سانديرو 2014 ولا لوجان 2014

سلامو عليكم
انا قريت كتير عن الرينو وانا بحب العربيات الاوروبى عموما وناوى اجيب عربية قريب جدا ومحتار جدا جدا ما بين
لوجان
والسانديرو والنيسان صنى الشكل الجديد 2013
والافيو
انا مش هسالكو عن المنافسين عشان اكيد انا فى معقل الرينو
انا هسال عن هل الرينو لوجان ولا الرينو سانديرو
عاوز استبعد واحدة عشان الحيرة تقل شوية
كنت عرفت ان فيه مشكلة سخونة عند دواسة البنزين
ومشكلة الكلاكس اللى فى دراع:-p الاشارة
وزرار الازاز اللى ورا الهاند بريك
وعضة فى فتيس الاوتو
وباور تقيل شوية ده بالنسبة للوجان
هل ده ينطبق ع السانديرو بردو؟
وومن الاخر كدا
اجيب دى ولا دى؟

الموضوع ده انا كنت عامله من فتره
وكان مفيد جدا جدا


http://www.nilemotors.net/Nile/362719-a.html

لوجان = سانديرو

اللوجان هى هى نفس العربية السانديرو بالتمام والكمال ما عدا الهاتش باك وممكن تشوفها في معرض الرينو في معرض سور نادى الزمالك واسعارهم
لوجان = 95500 جنية
سانديرو = 97000 جنية
وربنا يوفقك بإذن الله

العيوب اللى حضرتك بتقولها كلاكس في الدراع - زراير الزجاج الخلفى
دى حاجات حتتعود عليها بعد اسبوع 10 ايام حتلاقى نفسك اتعود عليها خلاص مش مؤثرة اوى لو العربية عاجباك

اما موضوع الفتيس اللى بيعض متخافش من العض مش كل العربيات بتتعض انت ونصيبك

شكرا يا رجااالة اوى على ردودكم
طيب قصة الباور دى؟

طيب يا ديب بيه
ده سعرهم فى معرض الرينو هل بيقل لو حجزتها مثلا من ااتوكيل ولا ده هوا هوا سعر التوكيل واقل سعر اجيب بيه رينو منين؟

مفيش فرق حضرتك خاااااالص الفكرة كلها حضرتك عايز عربية سيدان ولا هاتشباك وربنا يوفقك واختيار موفق وعربية محترمة :wink14:

دي شويه اراء لاعضاء هنا في المنتدي معاهم العربيه


السلام عليكم.
أنا معايا سانديرو (اخت اللوجان بس الهاتشباك) وححاول أسرد النقاط اللي ضدها كلها:
النقاط المعروفة: ودي لا اختلاف عليها
1- صوت الموتور عالي شوية (مش مزعج بس برضه عالي)
2- الكاوتش سيء ولو ناوي تجيبها غيره بالكتير بعد 10 ل 15 ألف أو بيعه استعمال وهي العربية لسة جديدة يجيب سعر عشان لسة ممشاش.
3- نتشة الفتيس واضحة في بعض الأحيان ومابتروحش بالتليين
4- دهان الاكصدامات خفيف وبيطلع باللمس (دهان العربية نفسه بالنسبة لي تقيل وده من كلام السمكري عشان كان عندي حكة ف طرف الرفرف بيعملها... يمكن حظي طلع كدة الله أعلم)
5- المساحات مش متظبطة مع البخاخات (أول ما تشتريها اطلع علي الاكسسوارات اشتري المقاس الأعلي للمساحة اللي قدامك والأقل للي جنبها حتلاقيها مظبوطة)
6- الباور تقيل شوية


نقاط موجودة عند البعض وغير موجودة عندي:
1- كرسي السواق بيزيق أو الضهر بيتهز: مش موجودة عندي ولو موجودة ماتروحش التوكيل روح لسروجي يظبطها حايخلصهالك ف 10 دقائق.
2- سخونية التابلوه أو الدواسات: الدواسات عمري ما حسيت بيها أما التابلوه مرة واحدة كان فيه زرار دافي بس كان مشوار 4 ساعات.
3- التكييف مكتوم: روح التوكيل يفضي شوية من الفيريون ساعات بيبقي ماليه بزيادة.
4- الطلعة بطيئة: مش عيب بس فيه ناس مش بتكبس شوية بنزين ف الطلعة الأولي فا بيحس ان العربية مابتديش معاه.. الموضوع كله انك طالما مش كابس شوية العربية بتفهم انك ماشي ع الهادي أو بتوفر.
5- الكيك داون مش شغال: لو عملت كيك داون عادي يديع أعلي عزم لنفس النقلة.. انزل بالدواسة للآخر عشان يسقط نقلة.
6- الطنابير أو التيل: ماحصليش أي مشاكل منها بس أي عربية فيها احتمال ان الطنابير أو التيل تبوظ بسرعة أول مرة (مش تبرير بس بص ف أي قسم حاتعرف)

نقاط موجودة عندي ومش عامة:
1- دواسة الفرامل بتزيق: في آخر 2 سم من الضغطة بتزيق بسيط أعتقد محتاجة حبة زيت أو شحم حاعملها وانا ف التوكيل ان شاء الله.

