الموضوع: دليل كمبيوتر موتور الفكترا بي ال1600 مانيوال

الموتور دا اسمه 16lz2 و هوا قليل الاعطال جدا وهو محرك 1600 سي سي



معلومات عن الموتور

القدره الحصانيه HP 74/5400
العزم torque 120 2800

نسبه الانضغاط compression 8.8:1
عشان تعرف موتورك كبسه كويس ولا خفيف بجهاز قراءه ضغط الاسطوانه مفروض يكون 12 الى 15 بار

التاكيهات مش بتتظبط عشان كوستبانات اوتوماتيك بتظبط مع ضغط الزيت valve clearance hydraulic auto adjust

السرعه الخامله السلانسيه

man 770 to 930
auto 720

ترموستات الكوعه thermostat 92 start open 107 fully open


الحساسات:

1-حساس الكرنك (العربيه متدورش من غيره)


2-حساس الكولنت درجه حراره المياه (ممكن يأخر دواره جامد ... يخلي العربيه تدخن اسود ... يزود استهلاك البنزين )


3-حساس خلخله الهواء او الفاكيوم للمنافولد الماب (لمعرفه كميه الهواء الداخله لاسطوانات المحرك لمعرفه كميه البنزين المناسبه )


4-حساس ال TPS زاويه فتح البوابه المرتبط بدواسه البنزين (لمعرفه مدى احتياج السائق لقدره المحرك زي لو عايز يطلع من حد ضروري و بيستنتج ايضا كميه الهواء المتوقع تدخل للاسطوانات مع الفتحه بالقدر ده مع سرعه RPM اد كده)


متحكمات actuators : بيطلق عليها حساسات لكن هيا مبتحسش حاجه دي بتنفذ اوامر كمبيوتر الموتور

1-رشاش البنزين ... رشاش واحد فقط فوق البوابه

2-متحكم في سرعه الخمول او السلانسيه idle air control (العربيه تبطل مع التكييف او لما تسيب رجلك )



3-كتاوت طلمبه البنزين

4-مشط البوبينه (ignition module) اللي بدوره واصل مع البوبينه اللي بدورها بتدي الهاي فولت للاسبراتير


اشارات اخرى متصله بكمبيوتر المحرك:

1- سرعه السياره كم/ساعه

2-لمبه اعطال الموتور اللي موجوده في التابلوه خارجه من كمبيوتر الموتور

3-سلكه لفيشه جهاز الاعطال

4-الايموبليزر

5-الاتصال مع سويتش الضغط و كتاوت كمبرسور التكييف

6-فيشه الاوكتان



ملاحظه مهمه مفيش حساس اكسجين !!! للاسف لو العادم مش مظبوط مفيش حد هيقول لكمبيوتر الموتور يطرح او يضيف نسبه ثابته من البنزين (fuel trim)
ودا لان الماب والكولنت اكيد مش 100% يعني

كمان مفيش حساس درجه حراره الهواء الداخل للمحرك ودي معلومه مهمه جدا في حساب كميه البنزين

مفيش حساس الصفع knock مكانه في فيشه الاوكتان مفروض حساس الصفع بيتعرف عالاوكتان و الكنترول بيتصرف

تم التنسيق