله الesp حيفرق كتير

سؤال بس على جنب كده، هو التورشن بيم فى مصاحة مين واحسن من ايه؟

طبعا ال esp مهم جدا لكن الاهم هو ال handling بتاع العربيه يبقى عالى و عوامل ثبات العربيه كثير من ضمنهم نظام التعليق ( العفشه ) و الايرودايناميكس و الوزن توزيعه كام امامى و كام خلفى و ارتفاع العربيه و حاجات تانيه التورشن بيم ميزته ان صيانيته سهله و بسيطه و بيختلف فى تصميمه من شركه لشركه زى ال Multi-link بردو بيختلف من شركه لشركه فى التصيميم لكن عموما هو افضل من التورشن بيم كثبات و راحه

**K.Ossama** · 11-02-2014 08:54 PM

المشاركة الأصلية كتبت بواسطة Silent~Dream

طبعا ال esp مهم جدا لكن الاهم هو ال handling بتاع العربيه يبقى عالى و عوامل ثبات العربيه كثير من ضمنهم نظام التعليق ( العفشه ) و الايرودايناميكس و الوزن توزيعه كام امامى و كام خلفى و ارتفاع العربيه و حاجات تانيه التورشن بيم ميزته ان صيانيته سهله و بسيطه و بيختلف فى تصميمه من شركه لشركه زى ال Multi-link بردو بيختلف من شركه لشركه فى التصيميم لكن عموما هو افضل من التورشن بيم كثبات و راحه

كلام سليم
وانا كلامى ان الesp مهم على عربية أساساً مضبوطة من ناحية ال Handling طبعاً

**Mohamed.Hany** · 11-02-2014 10:03 PM

المشاركة الأصلية كتبت بواسطة zoueil

طيب محدش ليه اتكلم عن تسارع السيارتين ؟؟؟؟؟
يا تري لصالح مين بالضبط يكسب في التسارع من 0 إلي 100
و كمان التسارع علي السرعات المنخفضة و المتوسطة
لأن الفلوانس القديمة كانت واخدة سمعة أنها بطة بلدي و ده إللي خللني اتردد في الشراء

تسارع الفلوانس فيس ليفت تحسن عن الموديل القديم، و لكن مقارنة بالكوروﻻ فهي اضعف.
انا جبت من 0- 100في 9 ثواني بالكوروﻻ و في فيديو ليها و فيديو كمان لزميل جاب 210.
و اعتقد الفلوانس مفيهاش سبورت موود زي الكوروﻻ

**Silent~Dream** · 13-02-2014 06:26 PM

المشاركة الأصلية كتبت بواسطة zoueil

طيب محدش ليه اتكلم عن تسارع السيارتين ؟؟؟؟؟
يا تري لصالح مين بالضبط يكسب في التسارع من 0 إلي 100
و كمان التسارع علي السرعات المنخفضة و المتوسطة
لأن الفلوانس القديمة كانت واخدة سمعة أنها بطة بلدي و ده إللي خللني اتردد في الشراء

الفلوانس الفيس ليفت تسارعها افضل من القديمه فى حدود ثانيتين و بتوصل من 0-100 كيلو فى 11.9 كرقم من الشركه بتوقع اخرها تجيب 0-100 فى 11.5 ثانيه و الكورولا من الشركه بتوصل من 0-100 فى 9.5 لكن الاستاذ Mohamed.Hany وصل فى 9 ثوانى و الفيديو ده هو مصوره بعربيته .

http://www.nilemotors.net/Nile/396623-2014.html

المشاركة الأصلية كتبت بواسطة K.Ossama

كلام سليم
وانا كلامى ان الesp مهم على عربية أساساً مضبوطة من ناحية ال Handling طبعاً

تمام كلام حضرتك مظبوط ال esp مهم جدا فى حاله ان ال handling بتاع العربيه كويس

المشاركة الأصلية كتبت بواسطة Mohamed.Hany

تسارع الفلوانس فيس ليفت تحسن عن الموديل القديم، و لكن مقارنة بالكوروﻻ فهي اضعف.
انا جبت من 0- 100في 9 ثواني بالكوروﻻ و في فيديو ليها و فيديو كمان لزميل جاب 210.
و اعتقد الفلوانس مفيهاش سبورت موود زي الكوروﻻ

كلام سليم الفلوانس مفهاش سبورت مود و بتوصل 100 بعد الكورولا بثانيتين ونص و لو مفيش ازعاج انا جبت الموضوع الى فيه الفيديو الى حضرتك عمتله قبل كده لعربيتك

