الموضوع: الى السيد ميدو منسق قسم جيلى

المشاركة الأصلية كتبت بواسطة adel_edrees

مبدئيا أنا أسف على أى كلام ممكن يكون سبب ضيق لحد لكن أنا بعد اللى قريته وشوفته و سمعته من أصحابى اللى عندهم العربية دى أن مافبش مشكلة فى الحرارة لأن غبور عالجها بس أنا كل اللى مضايقنى موضوع أزاى هو عالجها وأنا لما بأقول أن العربية من تحت مقفلة مافيش عربية مقفلة من تحت كلها لكن فى كارتيرات صفيح بتبقى مغطية الأجزاء المهمة اللى فى العربية زى كارتيرة الزيت و فى عربيات تلاقى فيها كارتيرة شكل علامة + لما حضرتك بتروح لأى ميكانيكى علشان يعمل لك شغل فى العربية الميكانيكى بيفك الحاجات دى و ما بيركبهاش تانى على أعتبار أن الكارتيرات دى مش مِؤثرة , هو مش كل مرة حيركب الكارتيرات دى و يفكها تانى ده غير أنه ممكن تكون بلاستيك فالودن بتاعة الكارتيرة تتكسر فى العربية فى كارتيرة من أدام بطول العربية بتحمى الكبالن من الأتربة والمية والطين علشان كده فى أختلاف ما بين العربيات الأوروبى و العربيات اللى بتنزل فى طرق غير ممهدة أنا مش بأتكلم على أن فى مشكلة أو ما فيش مشكلة أنا بأتكلم على طريقة تفادى غبور للمشكلة طريقة فيها أستخفاف بالمشترى و أنا لما روحت شفتها كان صاحبى حيحجزها وبصراحة العربية لفت دماغى و لما سألت المهندس العربية حتنزل مفتوحة من تحت كده و ألا العربية دى عينة قاللى العربية دى هى اللى حتنزل بالشكل ده على فكرة صاحبى كان من ضمن أول 100 عربية العربية حلوة مش وحشة لكن فيها مشاكل و هنا يجى دور غبور و هنا كلامى من الأول خالص أول ما أتكلمت خالص ماكنش علشان العربية وحشة أو حلوة أنما أتكلمت لما واحد بيقول أن عنده مشكلة فى الكاسيت و غبور قاله توكيل الكاسيت مش عندى اأيوه بس أنا شارى العربية منين كان بيحصل ده فى الشاهين يديلك ضمان العربية و ضمان للكاسيت فى شركة مختلفة لكن أحنا مش بنتكلم على شاهين و بعدين لو واحد اشترى من غبور هيونداى ix 35 و قالله و الله ياباشا الكاسيت ضمانه مش عندى الراجل اللى شارى عربية بربع مليون حيولع فيه أذن المشكلة هى الأستخفاف بالناس و المفروض أن غبور ما يعملش كده و يا عالم ممكن تظهر فيها عيوب تانية علشان كده أنا كنت بأقول نستنى شوية علشان نعرف أيه أخر العربية ممكن العربية دى تحول حياة الواحد ألى جحيم و مراته و قرايبه و أصحابه يقولوله مش قلنا تستنى و بلاش مغامرة خصوصا أن كلنا غلابة و جايبين العربيات دى ربنا وحده الله يعلم كل واحد جاب عربيته أزاى و أنا لو فيه حاجة ضايقتك منى و من كلامى فأنا بأعتذر لك عنها و شكرا
أه قبل ما أنسى الى الدكتر حازم أمشى بعربيتك فى مكان مقفول و ليكن جراج و شوف العربية حتسخن و ألا لأ يادكتور العربيات الجديدة مش حتسخن و مش حتبرد بالصورة اللى حضرتك متخيلها اللى بيحصل أن فى درجة حرارة العربية بتثبت عنده لو العربية درجة الحرارة زادت المراوح تشتغل و لو قلت ترموستات الكوعة تفتح و العربية تسخن و كل ده علشان يحافظ على درجة حرارة ثابتة للموتور لمنع تكون رواسب كربونية نتيجة أحتراق البنزين داحل غرفة الأحتراق على جسم البستم علشان ما يعملش أحتكاك بين جسم البستم و الشنابر وبين الشميز حتحس بالعربية لما تسخن أن المروحة حتشتغل فترة أزيد من الطبيعى وو تفصل وتشتغل على طول و لو كانت المروحة سرعتها و حجمها مش كافى لتبريد السيارة العربية حتسخن طبعا و هنا ييجى دور دورة الهواء على جسم السيارة من اسفل علشان يبرد المية و ويبرد الموتور و هنا يظهر العيب اللى فى الأيمجرانداللى ظهر فى العراق من موتور ال 1500 سخونة غير طبيعية علشان كده هما بعتوا جابوا العربيات كلها و غيروا لها المراوح بمراوح أكبر و غيروا الترموستات بقت تشتغل على درجة أقل من الطبيعى جه غبور قالك منعا للمشاكل أشيل الكارتيرات اللى ممكن تكون عامل من عوامل عدم توصيل الهواء لجسم الموتور و أريح دماغى الله أعلم بظنه لكن أنا برضه بأتكلم على طريقة علاج المشكلة و شكرا و نراكم جميعا على خير أن شاء الله

ياغالي حضرتك مردتش على سؤالي..
هعيدهولك بشكل اسهل كمان...
لو العربيه بارده وفصلت المراوح وطلعت خط مفتوح فالهوا فوض العربيه... اقولك كمان... خلينا نفرض انك في الشتا كمان!! ... العربيه هتسخن ولا لا؟؟
هل الهوا اللي فوش العربيه ومن تحتها ومن اي مكان كافي للتبريد؟؟؟

بالنسبه اجرب العربيه فجراش مش فاهم حضرتك...
ما ده اللي بقولهولك ان الثيرموستات بيحافظ عالميه سخنه بحرارة ثابته وحضرتك قلت فوق ان نص بارد ونص سخن وكثثافه...الخ
انا برضو بقولك ان الهوا اللي فوش العربيه لا يمكن يغني عن المراوح ابدا ابدا وحضرتك بتتكلم في ان الهوا بيبرد العربيه من تحت...

وهعيد وااكد كرتيرات الوحل والطين لا عمرها كانت بتقلل التبريد ولا ليها دور في الحياة غير اسمها....مانع وحل...

تحياتي

Sent from my Xperia Arc S using Forum Runner