العباسية

**vito amen** · 27-09-2013 03:17 PM

السلام عليكم

كان عندى مشكلة فى الفتيس ان الاستبترونيك مش شغال فكذا حد قالى انه عصاية فتيس المهم مع الوقت لاقيت المشكلة بتتطور وكنت وانا ماشي على ال D والعربية بتنقل من الاول للتانى احس برجة خفيفة ونترة كأن العربية واخدة شلوت من ورا وبمجرد مال العربية تعدى ال 70 الدنيا بتكون سلسة ولو ان التسارع بتاع العربية وسحبتها مش عاجبنى مع ان كذا حد ركب وقالى السحب حلو بس انا مش حاسه زى الاول
رحت بالعربية عند ميكانيكى وقالى احتمال الشداد او قاعدة الفتيس وربنا يستر ومايكونش فيه حاجة فى الفتيس
المهم بص على القاعدة لاقها متاكلة وحالتها زفت فراح مغيرها وقالى الشداد كويس وانا من باب الاطمئنان رحت مغير زيت فتيس كمان والنترة اللى كنت بتكلم عليها من الاول للتانى اختفت الحمد لله وكمان الاستبترونيك رجع اشتغل

دلوقتى بقى المشكلة عندى فى ان دواسة البنزين لما بدوس عليها بحس بزن تحتها ودوشة تحت رجلى بتعصبنى وانا سايق دة غير انى بحس صوت الموتور عالى نسبيا والشكمان كمان عالى وسحب العربية مش عاجبنى مع العلم انى مغير زيت ماتور من اسبوع ( توتال 5000 ) والعربية عاملة 116 الف كيلو ومع العلم ايضا ان والدى اخد العربية التوكيل من شهر وكان كاتبلو فى الملاحظات ان ضفيرة حساس الاكسجين السفلي عايزة تتغير ...

اسف جدا على الاطالة وياريت حد يفيدنى بالرد ضرورى لانى بعشق العربية الميجان وعندى استعداد ماشفش فيها الهوا حتى لو هايجيلى الضغط والسكر

**vito amen** · 27-09-2013 04:26 PM

فين الرد يا وحوش الميجان ارجو سرعة الرد والافادة عشان عندى اكتر من سؤال تانى

**tefa_adf** · 27-09-2013 08:47 PM

أحتمال كبير، علبة البيئة

**vito amen** · 27-09-2013 09:23 PM

المشاركة الأصلية كتبت بواسطة tefa_adf

أحتمال كبير، علبة البيئة

معلش انا مش ليا فى الميكانيكا اوى فياريت توضحلى علبئة البيئة دى فين فى اجزاء الشكمان وايه ممكن تكون علاقتها بضفيرة حساس الاكسجين وايه اللى حضرتك شابفه خلاك تقول انها علبة بيئة

مع العلم انى انا اصلا رحت شركة ابو اليزيد للشكمانات وكشفو على الشكمان ولاقوه كويس ومافيش فيه اى حاجة وغير كدة كنت مغير قاعدة الشكمان

**vito amen** · 27-09-2013 10:59 PM

مش عارف ليه ماحدش بيرد عليا ولا بيفدنى بأى حاجة .... يا جماعة ارجو الرد لو سمحتو

**ahmedhusseny** · 28-09-2013 08:28 PM

حاول تغير قاعدة الموتور العلوية لأن كان عندى نفس المشكلة غيرت قاعدة الفيتيس مع قاعدة الموتور و الميكانيكى ظبطلى إرتفاع الموتور مع القاعدة و الزنة راحت و السحب بقى تمام .

أنا معلش عاوز أستأذنك تقولى إنت غيرت زيت فيتيس إسمه إيه لأنى محتار فى حوار الزيت ده و العربية مع كل نقلة بقت بتتبرجل جامد و كل ما اكشف عليها كمبيوتر يكتبلى غير الزيت القديم و التوكيل بيقولى مفيش حاجة إسمها تغيير زيت إحنا بنعمل عمرة كاملة للفيتيس ، و لما حاولت أفضى الزيت اللى فيها و احط زيت من العادى الميكانيكى إكتشف إنه زيت كهرباء - زيت شفاف كدة عامل زى المية بالظبط فا قاللى بلاش احسن و وديها التوكيل .

فا بعد إذنك عاوز إسم الزيت و إسم الميكانيكى إللى بتتعامل معاه

عربيتى رينو كليو 2005 أوتوماتيك 1400 سى سى
شكرا ...

**ahmedhusseny** · 28-09-2013 08:30 PM

معلش لو فيها رزالة تبعتلى التفاصيل سواء كان إسم الزيت أو الميكانيكى و رقمه فى رسالة على الموبايل

رقمى 01060539911 معلش لأنى مبدخلش على الموقع كتير

شكرا ...