**Mohamed.Hany** · 13-02-2014 07:10 PM

المشاركة الأصلية كتبت بواسطة silent~dream

الفلوانس الفيس ليفت تسارعها افضل من القديمه فى حدود ثانيتين و بتوصل من 0-100 كيلو فى 11.9 كرقم من الشركه بتوقع اخرها تجيب 0-100 فى 11.5 ثانيه و الكورولا من الشركه بتوصل من 0-100 فى 9.5 لكن الاستاذ mohamed.hany وصل فى 9 ثوانى و الفيديو ده هو مصوره بعربيته .

http://www.nilemotors.net/nile/396623-2014.html

تمام كلام حضرتك مظبوط ال esp مهم جدا فى حاله ان ال handling بتاع العربيه كويس

كلام سليم الفلوانس مفهاش سبورت مود و بتوصل 100 بعد الكورولا بثانيتين ونص و لو مفيش ازعاج انا جبت الموضوع الى فيه الفيديو الى حضرتك عمتله قبل كده لعربيتك

يكفيني شرف انك حطيت الموضوع بتاعي في المقارنة الهايلة دى.

**Silent~Dream** · 15-02-2014 01:19 AM

المشاركة الأصلية كتبت بواسطة mohamed.hany

يكفيني شرف انك حطيت الموضوع بتاعي في المقارنة الهايلة دى.

العفو يا رب بس نفيد الناس المحتاره بين العربيتين و كل واحد يختار الانسب ليه و الشرف ليا و من دواعى سرورى التعرف على اشخاص محترمين زى حضرتك

**Silent~Dream** · 16-02-2014 05:32 PM

للتذكير و الكلام ده منقول من مجهود الاعضاء المتميزين
الاستاذ : Mohamed.Hany
و الاستاذ : Meggieboy

الفرق بين الفلوانس 2014 الهاى لاين ( 188 الف جنيه مصرى ) و الكورلا 2014 ( 215 الف جنيه مصرى ) :

فى الكورولا الهاى لاين هتكسب الاتى عن الفلوانس هاى لاين :

1. عدد 7 ايرباج مقابل 6 في الفلوانس
2.نظام الثبات الالكتروني esp
3. Trc للثبات
4.كاسيت تاتش فى الكورولا وبه نافيجيشن في الكاسيت الجديد
5.خط ضوء ازرق تحت التابلوه كحلية
6.كاميرا خلفية
7.حساسات ركن امامية و جانبية
8.اوتوبارك ,خاصية الركن التلقائي
9.قوة الموتور علي الاقل في الطلعة تحت 60 كم اقولى, بموتور 122 حصان مقابل 115
10.خاصية الاوامر الصوتية و التعرف علي الصوت voice recognition
11.سبورت موود بالفتيس
12.تابلوه لونين اسود في بيج
13.نظام ايكو لتوفير البنزين مع امكانية التحكم به
14.سخانات مرايات بزرار منفصل
15.كاوتش بريدجستون v سرعة 240 كم/س مقابل 210 كم/س للفلوانس قوة احتمال اعلي
16.استبن نفس المقاس و جنط سبور مش حديد بعكس الفلوانس
17.حساسات لضغط الاطارات مع امكانية تعديل رقم التحذير
18. وزن العربية 1300 كج مقابل 1258 للفلوانس
19. الوسع الداخلي اوسع سنة بسيطة عن الفلوانس خصوصا في الخلف لاتساع شنطه الفلوانس.

فى الفلوانس هاى لاين هتكسب الاتى عن الكورولا هاى لاين :

1.وحدات رفع للاربعة زجاج مع الكارت الذكى او بصمة اكرة الابواب فى الفلوانس و بتقفل الاربع زجاج مع بعض و كمان بتضم المرايات و بتقفل فتحة السقف و الكاسيت و الاضواء.
2.مفيش غير زجاج السائق فى الكورولا هاى لاين اللى بيشتغل طلوع و نزول لمسة واحدة و ده موجود فى الاربعة زجاج فى الفلوانس مع خاصية أمان الأطفال anti pinch و هى نزول الزجاج لأسفل فى حالة اصطدامه بعائق موجوده فى الاربعة زجاج و فتحة السقف.
3.ضم و فتح المرايات مع الغلق و الفتح و الكارت الذكى او تشغيل السيارة .
4.زينون في الفلوانس فقط ويجتمعو الاتنين(كورولا و فلوانس) بضبط مستمر اتوماتيكى للارتفاع باربع حساسات و بخاخات تنظيف.
5.فتحة سقف فتح و امالة و غلق مع البصمة و الكارت
6.٣ ستائر مدمجة داخل الابواب و الزجاج الخلفى
7.مخرج تكييف خلفى
8.مخرج ١٢ فولت خلفى للركاب الخلفيين
9. شنطة٥٣٠ لتر فى الفلوانس مقابل ٤٦٠ لتر
10.حلية شكمان من النيكل كروم
11.تانك بنزين سعة ٦٠ لتر فى الفلوانس مقابل ٥٥ لتر فى الكورولا
12. 8way audio
13- ارخص 27 الف جنيه عن الكورولا الهاى لاين

