الموضوع: الطريقة المثالية للخروج من طريق الصدمة و الرعب (بورسعيد - القاهرة)

الاخوة و الاخوات الكرام

أسعد الله مسائكم بكل الخير
ووقانا ووقاكم من شر الطريق و شر أنفسنا
و بعد ,,,

اليوم أضطررت للعودة مرة اخري الي مدينة بورسعيد (ميناء شرق التفريعة) التي كنت اود الذهاب اليها في الصباح الباكر كي انهي عملي هناك و أعود الي القاهرة قبل حلول ظلام الليل لخوفي من الطريق في رحلة العودة في المسافة مابين بورسعيد و الكاب و التي تمتد لمسافة 26 كيلومتر بدون أزدواج للطريق

http://www.nilemotors.net/Nile/38091...post3875206979

و لكن نظرا لحالة الاجهاد الشديد التي كنت أعانيه من رحلة الامس فقد استيقظت متأخرا و توجهت الي بورسعيد في تمام العاشرة صباحا لأصلها في تمام الساعة الواحدة ظهرا و بالرغم من ذلك أنهيت عملي في حوالي الخامسة و النصف ألا أن زحام معديتي شرق التفريعة و الرسوة حالا دون خروجي من بورسعيد قبل الساعة السادسة و النصف حيث حل الظلام

لذا بدأت في الاستعداد لرحلة العودة كالتالي أثناء توقفي بالمعدية :
1- الكشف و التأكد من أنوار الشبورة و الانوار المنخفضة
2- تنظيف الزجاج الامامي جيدا
3- تشغيل الجي بي اس و نظام الملاحة و ظبطه علي طريق بورسعيد / القاهرة (لمتابعة منحنيات الطريق)

و بالفعل خرجت من بورسعيد في تمام السابعة بعد أن حل ظلام الليل و أنا في قرارة نفسي أنوي ألا تزيد السرعة عن 100 كم/س كحد أقصي في تلك الوصلة أذا سمح الطريق و ألا أتخطي السيارات التي أمامي الا حين التأكد تماما من خلو الطريق ووجود مسافة مناسبة تسمح بالتخطي الامن

و بالفعل كنت أسير خلف السيارات التي أمامي و الانوار مطفأة الا من النور المنخفض و أنوار الشبورة كما هو موضح بالصورة أعلاه و ذلك بهدف :
1- عدم أزعاج قائد السيارة التي أمامي و التي أسير خلفها
2- عدم التأثير علي قادة السيارات المقابلة و أتاحة الفرصة لهم لرؤية افضل
3- ترك مسافة أمان بيني و بين السيارة التي أمامي

و عند رغبتي في التخطي كنت أتبع الاجراءات التالية :
1- أبدأ في الاتجاه يسارا قليلا مع زيادة مسافة الامان بيني و بين السيارة التي أمامي لكشف الطريق بشكل أفضل
2- تشغيل أشارة الانعطاف يسارا كي يفهم قائد السيارة التي أمامي و التي خلفي اني سأتخطي
3- في حالة خلو الطريق ابدأ بزيادة السرعة بأستخدام الكيك داون للتخطي في أقصر وقت ممكن
4- قبل و أثناء التخطي اومض النور العالي بشكل متقطع لكشف الطريق أمامي و التأكد من عدم وجود سيارات في الاتجاه المقابل

في الحقيقة الطريق كان رعب خاصة مع وجود السيارات في الاتجاه المقابل التي تضئ الانوار المبهرة مما يسبب صعوبة كبيرة في الرؤية لكن الحمد لله تمكنت من تخطي كافة السيارات التي كانت أمامي و قطعت تلك المسافة البالغة 26 كيلومتر في أقل وقت ممكن

طبعا الموضوع لم ينتهي عند هذا الحد فطريق الاسماعيلية / القاهرة (بعد العاشر من رمضان) به أعمال توسعات و أصلاحات تستدعي القيادة بحذر شديد و الطريق غير واضح المعالم فكانت تلك صدمة أخري

المهم بعد عناء و جهد و تركيز شديد وصلت الي الرحاب خلال زمن قدره 3 ساعات تقريبا اضطررت خلالها للتوقف مرتين
- مرة للراحة و تناول مشروب ساخن لتهدئة الاعصاب (محطة طاقة - طريق بورسعيد / الاسماعيلية)
- مرة أخري للتزود بالوقود (محطة أويليبيا - مدينة الشروق)


.... نصائح و أرشادات للتعامل مع مثل تلك الطرق :
1- ضرورة تشغيل الانوار المنخفضة (سواء ليلا أو صباحا) و ذلك بهدف أن تراك السيارات المقابلة
2- أستخدام الاشارات الضوئية لتحذير السيارات التي أمامك و خلفك
3- ترك مسافة أمان مناسبة بينك و بين السيارة التي أمامك
4- عدم السير بسرعة زائدة
5- عدم التخطي الا في أضيق الحدود و عندما يسمح الطريق بذلك و عندما يعلمك سائق السيارة التي أمامك بأمكانية تخطيه


مع خالص تمنياتي لكم جميعا بالسلامة
م/ سمير الشهاوي

المشاركة الأصلية كتبت بواسطة ahmed travco

شكرا لصاحب الموضوع... وأحب بس أوضح ان فيه كذا طريق رعب في البلد دي ومن خلال تجربتي لمدة 9 سنوات في البحر الاحمر اقدر اقول بالفم المليان ان من اسوأ الطرق اللي ممكن تشوفها في حياتك:
1. طريق العين السخنة (من اول كمين السخنة لحد قبل الزعفرانة بحوالي 20 كيلو)... حاجة استغفر الله العظيم تلاتة... طريق فردة واحدة ضيق ولافف زي التعبان... الجبل لازق فيك من اليمين والبحر بينه وبينك 3سم من الشمال لو جاي من القاهرة!!!! كمية عربيات نقل بالعبيييط... زائد طبعا اللي بيستهبلوا وبيعدوا في الملفات او ضاربين النور العالي عمال على بطال.... الطريق ده فيه 4 ملفات تحديدا منهم واحد عند بورتو السخنة كده... الملفات دي يا جماعة اليفط اللي قبلهم مش مكتوب عليها (هديء السرعة) وبس... لأ... مكتوب... (احذر! منطقة حوادث)... وش كده!! اقسم بالله في الملفات دي لو عديت الـ60 ممكن جدا جدا تتقلب (في البحر طبعا) حتى لوا راكب جاجوار!!!

