الموضوع: لكل من يقارن الانسر 2007-2008 بالالنترا 2007-2008

مفيش مشكلة جرب وقولى ولو احتجت حاجة ياحسام فى توكيل قليوب انا كنت اعرف صنايعنى هناك اسمه مصطفى هو شاب بس جدع لو عايز رقمه ابقى قولى هو خلانى انزل تحت وفضلت واقف شوية جنب العربية اقول للى شغال فيها تعليقاتى عليها واتابعة مع انه ممنوع بس اساسا كدا كدا لو عليت صوتك هناك واتلككت باى حاجة هيدخلوك :d

على فكرة يا استاذ احمد الالنترا كل موديلاتها الفرامل الامامى والخلفى بتاعتها ديسكات زى العربيات الفئة العاليه وديه ميزة حلوة برضة فيها

اشتريت السوناتا مرة موديل 2000 جنوط وجناح 6 سلندر وبعتها بعد اسبوعين يا عم اية الكلام دة لايوجد ثبات ولاشئ تمر من جانبى عربية نقل ببقى مش عارف السيارة حاتروح فين بعد سرعة 120 سلم يارب وامسك الدريكسيون بكل قوة اليدين للتقيم انا لايمكن اشترى هيونداى تانى ابدا ابدا ابدا العيوب ماقدرش اقول غير ذلك لانى خوفت على حياتى منها وبعتها بسرعة روح منتدى الكورى وقول الكلام ده انا اعتبرة تقيمم غير صادق وغير مخلص منك

يا استاذ Gomha انا هضلل حضرتك ليه بعدين مش كل عربيات هيونداى زى بعضها مافية الفيرنا وفية الجيتز وفية السوناتا الجديدة والسنتا فى الدفع الرباعى وفية الجينسيس الجديدة اللى تفوقت على البى ام والليكسس فى بعض اختبارات الامان وحضرتك تقدر تراجع الموضوع المدعم بالأدلة فى منتدى الهيونداى وبعدين العربية بتاعة حضرتك موديل 2000 يعنى تكنولوجيا قديمة اساسا هيونداى مبدأتش تتقدم الا عن قريب وبدأت تهتم بعفشة العربية فى بعض الموديلات يعنى الالنترا كمثال المساعدين بتوعها مساعدين غاز والكاوتشات 15 185-65 على ما افتكر والتكنولوجيا بقت اعلى وبعدين ممكن حضرتك تكون جايبها فيها عيب صناعة لو جديدة او يكون فيها حاجة لو حضرتك جايبها مستعملة مش شرط
اكيد حضرتك ليك حق تاخد بكلامى او لا لكن ان حضرتك تتهمنى انك بضلل الاعضاء او بانه تقييم كدب وغير صادق دية مسمحش لحضرتك بيها الكلام اللى بنقولة مش لعب عيال دة عن تجربة
(((((((( وما يلفظ من قول إلا لديه رقيب عتيد ))))))))

من الاخر بدون تحيز (وعلى فكره انا معايا لانسر بومه 1600 مانوال 2006)
1-الالنترا موتورها انعم و اقوى
2-الالنترا تقفيلها ما يقلش عن اليابانى حاجه
3-فرامل الالنترا أقوى و لكن اقل امانا لعدم تزويدها بال Abs (فيما عدى أغلى موديل اللى فيه Abs)
4-موضوع الشكل مسأله اذواق و انا بيعجبنى شكل الانسر اكتر من بره و جوه وده مش نقطه خلاف لانها مسأله اذواق.
5-الانسر ال1600 المواصفات المصريه ثباتها افضل من الالنترا و من غير جدل كتير الالنترا ثباتها افضل من الانسر لو الانسر خليجى لان الخليجى عفشتها مش رياضيه و كمان الالنترا ثباتها افضل من الانسر لو الانسر 1300 سىسى لان ال1300 سىسى حتى ولو عفشتها رياضيه بس ينقصها عمود اتزان خلفى و ده موجود فى ال1600 ده غير ان ال1300 جنوطها اصغر من ال1300 (14 بوصه و لكن ال1600 15 بوصه و اعرض) يعنى من الاخر الانسر ال1600 المواصفات المصرى ثباتها رهيب و عن تجربه و لازم نفرق بين موديلات العربيه الواحده و بعضها و عن تجربه الانسر ال1600 المصرى متفوقه على الالنترا فى الثبات مع انى ما سوقتش الالنترا بس شديت معاها فى ملفات حاده جدا على سرعات عاليه جدا و كانت الالنترا مش قادره تحافظ على مسارها زيى. و الثبات ممتاز لغايه 180كم /س و انا على طريق مصر اسكندريه بابقه ماشى على 160 و باخد الملفات من غير تهديه و ممكن كمان افادى حاجه و اجى من اول حاره لاخر حاره بعنف شديد من غير ما العربيه ما تقل معايا (بصراحه حته الثبات فى الانسر ده بالذات ما ينفعش حد يمسها بكلمه و اللى بيعيب على ثباتها باحس انه مش فاهم حاجه بصراحه او متحيز زياده عن اللزوم لعربيه بعينها)

6- العمر الافتراضى لقطع الغيار و العربيه عموما فى الانسر افضل و التاريخ شاهد

7- الصيانه و توافر قطع الغيار الانسر تكتسح

8- جوده المكونات الالكترونيه تحديدا فى الانسر احسن طبعا لانها يابانى (وما ادراكم باليابان فى الالكترونيات) دا حتى سماعات الانسر صوتها تحفه و الالنترا اصحابها بيشتكو ان الموبايل بيشوشر على الكمبيوتر بتاعها و لما بيرن الانوار بتنطفى و تنور لوحدها و العربيه بتخرف و ساعات بيكون بسبب السير اسفل كابلات كهرباء ضغط عالى و روحو و اسألو فى التوكيل هتلاقو الشكوى ده موجوده كتير.(اليابانى يابانى برده).

9-بوجه عام العربيتين متقاربتين و الالنترا عربيه محترمه جدا و فى تقدم مستمر موديل بعد موديل بس الالنترا سعرها مبالغ فيه جدا و متستهلش المبالغ اللى بتندفع فيها ده كلها خصوصا مع نقص كماليات كتير مهمه منها زى الabs وده من اكتر الحاجات اللى بتخلى الناس تتجه للانسر اكتر.

ياجماعة الخير انا انا قولت رايى فى هيونداى عموما وذلك لانى جربت مرة انا اشتريت السيارة عام 2001 يعنى بعد سنة واحدة من الصنع على فكرة انا شريها فى السعودية مش فى مصر والمشكلة هنا ان الطرق هاااااااااااى واى يعنى اى سيارة سوف تنكشف عيوبها بسرعة وارجع واقول الهونداى عموما سيارة خفيفة غير معمرة سواء السيارة او القطع ولا اعتقد موضوع التطور الصناعى هذا لان بكل وضوح السيارات الهونداى موضوع لها منافسة سعرية عند التصميم والتصنيع وبالتالى كل من يحاول يقول انها احسن من اليابانى دة كلامى غير صحيح