أما المميزات:
مش حاتكلم كتير بس اللي مش عيوب اعتبره مميزات هههههه.. بص هي حاجة ماحدش ينكرها ان أي حد جرب الفيرنا أو الأفيو أو الصيني بعد ما يسوق اللوجان شهرين تلاتة يحس انه سايق عجلة وده من واقع اني سايق الأفيو بتاعة أخويا مع السانديرو.. غير ان الأبواب وكل حاجة فيها محملة وكويسة.


العربية لما كانت بحاجة وتمانين كان سعرها ممتاز جدا بالنسبة لأي عربية ف نفس السعر.. فيرنا - لانوس (مع العلم ان مافيش لانوس اوتو) - أفيو - ساجا هي أحسن من كل ده.. سعرها حاليا 95 ألف وده يخلي أي حد بيجيبها جديد يعيد التفكير. وانا بكل صراحة لو كنت حاجيب السانديرو بسعرها الحالي 97 ألف مقارنة بوقت ما جبتها 83 ألف كنت حافكر تاني (أو بالأصح ماكنتش حاجيبها).

أما الخيارات المتاحة كالتالي:
1- الصني الشكل القديم (لو مش معترض انك تجيب الشكل القديم) عربية لها مميزاتها ولها عيوبها برضه اقرا عنها وشوف. بس برضه 97 ألف كتير عليها.
2- الصني الشكل الجديد مش داخلة دماغي ومافيش حد يقنعني انها كويسة ب 110 ألف!!
3- ادخل ف المستعمل وده كان حايبقي قراري في وقت زي ده لو كنت لسة حاجيب عربية.. بل اني بافكر أبيع السانديرو علي 90 وأزود عليها وأجيب جيتا 2008-2009 استعمال بس مش عاوز أبقي باغير عربية كل شوية ومستني يمكن أجيب الأعلي ان شاء الله قدام.

من الآخر مافيش عربية زيرو تستاهل تمنها ف الوقت الحالي اللهم الا البيجو ال 301 سعرها حاليا 123 ألف أول فئة أوتو.






العربية معايا دلوقتي بقالها 23700 كيلو و النتشة بين الاول و الثاني بتظهر بس في حالة ان الطريق زحمة و انت جبت سرعة عالية على الاول و اقل من الثاني فالعربية بتنقل ثاني ساعتها علشان بيبقى احسن ليها علما بان دي حاستها في الصني الياباني مش المصري و موجودة في فتايس اوتو كثير

الفتيس فرنساوي 100% و هو هو نفس فتيس الميجان و نفس موتور الميجان مع اختلاف ان موتور الميجان فيه الترس المسؤول على تغيير حركة الفالفات على حسب السرعة و دوسة البنزين (ده اللي انا فاهمه من المهندس بتاع التوكيل) مش موجود عندنا لأن الفالفات عندنا حركتها ثابته

سخونة الدواسات دي نسبية بتختلف من شخص للثاني انا حسيت بيها في الصيف مع المسافات الطويلة و هي تحس بدفا من عند الرجل اليمين و التوكيل بيحطلك طبقى لباد عند المواسير بتاعة المياه السخنة اللي بتسبب الاحساس بالحرارة ده و لو معملش حاجة بيزودوا اللباد ده زيدة شوية و ممكن تنتهي تماما بانك تلغي التكيف السخن زي مالدكتور احمد عبد الرحمن ما عمل في المواضيع المثبته

السحب زي معظم العربيات الاوروبي بيبقى ثقيل لحد ا60 و بعد كدة بتلاقي تسارع العربية كويس جدا لحد ال140 150 و من ال140 لحد ال190 بيبقى بطئ شوية

العربية انا متفق مع الناس ان 95 الف كثير عليها بس مقارنة بباقي اسعار العربيات فلسة بتعتبر سعرها كويس و ابعد تماما عن الافيو عربية كلها مشاكل و ادخل خد لفة في قسم شيفروليه و شوف الماسي اللي ملاكها بيشتكوا منها خصوصا انها مش رخيصة ... دي اغلى من اللوجان الاوتو ب98000 يعني اغلى من اللوجان ب3000 جنيه و مفيهاش نص الاوبشنز ولا الامان اللي في اللوجان

