حد معاه بومة مانيوال يقولى

**salah_86** · 27-09-2013 05:17 PM

سلام عليكم
ازيكم
بقالى فترة لما باخد مطب بسمع صوت حاجة بتخبط تحت رجلى بعد الفص والتمحيص وجدت ان الصوت من دواسة الدبرياج نفسها بمعنى ان الدبرياج فيه بوش يمين وشمال مش فوق وتحت
سالت فى المتخصصون قالولى دا عادى فى المانيوال بعد فترة وورونى كذا عربية عندهم بتتصلح زى عربيتى بالظبط وتبريرهم ليها ان الجلدةاللى ماسكة دراع الدبرياج بعد فترة بتبوش وبتحتاج تتغير وعلشان مش موجودة بتغير الدواسة كاملة
حد مر بالموضوع ده

**amro0000** · 27-09-2013 07:04 PM

انا معايا مانوال يا استاذ صلاح ومفيش فيها الكلام دا لو عاوز تتأكد تعالي شوف العربية بنفسك انا في شبرا طريقك للمنوفية بس معتقدش فيها الكلام دا

**ehabahmedie** · 27-09-2013 11:51 PM

وأنا شرحه، بومة 2007 ومعنديش الموضوع ده والحمد لله

**salah_86** · 28-09-2013 12:39 PM

امال فيه ايه عندى بقى

**ehabahmedie** · 29-09-2013 04:04 AM

السلام عليكم

انت شككتني في نفسي، هشوفها النهاردة ان شاء الله وأرد عليك لما ارجع من الشغل

**amro0000** · 29-09-2013 04:09 AM

انتة علي فكرة يا ابو صلاح شككتني في نفسي انا كمان وانا مروح شوفتها انا برجلي مش بحس بحاجة بس جيت اجرب بأيدي كدة لقيت بوش صغير كدة يمين وشمال بس حاجة بسيطة ا مش جمدة مش ملحوظة يعني مش عارف هل دا الي انتة تقصدة ولا عندك ملحوظة اوي مع حركة رجلك بتحس ان الدبرياج بيروح منك يمين وشمال؟؟؟؟؟؟؟؟؟؟ ياريت تأكد لينا

**salah_86** · 29-09-2013 02:04 PM

ياجماعه مبدئيا ربنا يباركلكم فى سياراتكم جميعا ويحفظهالكم من كل شر
بالنسبة للبوش ايوة ياعمورة هو دا اللى انا اقصدة وبعدين فى السفر بحط رجلى الشمال على الدواسة السودة اللى فى الارضية اللى هيا بتبقى جنب الدبرياج فبحس ببوش الدبرياج دا لو هديت عند مطب من غير منقل الغيار زكملت بالعربية