مقارنة شرسة جداااا

**AhMeD EzZ** · 09-09-2008 06:38 PM

انا محتار ما بين لانسر 1600 او لانسر شارك الاتنين هاف سبور
و ياريس و جين 2009 و النترا
العربية هاخد بيها مشاوير كتير و سفر يعتبر كل يوم
انهي افضل
و زيادة علي كدة هتبقي محتاجها علي سرعات عااالية و شد و جري و كدة

**M_HaFeZ** · 09-09-2008 08:18 PM

اعتقد ان سعر الشارك هاف اوبشن فى كل الاحوال اغلى من البومه
حتى لو الاولى خليجى والتانيه مصريه

عموما انا مع الشارك ... دى الافضل ليك وخصوصا فى المشاوير الكتير

**Ahmed Samy** · 09-09-2008 08:20 PM

شوف يا سيدي الفاضل

بما ان الموضوع سفر و سرعات يبقى نشيل الياريس و الانسر البوما على جنب

يتبقى لنا الشارك و الالنترا و الجين

وعلى الطريق الكل بيشكر فيهم

بس بحكم الانتشار سمعت عن الجين و الالنترا خير في السرعات

نيجي بقى للسعر يبقى الجين تكسب

وفي انتظار باقي الردود

**AhMeD EzZ** · 10-09-2008 04:39 AM

هو عشان تكونو واضحين في الصورة بسو تعرفو انا بفكر في ايه
العربية هاجرها سنة او اتنين لشركة
لحد ما ابني يخش كلية هديها ليه
يعني انهي عربية تتاجر اكتر و ليها سوق و تستحمل البهدلة و في نفس الوقت تكون شبابي
تنفع لابني لما يخش الكلية

**Ahmed Samy** · 10-09-2008 05:02 AM

لو هاتأجرها
تبقى هات لانسر شارك

عربية كويسة و موديل حديث و تأجيرها هايكون سهل

بس العربية لازم تتأجر لشركة محترمة علشان ابن حضرتك ما يخدش خردة في الأخر

**AhMeD EzZ** · 10-09-2008 05:04 AM

مهو عشان كدة انا بدور علي عربية تستحمل الهلك بتاع الشركات
طب ممكن اعرف ليه اخترت اللانسر
يا ريت تفاصيل اكتر
وهل لما اجيب انهي احسن
اوتوماتيك ولا مانيوال
فول اوبشن و لا هاف و لا سبورت و لا هاف سبورت

**Ahmed Samy** · 10-09-2008 05:32 AM

هو حضرتك بين نارين

الكماليات الكثيرة ليك و الخوف عليها من الهلك

انا بصراحة ربنا لو مكانك هاجيب اللي مافيهاش زينون يعني الهاف

وتبقى مسكت العصاية من النص

أما ليه اللانسر لأني أثق في تعمير الصناعة اليابانية أولا و الشكل الجديد لأنها هاتوصل لأبن حضرتك كمان سنتين فتكون لسة جديدة
انما الباقي ممكن جدا الشكل يتغير لأنهم بقالهم فترة ولسة سنتين كمان

بالإضافة للتوكيل الجيد اللي بقبل صيانة الخليجي و أسعار قطع الغيار المناسبة ودي حاجة مهمة لأنها لما هاترجع مش هاتكون زيرو فلازم تنتيه لنقطة الصيانة و قطع الغيار و قوة التوكيل
والله أعلم

**AhMeD EzZ** · 10-09-2008 05:35 AM

طيب معلش سؤال اخير
هيا سعرها كام و اجيب مانيوال و لا اوتو احسن

**Ahmed Samy** · 10-09-2008 05:46 AM

حضرتك هنا هاتلاقي أسعار الوكيل

و الخليجي أقل منها بخمسة الاف تقريبا

أسعار ومواصفات لانسر بومة وشارك 2009

اما موضوع النقل فاللي يريحك بس المانيوال عمره أطول و استهلاكه أقل و تصليحه أسهل

بس مافيش مانيوال بكماليات عالية للأسف