اقتباس:

---

المشاركة الأصلية كتبت بواسطة dreammate

طيب يا ديب بيه
ده سعرهم فى معرض الرينو هل بيقل لو حجزتها مثلا من ااتوكيل ولا ده هوا هوا سعر التوكيل واقل سعر اجيب بيه رينو منين؟

---

هو دة سعرهم في التوكيل ولو عايز سعر كويس اسال عليها في المعارض الخاصة وشوف سمير ريان عند نادى السكة الحديد بيقولوا اسعاره كويسة

اقتباس:

---

المشاركة الأصلية كتبت بواسطة hopeless20

دي شويه اراء لاعضاء هنا في المنتدي معاهم العربيه


السلام عليكم.
أنا معايا سانديرو (اخت اللوجان بس الهاتشباك) وححاول أسرد النقاط اللي ضدها كلها:
النقاط المعروفة: ودي لا اختلاف عليها
1- صوت الموتور عالي شوية (مش مزعج بس برضه عالي)
2- الكاوتش سيء ولو ناوي تجيبها غيره بالكتير بعد 10 ل 15 ألف أو بيعه استعمال وهي العربية لسة جديدة يجيب سعر عشان لسة ممشاش.
3- نتشة الفتيس واضحة في بعض الأحيان ومابتروحش بالتليين
4- دهان الاكصدامات خفيف وبيطلع باللمس (دهان العربية نفسه بالنسبة لي تقيل وده من كلام السمكري عشان كان عندي حكة ف طرف الرفرف بيعملها... يمكن حظي طلع كدة الله أعلم)
5- المساحات مش متظبطة مع البخاخات (أول ما تشتريها اطلع علي الاكسسوارات اشتري المقاس الأعلي للمساحة اللي قدامك والأقل للي جنبها حتلاقيها مظبوطة)
6- الباور تقيل شوية


نقاط موجودة عند البعض وغير موجودة عندي:
1- كرسي السواق بيزيق أو الضهر بيتهز: مش موجودة عندي ولو موجودة ماتروحش التوكيل روح لسروجي يظبطها حايخلصهالك ف 10 دقائق.
2- سخونية التابلوه أو الدواسات: الدواسات عمري ما حسيت بيها أما التابلوه مرة واحدة كان فيه زرار دافي بس كان مشوار 4 ساعات.
3- التكييف مكتوم: روح التوكيل يفضي شوية من الفيريون ساعات بيبقي ماليه بزيادة.
4- الطلعة بطيئة: مش عيب بس فيه ناس مش بتكبس شوية بنزين ف الطلعة الأولي فا بيحس ان العربية مابتديش معاه.. الموضوع كله انك طالما مش كابس شوية العربية بتفهم انك ماشي ع الهادي أو بتوفر.
5- الكيك داون مش شغال: لو عملت كيك داون عادي يديع أعلي عزم لنفس النقلة.. انزل بالدواسة للآخر عشان يسقط نقلة.
6- الطنابير أو التيل: ماحصليش أي مشاكل منها بس أي عربية فيها احتمال ان الطنابير أو التيل تبوظ بسرعة أول مرة (مش تبرير بس بص ف أي قسم حاتعرف)

نقاط موجودة عندي ومش عامة:
1- دواسة الفرامل بتزيق: في آخر 2 سم من الضغطة بتزيق بسيط أعتقد محتاجة حبة زيت أو شحم حاعملها وانا ف التوكيل ان شاء الله.

أما المميزات:
مش حاتكلم كتير بس اللي مش عيوب اعتبره مميزات هههههه.. بص هي حاجة ماحدش ينكرها ان أي حد جرب الفيرنا أو الأفيو أو الصيني بعد ما يسوق اللوجان شهرين تلاتة يحس انه سايق عجلة وده من واقع اني سايق الأفيو بتاعة أخويا مع السانديرو.. غير ان الأبواب وكل حاجة فيها محملة وكويسة.


العربية لما كانت بحاجة وتمانين كان سعرها ممتاز جدا بالنسبة لأي عربية ف نفس السعر.. فيرنا - لانوس (مع العلم ان مافيش لانوس اوتو) - أفيو - ساجا هي أحسن من كل ده.. سعرها حاليا 95 ألف وده يخلي أي حد بيجيبها جديد يعيد التفكير. وانا بكل صراحة لو كنت حاجيب السانديرو بسعرها الحالي 97 ألف مقارنة بوقت ما جبتها 83 ألف كنت حافكر تاني (أو بالأصح ماكنتش حاجيبها).