**Silent~Dream** · 16-02-2014 05:37 PM

وبردو المداخله دى منقوله من مجهود الاعضاء الافاضل
الاستاذ : Meggieboy
و الاستاذ : Mohamed.Hany
عشان نوضح الفرق بين الكورولا ( 189 الف جنيه مصرى ) و الفلوانس هاى لاين ( 188 الف جنيه مصرى )

فى الكورولا الفئة الثالثه ( الثانيه اوتوماتيك ) هتكسب الاتى عن الفلوانس هاى لاين :

1.نظام الثبات الالكتروني ESP
2. TRC للثبات
3.حساسات ركن امامية و جانبية
4.اوتوبارك ,خاصية الركن التلقائي
5.قوة الموتور علي الاقل في الطلعة تحت 60 كم اقولى, بموتور 122 حصان مقابل 115
6.سبورت موود بالفتيس
7.تابلوه لونين اسود في بيج
8.نظام ايكو لتوفير البنزين مع امكانية التحكم به
9.سخانات مرايات بزرار منفصل
10.كاوتش بريدجستون v سرعة 240 كم/س مقابل 210 كم/س للفلوانس قوة احتمال اعلي
11.استبن نفس المقاس و جنط سبور مش حديد بعكس الفلوانس
12. وزن العربية 1300 كج مقابل 1258 للفلوانس
13. الوسع الداخلي اوسع سنة بسيطة عن الفلوانس خصوصا في الخلف لاتساع شنطه الفلوانس.

فى الفلوانس هاى لاين هتكسب الاتى عن الكورولا الفئة الثالثه ( الثانيه اوتوماتيك ) :

1.وحدات رفع للاربعة زجاج مع الكارت الذكى او بصمة اكرة الابواب فى الفلوانس و بتقفل الاربع زجاج مع بعض و كمان بتضم المرايات و بتقفل فتحة السقف و الكاسيت و الاضواء.
2.مفيش غير زجاج السائق فى الكورولا اللى بيشتغل طلوع و نزول لمسة واحدة و ده موجود فى الاربعة زجاج فى الفلوانس مع خاصية أمان الأطفال anti pinch و هى نزول الزجاج لأسفل فى حالة اصطدامه بعائق موجوده فى الاربعة زجاج و فتحة السقف.
3.ضم و فتح المرايات مع الغلق و الفتح و الكارت الذكى او تشغيل السيارة .
4.زينون في الفلوانس بضبط مستمر اتوماتيكى للارتفاع باربع حساسات و بخاخات تنظيف.
5.فتحة سقف فتح و امالة و غلق مع البصمة و الكارت
6.٣ ستائر مدمجة داخل الابواب و الزجاج الخلفى
7.مخرج تكييف خلفى
8.مخرج ١٢ فولت خلفى للركاب الخلفيين
9. شنطة٥٣٠ لتر فى الفلوانس مقابل ٤٦٠ لتر
10.حلية شكمان من النيكل كروم
11.تانك بنزين سعة ٦٠ لتر فى الفلوانس مقابل ٥٥ لتر فى الكورولا
12. 8way audio
13.عدد 6 ايرباج مقابل 2 للكورولا
14.مفتاح ذكي

**Mohamed.Hany** · 16-02-2014 08:19 PM

بصراحة التعليق 388 و 389 جايبين من الاخر و تلخيص لكل الصفحات اللي فاتت و الفروق بالمللي للي محتار و شكر واجب ليك و لبشمهندس هاني.

الموضوع: مقارنه قوية بين تويوتا كورولا 2014 و رينو فلوانس 2014

LinkBack

أدوات الموضوع

عرض

-

-

-

-

المواضيع المتشابهه

مقارنة بين هوينداي الينترا 2014 و تويوتا كورولا 2014

مقارنه قويه بين تويوتا كرولا 2014 و رينو فلوانس 2014

كورولا 2014-النترا 2014-لانسر شارك -فلوانس

فلوانس 2014 او تويوتا 2014

بيجو 308 sw 2014 أو رينو فلوانس 2014

الكلمات الدلالية لهذا الموضوع

المفضلات

المفضلات

ضوابط المشاركة