الموضوع: تجربة سيئة مع مودرن موتورز

المشاركة الأصلية كتبت بواسطة hmostafaahm

معلهش انا عارف انك اكيد دمك محروق من التوكيل والقرف اللى بنعانيه كلنا من التوكيلات والتحكمات التى بلا معنى بس يا ريت تنقلنا تجربتك ورأيك مع العربية بعد 1000 كم وايه انطباعك عن العربية

رغم ان 1000 كم مش ممكن تحكم منها على عربية بشكل كويس اوى
بس لغاية دلوقتى العربية انا شايف انها ممتازة من ناحية الثبات و الحجم و الكماليات
و هحدد بعض الملاحظات على تجربتى معاها :
اولاً : بالنسبة لأنظمة استهلاك الوقود
Eco بيخنق العربية جدا و ما ينفعش انك تسوق بيه غير لو الدنيا زحمة جدا و ما تكونش محتاج اى سحب للعربية تماماً
Normal و دا غالبا اللى بسوق بيه فى الغالب سحبه ضعيف نسبيا و لكنه مقبول
Sportجامد جدا سحب و تجميع رهيب انا بحب اسوق بيه فى اوقات معينه و بستمتع جدا بس حاسب انت بقى على فاتورة البنزين لانه بيستهلك بنزين بغباوة
ثانياً : التكييف
أداؤه معقول جدا و مش بيأثر اوى على سحب العربية او نقدر نقول تأثيره مش محسوس
ثالثاً : الفتيس ال CVT
انا اصلا عندى عقدة من الفتيسات فى عربيات فاتت بس فى العموم الفتيس ده فيه ميزة و عيب
عيبه انه بيحكمك فى الجرى لانه تجميعه فى النقلات بطىء شوية و هما معتبرين ده شكل من اشكال الأمان للفتيس و ممكن يكون كلامهم فعلا صحيح من اللى شفت اعطاله فى انواع فتيسات تانية قبل كده
رابعاً : حجم العربية و مساحتها الداخلية
حجم العربية مناسب جدا لشوارعنا و الركنات و الكلام ده و مساحتها الدخالية مناسبة ليا انا بس ممكن تكون ضيقة شوية على اسرة لو كبيرة
فى العموم انا شايف انها عربية ممتازة حتى الان و اتوقع تحقق نجاح كويس
انا ما عرفتش اقيم اكتر من كده و لو فى حد عنده سؤال اتشرف بالرد عليه
تحياتى لكم جميعا

المشاركة الأصلية كتبت بواسطة saddam

صديقي المواطن
غلطتك إنك بتديهم قيمة أكبر من قيمتهم والصح تركب بره اللي نفسك فيه بنظافة وتروح تعمل صياناتك والسلام محدش حيكلمك الشعب المصري أي واحد لو إستأذنتو بحاجة.فالرد الطبيعي هو ﻷ وعلى إيه أنا مسألش أساسا لو كان ده طبعا حقي ولا داعي تحرق دمك أنا من.سنتين ركبت في عربيتي رقم 2 أيام مكنت مليونير قبل مفلس على ظفيرة الكهربا كماليات ب 23 ألف جنيه وحطيت دي في دي وجي بي إس وجهاز إنذار بيدور و3 كاميرات و9.شاشات سوني.وباركنج سنسور وسيستم صوت كبير جدا وتويترات خارجية وسماعات خارج السيارة وأرايل مضيئة وأرايل كهربائية وزينون وجهاز تتبع مع 5 كلاكسات وكل كلاكس زرار مع إنارة.أسفل السيارة بتاع 12 قطعة وشكمان بيطلع نار وغيره كتير والعربية لسه مكملتش 100 كيلو رحت التوكيل قعدوا يتصوروا جنبها وكان فيه عطل في الفتيس حاجة بسيطة إتغيرت في ساعة بتاع الأوفر درايف الرابع وخلصت عارف لو إستتأذنت كان قالولي نفس ما قالولك
ودمتم للنضال

أ / صدام كلام حضرتك محترم جدا
بس كل ده مقبول عندهم يمكن لو ما حصلش عيوب او اعطال منه او حتى مش منه لكن فى حالة انه حصل اى عطل فى الكهربا حتى لو مش بسبب اللى حضرتك ركبته ده هيخرجلك العربية بره الضمان حتى لو عيب صناعة و يقولك انه بسبب اللعب اللى حضرتك لعبته فى العربية ( اثبت بقى العكس )
و الكلام دا اتقالى بالمحسوس كده من المهندس