أما الخيارات المتاحة كالتالي:
1- الصني الشكل القديم (لو مش معترض انك تجيب الشكل القديم) عربية لها مميزاتها ولها عيوبها برضه اقرا عنها وشوف. بس برضه 97 ألف كتير عليها.
2- الصني الشكل الجديد مش داخلة دماغي ومافيش حد يقنعني انها كويسة ب 110 ألف!!
3- ادخل ف المستعمل وده كان حايبقي قراري في وقت زي ده لو كنت لسة حاجيب عربية.. بل اني بافكر أبيع السانديرو علي 90 وأزود عليها وأجيب جيتا 2008-2009 استعمال بس مش عاوز أبقي باغير عربية كل شوية ومستني يمكن أجيب الأعلي ان شاء الله قدام.

من الآخر مافيش عربية زيرو تستاهل تمنها ف الوقت الحالي اللهم الا البيجو ال 301 سعرها حاليا 123 ألف أول فئة أوتو.






العربية معايا دلوقتي بقالها 23700 كيلو و النتشة بين الاول و الثاني بتظهر بس في حالة ان الطريق زحمة و انت جبت سرعة عالية على الاول و اقل من الثاني فالعربية بتنقل ثاني ساعتها علشان بيبقى احسن ليها علما بان دي حاستها في الصني الياباني مش المصري و موجودة في فتايس اوتو كثير

الفتيس فرنساوي 100% و هو هو نفس فتيس الميجان و نفس موتور الميجان مع اختلاف ان موتور الميجان فيه الترس المسؤول على تغيير حركة الفالفات على حسب السرعة و دوسة البنزين (ده اللي انا فاهمه من المهندس بتاع التوكيل) مش موجود عندنا لأن الفالفات عندنا حركتها ثابته

سخونة الدواسات دي نسبية بتختلف من شخص للثاني انا حسيت بيها في الصيف مع المسافات الطويلة و هي تحس بدفا من عند الرجل اليمين و التوكيل بيحطلك طبقى لباد عند المواسير بتاعة المياه السخنة اللي بتسبب الاحساس بالحرارة ده و لو معملش حاجة بيزودوا اللباد ده زيدة شوية و ممكن تنتهي تماما بانك تلغي التكيف السخن زي مالدكتور احمد عبد الرحمن ما عمل في المواضيع المثبته

السحب زي معظم العربيات الاوروبي بيبقى ثقيل لحد ا60 و بعد كدة بتلاقي تسارع العربية كويس جدا لحد ال140 150 و من ال140 لحد ال190 بيبقى بطئ شوية

العربية انا متفق مع الناس ان 95 الف كثير عليها بس مقارنة بباقي اسعار العربيات فلسة بتعتبر سعرها كويس و ابعد تماما عن الافيو عربية كلها مشاكل و ادخل خد لفة في قسم شيفروليه و شوف الماسي اللي ملاكها بيشتكوا منها خصوصا انها مش رخيصة ... دي اغلى من اللوجان الاوتو ب98000 يعني اغلى من اللوجان ب3000 جنيه و مفيهاش نص الاوبشنز ولا الامان اللي في اللوجان

---

السلام عليكم انا قرأت كلام حضرتك كله هو جميل جدا بس دي اراء الناس مقارنة بتجربة حضرتك للعربية فعليا لا لا واليه فهمته وركزت عليه ان الفتيس اللي في العربية زي الميجان يعني دي حاجه كويسه و لا لا وهل لو رجع بيكشوية الوقت ممكن تشتري ميجان بعد تجربتك للمعاك لاني بدرسها حاليا لاني عاوز اشتريها وشكرا

ردوووود مفيدة جداااا ربنا يكرمكم استفدت كتير
شكرا اوووى

اقتباس:

---

المشاركة الأصلية كتبت بواسطة semsem85

السلام عليكم انا قرأت كلام حضرتك كله هو جميل جدا بس دي اراء الناس مقارنة بتجربة حضرتك للعربية فعليا لا لا واليه فهمته وركزت عليه ان الفتيس اللي في العربية زي الميجان يعني دي حاجه كويسه و لا لا وهل لو رجع بيكشوية الوقت ممكن تشتري ميجان بعد تجربتك للمعاك لاني بدرسها حاليا لاني عاوز اشتريها وشكرا

