الموضوع: عاجل : طلب تسعبر لانسر شارك 2008

المشاركة الأصلية كتبت بواسطة فبريكا

الف شكر يا باشا وشكرا على دعاوتك الحلوة الى طالعة من القلب ربنا يوفقنا جميعا للخير

هو فعلا كل العربيات الى بشوفها 1500 بس هو قال 1600 بس يمكن غلطان

طيب بالنسبة لقطع الغيار سمعت انها غالية في اللانسر النوع ده خصوصا ايه راي حضرتكم وهل الصيانة لازم تبقى في التوكيل بس ولا فيه ناس بتفهم فيها كويس

العفو ياباشا
معتقدش ان فيه موديل 2008 1600 لأن 1500 من ايام التوكيل القديم المصريه اما 1600 ابتدي ينزلها التوكيل الجديد دايموند كعربيه تنزل لتنافس عربيات اخري ولتحسين العيوب التي اشيعت في الموديل القديم في انها البودي والشاسيه تقيل علي الماتور وان العربيه تقيله في السحب والتسارع وده مش صحيح علي فكره
قطع الغيار اغلي شويه من البومه لكن مش بفرق كبير زي الناس مامتصوره لكن في مقابل ده انها معمره بس يفضل لو تشتريها اصليه من التوكيل ولو عايز تركبها عند حد متخصص في المتسوبيشي مفيش مشكله اذا كانت العربيه خارج الضمان اما لو العربيه في الضمان يفضل التوكيل علشان العربيه ماتطلعش من الضمان اما اذا مكنش فارق معاك موضوع الضمان ولوي الدراع بتاع التوكيل في انك لو عملت اي حاجه بره التوكيل الحاجه اللي عملتها تخرج من الضمان فاممكن تعملها بره عند متخصصون في المتسوبيشي وربنا يوفقك للعربيه دية لأنها بسم الله ماشاء الله عليها

المشاركة الأصلية كتبت بواسطة فبريكا

كلامك بلسم الله يطمن قلبك لا هي العربية برة الضمان طبعا لانها 2008 فالبتالى حشتري قطع الغيار الاصلية واصلح برة عن متخصص فيها.

طيب بالنسبة للاكصدام والرف صلحوا وكان مخبوط عادي ولا ينزل من تمنها .

تمام بالنسبه للأكصدام هل اتخبط واتكسر واتصلح ولا اتطبق واترد عادي
لو تعرف الرفرف اتخبط خبطه جامده ولا بسيطه واترد علي البارد وماترشش
لأنه لو اخد خبطه جامده يبقي العربيه حصلها حادثه ممكن تكون اثرت علي حاجه

المشاركة الأصلية كتبت بواسطة فبريكا

اممممممم لا معرفش لسه بكرة ان شاء الله اجيب سمكري ولا واشوفها عن محطة بس وانا مستني ردك قريت اعلانين

السعر95

1500 سى سى |92,000 كم
لانسر قرش فابريكه دواخل رشه حزام نظافه السياره هاى لاين فتحه سقف بصمه جنط16 كاوتش جديد اللون ابيض والسعر قابل للتفاوض البسيط

• ناقل أوتوماتيك
• تكييف
• سنتر لوك
• باور ستيرنج
• 4 باب
• نظام ebd
• نظام abs
• فتحة سقف
• زجاج كهربائية
• وسادة هوائية

----

السعر 95

62,000 كم قرش فبريكا بالداخل بها مرمات بسيطه بالخارج كاملة 2مفتاح بصمه اعلى فئة فتحة سقف abs 2 airbad تكيف تاتش اسبويلر عتب فرش جلد فوجات كاست اصلى اسطوانات زجاج فاميه فبريكا 5 جنوط اصلى كاوتش جديد وبطاريه جديده وصيانه كاملة سيور وتيل وزيت وفلاتر وغيرهاوالتفاوض بسيط بعد المعاينه و المعاينه مدينة نصر او العبور

• ناقل أوتوماتيك
• تكييف
• سنتر لوك
• باور ستيرنج
• 4 باب
• نظام ebd
• نظام abs
• فتحة سقف
• زجاج كهربائية
• وسادة هوائية

شوف التانيه واعرف ايه المرمات البسيطه لأن اللي انت بتكلم عليها شاكك انها عامله حادثه بعد موضوع الأكصدام والرفرف اللي متصلح اللي قولت عليه انا كنت فاكر انها مش رشه حتي نضافه علشان كده قولتلك ان 98 معقول يعني قريب من 95 الف لو بالنظام اللي وصفته فخليك في التانيه حلوه في السعر والمواصافات والعداد وربنا يوفقك لكل خير

المشاركة الأصلية كتبت بواسطة فبريكا

الله يخليك يا باشا لاهي على كلامة فبريكا معادا الرف و الاكصدام انا قولت يمكن مخدتش بالك فقولت اوضحها وهو سعرها عالى كمان على الى قدامي بس بالنسبة للموديلات هاي لاين كلها بتنزل فيها حساسات خلفية ولا لا

حتكون زي ايه المرمات البسيطة دية يعني فكرك وامتي ما تبقاش بسيطة ؟

فعلا انا مخدتش بالي لأ كده يبقي كتير عليها 98 الف
المرمات البسيطه خبطه في الأكصدام دخلته لجوه بس ماكسرتهوش
خبطه او نقره صغيره في الباب او الجنب تترد بسهوله علي البارد شوية تجاريح وخرابيش خفيفه تروح بالتلميع وهكذا اما الحاجات القويه هي اللي اتخبطت وطبقت جامد وماكنش ينفع معاها الا انها تترد علي السخن ودية السمكري اللي يكتشفه
الحساسات الخلفيه اللي هي السينسور بارك
لو هي فالموديلات دية منزلش سينسور بارك فيها ولا حتي الموديلات الجديده