الموضوع: مقارنه قوية بين تويوتا كورولا 2014 و رينو فلوانس 2014

حضرتك وتامر فوق دماغى من فوق انا منكرتش ان فى مشكلة حصلت ... بس كلامك عن ان لما تسمع ان زيت "بيسرب" محسسنى ان عربيات الرينو طالعة من مصنعها كلها بتشر زيت عمال على بطال ومع احترامى للجميع لكن محدش فى الدنيا بقيس زيت كل ساعتين ومش عاوز يلاقيه ناقص وفيش زيت فالدنيا مبينقصش لا فى كورولا ولا غيرها كلنا معانا عربيات من سني وعارفين .... المشكلة دى اللى عملها هى وسوسة الناس نفسها وكل اللى بقالهم شهور بيشتكوا محدش منهم راح يغير موتور غير دكتور مصطفى (انا بتكلم عن اللى اعرفهم) العداد الديجيتال هو اللى عامل الهسهس دة للناس

يا ريت نشيل بقا فزاعة الزيت دى من المقارنة ونتكلم فى حاجة اكثر فائدة

المشاركة الأصلية كتبت بواسطة mohamed.hany

رامي باشا

انا مشفتش حد اشتكي من مواتير الكورولا انها بتسرب زيت و تأكد لو حصل ده هيكون الخبر منشور في المنتدي مني شخصيا .
اللي بتكلم فيه ان المنتدي لايعبر عن كل الناس و انا برغم علمي بعدد الناس اللي عندهم المشكلة هل اقدر اجزم ان هما دول بس ؟ اكيد لأ , كل اللي عملته اني قلت ان في ناس بتشتكي من الموضوع و انا لم اتجني او اقول شئ محصلش و ده لأفادة الناس و هحتفظ بالارقام لنفسي حتي يتم الاعلان عنها من مصدرها اذا حب يعلن عنها .
و لازم نتفق ان حتي لو محصلش عندي نقص فالوسواس موجود زي مبتقول بقياس الزيت كل ساعتين و الخوف من نقصانه و ده في حد ذاته شئ من الامانه انه يتقال لحد بيسأل عن مميزات و عيوب العربية .
انا عن نفسي كنت سبب ان 2 من زملائي في العمل يشترو فلوانس قبل موضوع الزيت ده و الحمد لله مبسوطين جدا و اختيار كان موفق ,و هما علي جروب الفلوانس و بيأكدولي انهم بصفة دورية بقو يفتحو كبوت العربية و يبصو علي مقياس الزيت !!!
لكن دلوقتي لو حد بيسألني من واجبي عليه اقول له المزايا كذا و العيوب كذا عشان لا قدر الله لو حصل مشكلة هيقولي انت مقولتليش ليه و انت عارف ؟

بشمهندس هانى مصداقية حضرتك ليست مجال نقاش حضرتك من افضل الناس اللى نتشرف بمعرفتهم والكلام دة مش مجاملة

لو حضرتك رحت للموضوع بتاع الزيت اللى تامر عمله هتلاقى فالمنتدى كله مفيش الا حالة واحدة نعرفها اللى غير الموتور الباقى كله بيشتكى من نقص عالعداد الديجيتال اللى مش موجود فالعربيات التانية اساسا وتسأله طب المقاس المانوال يقولك زى ما هو .... هل انت تعتبر دى شكوى جادة ؟؟؟ انا عن نفسى لا .... والا مكنتش قلتلك ان فى 6 حالات غيروا موتور يعنى فعلا كان حصل مشكلة لكن ليست عالمستوى اللى كل واحد تكلمه يقولك عندى مشكلة زيت

وبالمناسبة انا مجبتش سيرة الكورولا :) :)

كل سنة وحضرتك طيب وبألف خير

المشاركة الأصلية كتبت بواسطة mohamed.hany

تسلم يا رامي باشا

طبعا لو الشكوي بالشكل ده تبقي مش شكوي حقيقية ,
بس انا مش بتكلم علي الارقام اللي موجودة في المنتدي خالص صدقني , دي ارقام تانية و اكيدة بعيدا عن المنتدي خالص .

تحياتي ليك و لشخصك الكريم بس انت اللي اتكلمت علي الكورولا في اول مشاركة مش انا :) و انا كل اللي عملته اني رديت علي حضرتك فقط بدون التطرق لتفاصيل اخري .

رمضان كريم

كلامك يحترم طبعاً، بس التويتا فعلاً الناس مش مرتحالها، و انا ليا صديق شخصي والده صاحب اكبر معرض سيارات و اسمه مسمع بدون ذكر اسمه، هو بصراحه قالي زيك بظبط الاوكتافيا فئة ال١٩٠،٠٠٠ فقيره جداً و فاضيه و كمان قطع غيارها غاليه (يعني لو بنكلم على عربيه اوروبي اكيد قطع غيار نار و قالي ارقام للاكصدام بتاعها انا اتصدمت، انت ايه رأيك في موضوع سعر قطع الغيار ده؟؟؟)

وقالي زي بقية الناس ابعد عن التويتا عشان انا صاحبه من زمان و قالي الناس بتشتكي من نفس الحاجات اللي انا وضحتهالك وانا مش قصدي الاكصدام خفيف انا عارف انه لازم يكون فبر عشان كمان مواصفات دوليه للسلامه للسائق و لو قدر الله خبطت حد، انا قصدي الاكصدمات كبيره و واخده مساحه كبيره من العربيه ده غير ان صاج العربيه ضعيف، كمان قالي الناس مش مبسوطه من تكيفها، قعدتها ضيقه وعالسفر مش مريحه..!!!

اكيد هو مش حيقولي كده يا بشمهندس من فراغ مع ان سعر التويتا مناسب ليا و هو قالي كل حاجه بصراحه، انت منسق تويتا، واكيد شفت العربيه و ركبتها او حتى عندك واحده، ايه رأيك في الشكاوي دي؟!!!

المشاركة الأصلية كتبت بواسطة mohamed.hany

تسلم يا رامي باشا

طبعا لو الشكوي بالشكل ده تبقي مش شكوي حقيقية ,
بس انا مش بتكلم علي الارقام اللي موجودة في المنتدي خالص صدقني , دي ارقام تانية و اكيدة بعيدا عن المنتدي خالص .

تحياتي ليك و لشخصك الكريم بس انت اللي اتكلمت علي الكورولا في اول مشاركة مش انا :) و انا كل اللي عملته اني رديت علي حضرتك فقط بدون التطرق لتفاصيل اخري .

رمضان كريم

يا هندسة انا قصدى ان اى عربية فى الكون سواء تويوتا او غيره لااااااااااااازم الزيت يقل بنسبة بسيطة مع الاستهلاك مقصدتش انه عيب فيها والا يبقى عيب فالفلوانس كمان ... اللى عاوز اوصله ان الناس عملت الفزاعة ومشيت وراها مش عيب فالعربية ولا حاجة غير الحالات ال 6 اللى قلنا عليهم :)

السلام عليكم وكل عام وانتم بخير بمناسبة شهر رمضان الكريم
لو اردت شراء سيارة مازدا 3 هل توافقون عليها عن التويوتا كرولا
او اشتري النيسان سينترا فكلاهما ياباني ياباني وليس مثل التويوتا
والاثنان ارخص من التويوتا