طلب نصيحة: أشتري الإلنترا في العرض الآن وللا أنتظر ال ٢٠١٤؟؟!

**RimounAdel** · 28-09-2013 09:11 PM

المشاركة الأصلية كتبت بواسطة Silent~Dream

لا تشترى النترا 2013 او 2014 من غير امبوليزر او abs و اكيد 2014 هتكون اغلى فتلحق و تشترى دلوقتى ولو الفئه دى gls ال abs اختيارى ومش شايف كلمه امبوليزر او مانع اداره المحرك خالص .

هيونداى مصر

انا فعلا مستحيل اشتريها من غير اموبيليزر . في صديق ليا اتسرقت عربيته الالنترا و كنت صرفت نظر عنها للسبب دا و رجعت افكر فيها تاني لما نزلت بالاموبيليزر.. المشكلة في ال abs هاضطر ادفع حوالي ٧٠٠٠ او ٨٠٠٠ تقريبا زياده علشان اجيب ال gls اللي فيها abs و دا فوق امكانااتي حاليا.. هو فعلا يستاهل ال ٧٠٠٠ جنيه الزياده؟

**FOREX EAGLE** · 28-09-2013 11:54 PM

لو مفيش اوبشنز زياده هتنزل في 2014 اشتري 2013 الموجود حاليا واستفيد بالخصم ..اعتقد 2014 مش هينزل فيها جديد وال 2013 الحالي الزياده الي فيه حتي الان زي ما الناس قالت ايموبلايزر و زرار التحكم ف النور

**mahmoud_afifi** · 29-09-2013 12:08 AM

انا بقول تنتظر ال2014 عشان التغييرات الي فيها ومن اهمها فتحات التكييف. اما الفوانيس مش هتستفيد بيها لأنك مش هتجيب اعلى فئه.
وسواء هتجيب ال2013 او ال2014 بلاش تجيب العربيه دي من غير immobilizer أو ABS. الاتنين مهمين جداااا
وصدقني مع اني جايب عربيه مفهاش abs بس مستعد ادفع ال7000 الي بتقول عليهم عشان يبقى فيها abs. بس طبعاً ماينفعش للأسف.

**hossam_elwani** · 29-09-2013 12:28 AM

وهيا 2014 حتنزل امتى اصلا ؟؟

**Haitham Basha** · 29-09-2013 01:47 AM

المشاركة الأصلية كتبت بواسطة RimounAdel

هيثم باشا قبل ما ارد عليك اسمحلي احييك علي مواضيعك... ساعدتني كتير في علمتني كتير و انا بادرس الموضوع :)

بخصوص المواصفات هي تزيد عن أول فئة من الأوتوماتيك بالآتي: التكييف الديجيتال و كاسيت مختلف و جنوط ١٦ و سينسورز باركنج و مطر و نواكل و شوية حاجات تانية مش فاكرها بس هي مافيهاش abs ولا فتحة سقف.

حبيب قلبي شرف ليا إن الموضوع أفادك ... بالنسبة للعربية كل الي انت قلتو ده تمام أوي يعني أنا الي فارق عني و عنك تلات حاجات فتحة السقف و السنسور بارك و الـ abs نصيحة بلاش عربية من غير ABS بلاش بلاش بلاااااااااش هترجع تندم أشد الندم بعد كده و طبعاً مننساش الإموبلايزر ده أساسي و بكرة النور الي بتعلي النور و توطية متنساش تبص عليها ... لو ينفع إنك تزود و تجيب الـي بي ABS يبقى تمام معرفتش يبقى نصيحة بلاش و على فكرة الـ 2014 نزلت في معارض كتييييييييير وهي هي مغيروش أي حاجة . الفيس ليفت هينزل لسه كمان 6 أو 8 شهور ... آه صحيح نسيت أسألك الكاسيت المختلف زي الي عندي و لا الي USB & AUX جمب الولاعة ...؟؟

**profimh** · 29-09-2013 02:00 AM

المشاركة الأصلية كتبت بواسطة haitham basha

حبيب قلبي شرف ليا إن الموضوع أفادك ... بالنسبة للعربية كل الي انت قلتو ده تمام أوي يعني أنا الي فارق عني و عنك تلات حاجات فتحة السقف و السنسور بارك و الـ abs نصيحة بلاش عربية من غير abs بلاش بلاش بلاااااااااش هترجع تندم أشد الندم بعد كده و طبعاً مننساش الإموبلايزر ده أساسي و بكرة النور الي بتعلي النور و توطية متنساش تبص عليها ... لو ينفع إنك تزود و تجيب الـي بي abs يبقى تمام معرفتش يبقى نصيحة بلاش و على فكرة الـ 2014 نزلت في معارض كتييييييييير وهي هي مغيروش أي حاجة . الفيس ليفت هينزل لسه كمان 6 أو 8 شهور ... آه صحيح نسيت أسألك الكاسيت المختلف زي الي عندي و لا الي usb & aux جمب الولاعة ...؟؟

كلام مضبوط و تمام من الاخر زى ما بيقولوا من الشمخ الجوانى

**M I D O** · 29-09-2013 05:25 AM

رايي تستني موديل 2014 عشان الايموبلايزر هينزل في كل العربيات

**Silent~Dream** · 29-09-2013 01:31 PM

المشاركة الأصلية كتبت بواسطة RimounAdel

انا فعلا مستحيل اشتريها من غير اموبيليزر . في صديق ليا اتسرقت عربيته الالنترا و كنت صرفت نظر عنها للسبب دا و رجعت افكر فيها تاني لما نزلت بالاموبيليزر.. المشكلة في ال abs هاضطر ادفع حوالي ٧٠٠٠ او ٨٠٠٠ تقريبا زياده علشان اجيب ال gls اللي فيها abs و دا فوق امكانااتي حاليا.. هو فعلا يستاهل ال ٧٠٠٠ جنيه الزياده؟

يا باشا لو الامان ملوش لازمه يبقى الواحد يشترى عربيه تموته ؟؟؟ حسبى الله و نعم الوكيل ازاى حاجه زى ال abs وEBD و 2 Airbag على الاقل دى ميعملوهاش حاجه اساسيه مش ادفع عشان تاخد عوامل امان اساسيه اصلا تفكير رجعى هيودينا فى داهيه و المشكله اننا بندفع للاشكال وحضرتك كده هتجيب الفئه الاعلى الى ب 175 الف ؟؟ انا رايى بقى حضرتك تشوف عربيه غير الانترا خالص