عاجل : طلب تسعبر لانسر شارك 2008

**د.عماد صلاح** · 27-09-2013 05:20 PM

شعر معقول و ممكن توصل ل 95 بس لو ماوفقش خدها برضه دس ال 1600

**فبريكا** · 28-09-2013 04:00 AM

المشاركة الأصلية كتبت بواسطة m i d o

تمام انا فكرتها النسخة ال 1500 و علي فكرة اصلا الشارك سعر اعادة بيعها واقع جدا بس برضو عداد 79 الف مش قليل يعني لو عرفت توصلها ل 95 يبقي حلو اوي ماعرفتش لو هية كويسة وانت شايفها جميلة ونضيفة يبقي توكل علي الله

المشاركة الأصلية كتبت بواسطة m i d o

تمام انا فكرتها النسخة ال 1500 و علي فكرة اصلا الشارك سعر اعادة بيعها واقع جدا بس برضو عداد 79 الف مش قليل يعني لو عرفت توصلها ل 95 يبقي حلو اوي ماعرفتش لو هية كويسة وانت شايفها جميلة ونضيفة يبقي توكل علي الله

والله يا ميدو باشا طلعت وجهت نظرك سليمة جدا من حيث السعر فعلا شوفت عربيات متوسط السعرر ب 95 2008 بس للاسف مش لاقي حاجة فبريقة برة وجوة كلها راشة مش عارف لية مع ان 2008 بقالها تقريبا خمس سنين .

بالنسبة لسعر اعادة البيع انا اتصلت بواحد كان عرضها على 105 وباعها ب 100 ومكملتش 11 يوم والي لاحظتوا انها مرغوبة خصوصا الهاي لاين قد اتفق معاك ان الفئة الاولى او التانية اتقل شوية في البيع لكن هى عربية جميلة و نادرة تلاقيها بتتباع قد تكون ميزة لانها عربية جميلة وبصراحة ركوبة وعن نفسي مش بفكر في البيع انا عايز اشتري عربية حلوة وفخمة وبسعر 90-100 وفكرت في الفيرنا بس لاقيتها ضيقة و واطية عن الارض والرينوا لوجان معجبنيش تقفيلها نهائي ونصيحة من احد الاخوة الاعضاء قالى دور على حاجة ياباني مستعملة نضيفة معجبتنش البوما صراحة مع انها ياباني شكها غلط فعلا بومة هههه وديقة.

والعربية مطلعتش نضيفة اوي و معجبتنيش عاملة حادثة في الرف الامامي وراشش اكصداميين .

بس انت لافت نظري ان فيه منها 1600 الكلام ده صحيح

**فبريكا** · 28-09-2013 04:02 AM

المشاركة الأصلية كتبت بواسطة د.عماد صلاح

شعر معقول و ممكن توصل ل 95 بس لو ماوفقش خدها برضه دس ال 1600

شكرا يا دكتور عماد بس انا كلمت الراجل وقالى فيها رف واكصدامين واعتقد 95 كتير عليها كمان

**hossamsmsm** · 29-09-2013 09:36 AM

اتفرجت على العربيه اللى لونها ابيض اللى راشه اكصدام ورفرف ؟؟؟
حالتها ايه ؟ اصل انا كنت المفروض هروح اتفرج عليها بكرة فى القاهرة

**angel55** · 29-09-2013 02:12 PM

حد يا جماعة راح اتفرج عليها , اللي هيا لونها ابيض وب 95 الف يا ريت نشارك بعض

**فبريكا** · 29-09-2013 02:45 PM

المشاركة الأصلية كتبت بواسطة hossamsmsm

اتفرجت على العربيه اللى لونها ابيض اللى راشه اكصدام ورفرف ؟؟؟
حالتها ايه ؟ اصل انا كنت المفروض هروح اتفرج عليها بكرة فى القاهرة

لا اصل لونها معجبنيش صراحة

**فبريكا** · 29-09-2013 02:48 PM

المشاركة الأصلية كتبت بواسطة angel55

حد يا جماعة راح اتفرج عليها , اللي هيا لونها ابيض وب 95 الف يا ريت نشارك بعض

لا بس هو كاتب راشة حزام نضافة .. يمكن الاستاذ حسام حيشوفها

**gym1974** · 29-09-2013 03:25 PM

معلشى يا جماعة انا اسف جدا بعد أذن صاحب الموضوع سؤال كده العربية ده احسن ولا رينو ميجان يعنى من حيث الثبات والموضوع ده مهم جدا بالنسبة لى والتكييف والفتيس والاعطال احسن انا معايا 90 الف ودايخ والله بقالى شهور مش عارف اعمل ايه واسف مرة اخرى لتتطفلى على صاحب الموضوع

**hossamsmsm** · 29-09-2013 03:53 PM

المشاركة الأصلية كتبت بواسطة فبريكا

لا بس هو كاتب راشة حزام نضافة .. يمكن الاستاذ حسام حيشوفها

بصراحه انا عاجبنى اللون الابيض جدااا
بس هو كان كاتب فى الاعلان ان موجود فيها بصمه
ولا اتصلت بيه قالى لا مفيهاش علشان كده كنت بسأل لو حد اتفرج عليها كان فيها بصمه ولا لا ؟؟