لكل من يقارن الانسر 2007-2008 بالالنترا 2007-2008

**mohamedway** · 11-09-2008 03:23 PM

المشاركة الأصلية كتبت بواسطة khaledmekawy2008

يعنى معنى كده ان الالنترا ال1600 متقفلش العداد 2000 سىسى بس اللى تقفله طب ليه وبعدين لو سمعت صوت الراديو فى العربية هتلاقيه اغانى عربى يعنى مش مدفوع حاجة ولا اعلان حتى او اى حاجة

نصيحه ماحدش ياخد الفيديوهات ده مصدر ثقه و التجربه العمليه اللى بتحكيها الناس أصدق من الفيديو.

**mohamedway** · 11-09-2008 03:26 PM

انا ممكن ارفع عجله عربيتى بكوريك و أدور العربيه و اعشق و اجيب 220 كم/س و العربيه و اقفه و طبعا هتجيبهم و بعدين اصور العداد و انزل الصور و الفيديو.

**limo** · 11-09-2008 04:00 PM

المشاركة الأصلية كتبت بواسطة mohamedway

لأ العفشه مش واحد و حضرتك محتاج تسأل عشان تتأكد من معلوماتك (العفشه واحده شكلا فقط لو نزلت تحت العربيه لكن مواصفات امتصاص الصدمات للسوست و المساعدين بتختلف)

و بكرر المصرى عفشه رياضيه و اكثر ثباتا من الخليجى وده معلومه اكيده

بصراحه مش عارف
بس كلام البشمهندس طارق نيابه عن التوكيل ان الاثنين عفشه واحده
حضرتك ممكن تتأكد بسؤال عندنا فى قسم المتسوبيشى

انا معايا خليجى هاف سبورت والعربيه ثابته على الطريق وفى نفس الوقت العفشه ناشفه مش طريه
يمكن العربيات الخليجى اوطى شويه من المصريه

**sameh.acc** · 11-09-2008 04:51 PM

حضرتك يا استاذ ماندو العربية الالنترا اللى مقفله دية اساسا 1600 ودة الفيديو اللى حضرتك ممكن تتأكد منه مكتوب ع الجنب فى ال video information انها 1600 مش 2000 وصاحبها مش محتاج يكذب يعنى وكل مالك من ملاك العربية ممكن يقولك قد اية الالنترا لو عايزة تقفل هتقفل المشكلة الشوارع والطرق السريعة بتاعة مصر متستحملش الكلام دة وعلى فكرة برضة احنا معانا الفيات اونو 2007 ال 1300 سى سى (1248 سى سى بالظبط) ومقفلين بيها عدادها 200 بالظبط على طريق العين السخنة يبقى حضرتك مش عايز الالنترا ال 1600 توين كام وال 122 حصان تقفل عدادها دة يبقى حتى حرام :D
http://www.youtube.com/watch?v=ftrzg...eature=related
ومعلومه لحضرتك الالنترا ال 1600 من صفر الى 100 كيلو فى 10.6 ثانية ,,,,
اما الالنترا ال 2000 سى سى من صفر الى 100 كيلو فى 7.6 ثانية ,,,,,

**sameh.acc** · 11-09-2008 04:57 PM

ودة فيديو تانى اهداء لحضرتك ولاستاذ mohamedway :

الالنترا الاتوماتيك جايبة 210 :

http://www.youtube.com/watch?v=DQmsl...eature=related

يبقى حضرتك مش عايز المانيوال منها يجيب 220 ويقفل عداد ولا دية كذب برضة ومش واقع عملى ياريت حضرتك تشوف العربية طلعت فى الفيديو دة الى 210 بسرعة ازاى علما بانها اتوماتيك :

http://www.youtube.com/watch?v=ftrzg...eature=related
.................................................. ........................

**ewermido** · 11-09-2008 05:52 PM

استاذ سامح
عربيتك مصرى ولا خليجى؟
وياترى حضرتك شايف ان الخليجى ممكن يكون فيه عيوب صناعه وابعد عنه ولا ايه؟

**abo samra** · 12-09-2008 07:13 AM

http://www.youtube.com/watch?v=DQmsl...eature=related
العربيه دى جابت 205 بس يبقىالمانيوال ممكن لحد 208 او 210 كمان

**goodman** · 14-09-2008 10:53 PM

المشاركة الأصلية كتبت بواسطة ewermido

استاذ سامح
عربيتك مصرى ولا خليجى؟
وياترى حضرتك شايف ان الخليجى ممكن يكون فيه عيوب صناعه وابعد عنه ولا ايه؟

أخي الفاضل
آسف للمداخلة، لكن إسمح لي بالرد عليك في هذا الخصوص. فأنا عربيتي إلنترا 2008 خليجي أتوماتيك ... وكان لدي قبلها لانسر خليجي سبورت كاملة أتوماتيك ... وأنا أتفق مع آراء الأخوة اللي بيأكدوا تفوق الإلنترا على اللانسر وذلك من واقع تجربتي الشخصية ... وعلى فكرة الإلنترا الخليجي إللي معايا من شهرين لم تظهر بها أي نوع من عيوب التصنيع حتى هذه اللحظة ... وبحمد الله ... توكل على الله ... السيارة تحفة ... وكل عام وأنتم بخير

**ewermido** · 15-09-2008 04:25 PM

شكررا يا goodman على ردك بس حضرتك شايف ان النترا فى موضوع اعاده البيع هتكون مطلوبه وبسعر معقول زى لانسر؟؟

**sameh.acc** · 15-09-2008 10:26 PM

فعلا الخليجى مش وحشة لكن حسب ااحظوظ يعنى ممكن تبقى كويسة جدا وممكن يكون فيها عيب يعنى فيها جزء من المجازفة ,,, الالنترا فى موضوع اعادة البيع او الهيونداى بوجه عام سوقة ماشى جدااااا يمكن سوقة بقى اكبر من سوق اليابانى نظرا لتعدد موديلات الكورى اللى فى السوق وبوجة عام اعادة البيع بتاعتها كويسة وحضرتك تقدر تتأكد من مواقع بيع المستعمل فى الخصوص دة زى www.contactcars.com او www.car100100.com