عايزة مكان كويس لصيانة الدورية واصلاح عيب محدش عارف يحله في ميني فبيا 2009

**Mosh_sara** · 28-09-2013 03:08 PM

الرجاء من السادة الأعضاء

عايزة مكان لصيانة الدورية واصلاح عيب محدش عارف يحله

وهذه مشكلتي

1- تم الذهاب لمركز كارتيك في العبور - بعد ماشبت من ارتوك غمرة - لوجود شكوى في العربية - موديل سكودا فبيا 2009 - وهي وجود ارتفاع في درجه حراره العربية مع تسرب الماء من القربة وكان هذا من حوالي 8 شهر .
3- نظرا لسفري معظم الوقت خارج مصر فـلايوجد استهلاك جامد للسيارة.
2- ظهر العيب مجدد!!!!! وذهبت التوكيل في 11/9 لعمل صيانة 60 ألف كم مع تصليح العيب ... أخبرني المهندس ان العيب موجود لأن مروحة العربية لاتعمل بكفاءة ... و هذا هو السبب !!
فطلب مني ترك السيارة 3 أيام في التوكيل حتي يشتري القطعة لعدم توافرها لديهم !
اليوم التالت بيكلمني لإستلام السيارة...
جبته القطعة يا باشمهندس؟
ايوة يافندم ...
أصْلي يا باشمنهدس ؟
أصْلي يافندم ...احنا لو حطينا أي حاجة غير الأصلي التوكيل بتاعنا يتقفل !!
طيب تمام يا باشمهندس
شكرا لكم ....

فات أسبوع قلت لازم اجرب السيارة كويس لاني دفعت مبلغ كبير جدا..... ومرة كنت ماشية بيها لاقيتها سخنت تاني والمياه اختفت في ثانية ونفس المشكلة اللي كنت رايحة عشناها موجودة....
وتم الكشف عن المروحه القديمة عند كهربائي ...وجدها تعمل بكفاءة .... تم التأكيد حاليا ان تم دفع مبلغ المروحة وتركبها بالمصنعية بدون هدف لأن العيب لسة موجود ...
بالعكس في حاجات زادت .... مع غلق تهوية العربية في الأول مكنتش بشم أي رائحه عوادم .... دلوقتي في رائحه تخنق... كمان لاحظت إن سنتر لوك بتاع العربية باز معرفش بوظه ليه !
لاقيت إن كرتونه المروحة مكتوب عليها
Made in Italy ولعربية حاجتها كلها الماني
فـسألت في السوق لقت إن في مرواح مش أصْلي بي 600 جنيه زي اللي متركبه ايطالي ....
المفروض ويجب ان يتم .............
- وضع المروحة القديمة
- تصليح السنتر لوك
- التأكد من تهوية العربية اللي اتلفها
- استرداد مبلغ المروحة والمصنعية

**hugan** · 28-09-2013 03:16 PM

حتي لو ايطالي لعربيه تشيكي مش الماني
يبقي اكيد اصلي
لكن سبب العيب اكيد من القربه فيها تسريب
او من الردياتير
لو القربه من النوعيه اللي ليها غطاء وارد جدا ان ممكن يكون الغطاء هو السبب ويطلع العيب في الاخر حاجه بسيطه
مش من المراوح
هو ده حال كل التوكيلات في مصر

**Moratoz** · 28-09-2013 08:31 PM

مبدئا الذهاب للتوكيل مرة اخري لأخبار هم بعدم إصلاح العيب وان المروحة التي تم تغيرها لم تقم بحل المشكله فالبتالي المروحة تم تغيرها بدون داعي والبحث عن اسباب اخري زي غطاء القربه او الردرياتير او شجرة المياه
لو حضرتك طلعتي بره التوكيل في مهندس هاني في جسر السويس عند حديقه بدر او احمد زاهر في صقر قريش

**المنسي** · 29-09-2013 01:18 AM

لو عايزة ترجعى للتوكيل تانى لنفس المشكلة ارجعى لهم بس اعتقد مش هيعملو حاجة تانى اكتر من اللى عملوه قبل كده انما لو عايزة حد شاطر جدا فى الفابيا فعليكى وعلى تامر خطاب وده متخصص فابياومكانه فى صقر قريش لو احتجتى تليفونه ممكن ابعتهالك على الخاص بس يا ريت تقولى لنا العربيى كام سى سى

**Mosh_sara** · 29-09-2013 02:45 PM

المشاركة الأصلية كتبت بواسطة aminyassien

احمد زاهر محترم
هو غالى بس شغله نظيف

شكرا لحضرتك
ممكن رقم تليفونه وعنوانه ضروري

**Mosh_sara** · 29-09-2013 02:49 PM

المشاركة الأصلية كتبت بواسطة moratoz

مبدئا الذهاب للتوكيل مرة اخري لأخبار هم بعدم إصلاح العيب وان المروحة التي تم تغيرها لم تقم بحل المشكله فالبتالي المروحة تم تغيرها بدون داعي والبحث عن اسباب اخري زي غطاء القربه او الردرياتير او شجرة المياه
لو حضرتك طلعتي بره التوكيل في مهندس هاني في جسر السويس عند حديقه بدر او احمد زاهر في صقر قريش

شكرا لحضرتك
ممكن رقم تليفونه وعنوانه ضروري
فين صقر قريش دي ؟؟
أنا سمعت ان في مركز عند حديقة بدر لسكودا و wv....
هل المركز ده كويس ؟

**Moratoz** · 29-09-2013 03:17 PM

احمد زاهر صقر قريش موبيل01002221256 علي طريق الأوتستراد تحت اسفل الدائري
ومراكز حديقه بدر مركز مهندس هاني عند جسر السويس بعد حديقه بدر مباشرة نخش يمين بعد سكه القطار علي اليمين