2. طريق مرسى علم-إدفو... وده المفروض الطريق اللي بناخد السياح من عليه لزيارة أسوان بقى وابو سمبل... نفس شكل التعبان اللي فوق مع اختلاف طفيف... وهو ببساطة ان مفيش بحر!!! كل الحكاية ان حضرتك هتلاقي جبل في يمينك وجبل زيه بالضبط على شمالك... بدون مبالغة فيه ملفات (هوه كله ملفات اصلا) متتاخدش اكتر من 40 أو 50... كنا بنطلع الساعة 3ص تقريبا والسياح الانجليز هيموتوا ويناموا بس محدش كان بيتجرأ ويغمض عينه لحد ما نوصل استراحة كده بعد 90 كيلو من الرعب!!! ناهيك عن الحفر ومطبات الهوا المرعبة -زي طريق السخنة- زائد الجمال اللي بتطلع على الطريق فجأة في الضلمة... وطبعا مفيش أي انارة ولا كمين ولا اسعاف ولا اي حاجة خالص غير الاستراحة دي في نص المسافة!!!! يعني لو حد اتقتل واندبح محدش هيحس بيه... ولو لقيت واحد واقف بالليل كده بيشاور يبقى أكيد مش بني ادم ومليون في المية عفريت أو شيطان عاوز يتقلب معاك بالعربية!!!!

3. طريق القصير-مرسى علم (130كم).... وطريق مرسى علم-شلاتين (250كم)... وكل دول ينطبق عليهم اللي فوق من انهم فردة واحدة اكتر اللي بيمشي عليها نقل واتوبيسات كبيرة ومفيش اي نوع من انواع الاختراع اللي اسمه اعمدة انارة أو في بعض الاحيان تخطيط للطريق نفسه يعرفك انت ماشي في انهي حارة اليمين ولا الشمال!!! مع وجود الكثييييير من الملفات الخزعبلية والمتخلفة عقليا اللي شفت عليها حوادث من 2005 لحد دلوقتي بعدد شعر راسي!!

4. ممشيتش بعد شلاتين بصراحة بس اكيد الوضع اسوأ... المسافة بين شلاتين ثم حلايب في الجنوب حوالي 180كم...

5. طريق الشيخ فضل... وده بيربط بين راس غارب (150كم شمال الغردقة) وبين المنيا... ممشيتش عليه بس زملائي من الصعيد اللي بيسافروا عليه بيقولولي انه مستحيل تمشي عليه بالليل لأنك هتتثبت يعني هتتثبت... هجامة بقى يطلعوا من الجبل بعربيات تويوتا 4×4 قديمة بيسموها "مارادونا" ويقطعوا سيادتك حتت لأن ببساطة مفيش ولا كمين واحد بمعنى الكلمة في المسافة دي (حوالي 190كم)... فلو حضرتك مثلا عطلت واضطريت تقف على الطريق يبقى أولا تعرف انه من النادر حد يقفلك لأن الهجامة دول بيستخدموا نفس الحيلة في توقيف الناس... وثانيا هتشوف فيلم رعب من نوعية jeepers creepers كده!!!

6. طريق الكريمات... ممشيتش عليه برضه الحمد لله بس بسمع عنه من اول ما رحت البحر الاحمر... وده بيربط بين الزعفرانة (70كم بعد السخنة) وبين الصعيد... لو اللي بيحصل على طريق الشيخ فضل ده حضرتك شايفه كتير يبقى لازم اقولك ان طريق الكريمات 3 أضعاف ده كمان!!!

مش عارف ازاي عندنا الطرق الجميلة دي وناخد المركز الـ122 بس على مستوى العالم في مستوى الطرق!!! نفسي افهم احنا سبقنا مين يعني في الترتيب ده؟؟؟ ده احنا بعون الله بيموت عندنا في حوادث الطرق كل سنة اضعاف اضعاف اللي ماتوا في ثورة يناير!!!!

المشكلة عندنا ليست في الطرق فقط و لكن في اسلوب قيادة مستخدمي تلك الطرق
يعني ..
- طريق الزعفرانة / السخنة : مش باخاف منه بقدر خوفي من الذين يحلوا لهم التخطي في الملفات أو اللي ضاربين النور العالي ليلا
- طريق بورسعيد حاليا : كنت خايف من نفس الشئ لدرجة أني الصبح و انا متجهه الي بورسعيد كنت مشغل الانوار الخفيفة (بدون الفوج لايت) علشان العربيات المقابلة تشوفني و فعلا كانوا بيشوفوني و يهدوا سرعتهم علشان يشاورا لي علي النور (فاكرين أني ناسيه) و بذلك أدي الغرض منه ههههههههههههههه

للأسف المشكلة هي الجهل بأبسط قواعد القيادة و خاصة في الظروف الاستثنائية التي تتطلب قدرا كبيرا من الوعي و اليقظة و الحذر

فعلا أحنا ماشيين بستر ربنا