تغيير وكيل فورد , وتوقف الخدمة المعتمدة في مصر

**alshahed** · 28-09-2013 04:05 PM

أرقام تليفون فكري جروب للصيانة لا تجيب وموقعهم على الإنترنت متوقف , فذهبت بنفسي اليوم للتوكيل في أكتوبر وجدت المركز مغلق وعرفت خبر تغيير الوكيل.

وللأسف تجاهل تام من فورد العالمية , موقعهم على الإنترنت لا توجد عليه أي اشارة للموقف في مصر وحتى مصر مش موجودة في قائمة أفريقيا ولا الشرق الأوسط! شيء محزن ان تتعامل الشركة العالمية مع العملاء المصريين بهذا الإستهتار , في مثل هذه الظروف (ألا وهي تغيير الوكيل) تقوم الشركة العالمية بإصدار بيان للعملاء يوضح الموقف والفترة الزمنية المتوقعة لإنقطاع الخدمة والبدائل المؤقته

وعملا بمبدأ عدم السلبيه , ارسلت رسالة على تويتر لحسابهم FordService@ طالبا منهم توضيح الموقف , وهناك هاشتاج بعنوان FordEgypt# لمن يريد تقديم الدعم والمساندة لوضع حد لهذه اللا مبالاه من فورد العالميه للعملاء في مصر

**saddam** · 28-09-2013 09:12 PM

صديقي المواطن
عدم.إهتمام.الشركة اﻷم فورد بمصر ده طبيعي عشان فرع مصر غير مجزي بالمرة يعني مش معقولة يحطلك إسم مصر في خريطته وهو بيبيع 100 عربية في مصر بينما في دول مجاورة.بيوزع عشرات اﻵلاف ولما حكومتنا الموقرة تعيد النظر في جمارك العربيات المحترمة ساعتها حتلاقي الشركة تهتم بالسوق المصري فيا مواطن.على قد لحافك مد رجليك ودمتم للنضال

**lovestory** · 28-09-2013 09:29 PM

بالفعل التوكيل اتباع من حوالى شهر لعبد الطيف الجميل وتم تسليمه اليوم وهيت الافتتاح يوم 28\10 وده لما سالت عشان اعمل صيانه واى سئوال انا موجود

**alshahed** · 29-09-2013 11:10 AM

شكرا للمعلومة ,
يا ترى عند حضرتك فكرة مراكز الصيانة الجديدة اماكنها فين في القاهرة والجيزة

**alshahed** · 29-09-2013 11:35 AM

المشاركة الأصلية كتبت بواسطة saddam

صديقي المواطن
عدم.إهتمام.الشركة اﻷم فورد بمصر ده طبيعي عشان فرع مصر غير مجزي بالمرة يعني مش معقولة يحطلك إسم مصر في خريطته وهو بيبيع 100 عربية في مصر بينما في دول مجاورة.بيوزع عشرات اﻵلاف ولما حكومتنا الموقرة تعيد النظر في جمارك العربيات المحترمة ساعتها حتلاقي الشركة تهتم بالسوق المصري فيا مواطن.على قد لحافك مد رجليك ودمتم للنضال

أخي الكريم , أنا متفهم فكرة الإهتمام بالأسواق الكبرى لكن ده فقط من ناحية الخدمات المضافة والعروض المميزة لكن من ناحية الخدمة الأساسية , والحق في معرفة الأخبار الهامة المرتبطه بالخدمة ده لازم يكون متوفر لكل العملاء اينما كانوا

وعلى فكرة دول زي اليمن و (الأراضي الفلسطينية) والجابون ومالاوي وسيراليون موجودين على خريطه فورد .
أنا اظن ان السبب الحقيقي هو ضعف الوعي المجتمعي و عدم معرفة المستهلك المصري بحقوقه والإصرار عليها , وطبعا أي تغيير في سياسة شركة كبرى تجاه شريحه من العملاء لا يمكن حدوثة في يوم وليلة , لكن العرب قالوا قديما "لا يضيع حق وراءه مطالب"

**Maghraby1987** · 29-09-2013 12:39 PM

انا روحت يوم الاحد قبل اللي فات فرع اكتوبر و سمعت موضوع تغيير الوكيل لصالح عبد الطيف جميل و الناس هناك بتاكد ان كل المراكز و الفروع هتفضل زي ماهي ما عدا فرع اكتوبر هينقل في ابو رواش

**auto5truck** · 30-09-2013 10:33 AM

المشاركة الأصلية كتبت بواسطة maghraby1987

انا روحت يوم الاحد قبل اللي فات فرع اكتوبر و سمعت موضوع تغيير الوكيل لصالح عبد الطيف جميل و الناس هناك بتاكد ان كل المراكز و الفروع هتفضل زي ماهي ما عدا فرع اكتوبر هينقل في ابو رواش

خطوة جيدة لأن مكانة فى أكتوبر غريب للغاية ده يعتبر فى أخر مصر