---

دي اراء ناس هنا معاهم العربيه ومجربينها
انا بالنسبالي لما جربتها حسيتها رخيصه .. التقفيل فعلا من خامات رخيصه .. استحرمت ادفع المبلغ ده كله فيها وقررت اشتري ياباني .. وربنا وفقني في ياريس 2008 .. وطبعا فرق السواقه والنعومه والراحه والتقفيل كل ده كان في صالح الياريس
الفتيس مش نفس بتاع الميجان
هو شبه بتاع الميجان 1 القديمه وكمان ناقص منه قطع .. لاحظ انك بتقارن فتيس عربيه 2014 بفتيس عربيه ميجان 1 من سنه 2000 وكمان ناقص منه

لو رجع بيا الزمان للاسف مكنتش هشتريها .. الفرق في السواقه والراحه والنعومه والتكييف للتويوتا اكتر من اللوجان .. ده غير انها ارخص ب 20 الف جنيه
اللوجان ب 96 وهتدفع ترخيص وتامين وحركات ..
الياريس انا خلصت ب 80

منا عاوز اجيب زيرو
ايه رأيك فى الصنى 2013 الشكل الجديد هيا ولا السانديرو؟
معنديش اوبشنز تانية تحت ال 100000

انا يمكن راي ميكونش صح
بس لو هختار بين الصني الجديده والسانديروا ... هختار سانديروا
لكن بين الصني الشكل القديم والسانديرو .. الصني القديمه طبعا

طب ايه فى رأيك العيوب اللى فى صنى الجديدة ومش موجودة فى صنى القديمة

انا من مالكي البروتون..الصراحة عوبية ممتازه بكل المقاييس
بس مراتي ناويه تجيب عربيه وكنت بفكرلها في الساندريو..بس بعد جوله في المنتدى هنا غالبا هجبلها جين 2
ممكن جضرتك تخليها في دماغك بردوا..

اقتباس:

---

المشاركة الأصلية كتبت بواسطة a7mad_mo7amad6

انا من مالكي البروتون..الصراحة عوبية ممتازه بكل المقاييس
بس مراتي ناويه تجيب عربيه وكنت بفكرلها في الساندريو..بس بعد جوله في المنتدى هنا غالبا هجبلها جين 2
ممكن جضرتك تخليها في دماغك بردوا..

---

الجين تو عربيه كويسه جدا جدا جدا ... ثبات .. راحه .. رفاهيه .. امان .. بس قطع غيار وبنزين ؟ يخلوك تفكر 1000 مره
التوكيل نفسه مفهوش قطع الغيار .. ولو لقيت بره التوكيل بيبقي باضعاف التمن
ولانها اتنين كامه استهلاك البنزين عالي حبتين

طب اعمل ايه يا جدعاااااان

اقتباس:

---

المشاركة الأصلية كتبت بواسطة dreammate

طب اعمل ايه يا جدعاااااان

---

هات ميجان بس تكون نظيفه

انا عاوز زيروووو اوتوووو فى حدود 100

أعتقد تزود وتجيب البيجو 301 اوتوماتيك

هو حضرتك جبت ايه في الاخر علشان انا كمان محتارة وعايزه عربية زيرو اوتو تحت المية الف

السلام عليكم
الرجاء من اعضاء المنتدى افاداتى عن اللوجان الشكل الجديد2014 الاوتوماتيك
هل نفس المشاكل بتاعت الشكل السابق مثل
1- اهتزاز كرسى السائق و التزييق
2- السخونه القادمه من التبلوه
3- الطنايبر و التيل
4-تزييق دولسه الفرامل
5-مشاكل الكاوتش و تآكله
و شكرا

اقتباس:

---

المشاركة الأصلية كتبت بواسطة aibrahim81

السلام عليكم
الرجاء من اعضاء المنتدى افاداتى عن اللوجان الشكل الجديد2014 الاوتوماتيك
هل نفس المشاكل بتاعت الشكل السابق مثل
1- اهتزاز كرسى السائق و التزييق
2- السخونه القادمه من التبلوه
3- الطنايبر و التيل
4-تزييق دولسه الفرامل
5-مشاكل الكاوتش و تآكله
و شكرا

---

مافبش لوجان او ساندير 2014 (الشكل الجديد) اتوماتيك حتى الان.....و غالبا مش قبل السنة الجديدة للاسف ....بالنسبة للعيوب الله اعلم..حد من الملاك يفيد فى الموضوع ده

اقتباس:

---

المشاركة الأصلية كتبت بواسطة hopeless20

أعتقد تزود وتجيب البيجو 301 اوتوماتيك

---

:S_thum1[1]: