الموضوع: شارك هاف سبورت ٢٠١٣

مفيش مصري وخليجي يا باشا... كله مواصفات خليجي!! العربية موتور مايفيك 1600CC بيطلع 117 حصان صافي مع تسارع ممتاز... فتيس اوتوماتيك 4 سرعات... شاسيه قوي جدا جدا هو نفسه المستخدم في الايفولوشن والـGT والـRalliArt وبيشيل لحد 400 حصان stock زي الايفولوشن FQ400... وهو اتقل من شاسيه البومة مثلا بأكتر من 30%... تعليق خلفي ملتي لينك مع مقصات كبيرة الحجم كل ده بيدي ثبات متوحش للعربية على أي سرعة..

كماليات الهاف اسبور:
- جنوط اسبور 16"
- فوانيس شبورة
- فرامل ABS/EBD/BA
- 02 إيرباجز
- فرش قماش بيج
- أبانوس في الأبواب الأمامية والتابلوه
- الأبواب الأمامية مبطنة جلد طبيعي
- الشبكة الأمامية محددة بالنيكل
- غطاء للمحرك
- الدريكسيون والفتيس وفرامل اليد جلد طبيعي
- دريكسيون مالتي فنكشن
- فتح الشنطة من الداخل وبالبصمة
- مقابض الأبواب نيكل من الداخل
- ساوند سيستم Rockford Fosgate مع عدد 6 سماعات (بس مش متأكد هل الصب ووفر موجود زي الهايلاين ولا لأ)
- طي الكنبة الخلفية بالكامل
- مسند يد وحامل اكواب في الكنبة
- مساند رأس خلفية
- تكييف اوتوماتيك

والهايلاين تزيد عنها: مفتاح بصمة للأبواب الأمامية والشنطة keyless Entry - تشغيل العربية بدون مفتاح - فتحة سقف قابلة للإمالة كهربيا - اسبويلر خلفي - الراديو سي دي شاشة باللمس مقاس 6 بوصة...